Líggjas Joensen royndi seg nú tíðliga í morgun í 800 metra frísvimjing á HM 2024 í Doha, og megnaði hann har at svimja seg til óføru tíðina 8:32.54. Hetta er nógv besta tíð hjá honum nakrantíð, við meira enn 9 sekundum í mun til hansara til nú bestu tíð, sum var 8:41.85 frá HM í Fukuoka í juli mánaða í fjør.
Kinesiski Pan Zhanle setti fyri løtu síðani nýtt heimsmet í 100 metra frísvimjing á langgeil, tá ið hann sum fyrsti svimjari í 4×100 frí hjá Kina á HM 2024 í Doha svam sín tein uppá 46.80 sekund. David Popovici úr Rumenia átti heimsmetið á 46.86, frá EM 2022 í Róm. Kina vann stafettina við tíðini 3:11.08, sí úrslitalistan her
Svimjisamband Føroya fer nú so smátt at skifta til skipan við heildarætlan fyri kravtíðum sínum, aftaná eina árarekkju har kravtíðirnar vórðu funnar út í frá meðaltíð av veikastu heiðursmerkjum á viðkomandi stevnum. Endamálið er at gera skipanina einfaldari, og at fáa greiðari samanhang millum kravtíðirnar til hesar ymisku avbjóðingar.
Evropeiska svimjisambandið fráboðaði síðst í januar, at EM 2026 verður í París-St Denis í Fraklandi, í nýggja Olympiska stadion og í Seine, eins og har OL 2024 verður nú í summar. Nógv fer at verða gjørt burturúr, eisini tí at tað í 2026 er 100 ár síðani at fyrsta EM yvirhøvur, sum var í Budapest í 1926.
Altjóða svimjisambandið kunngjørdi fyri løtu síðani, at HM 2029 verður í Beijing í Kina. Tey vænta einar 2500 luttakandi íðkarar úr 200 londum, í teimum seks ítróttargreinum sum eru undir altjóða svimjisambandinum, umframt í eftirfylgjandi HM fyri masters.
Her er innbjóðing til svimjistevnu á Argjum hin 24. februar 2024, sum Havnar Svimjifelag skipar fyri. Hetta er stevna fyri okkara yngstu aldursbólkar
Líggjas Joensen royndi seg í morgun í 400 metra frísvimjing á HM 2024 í Doha, og megnaði har at svimja seg til úrslitið 4:08.59. Sí úrslitalistan her
Elisabeth Erlendsdóttir megnaði í dag at svimja seg í A-finalu á Southern Zone Speedo Sectionals 2024, tá ið hon í 200 metrar ryggsvimjing svam seg til eitt 8. pláss við tíðini 2:21.60. Besta tíð hjá henni nakrantíð, er 2:17.59 frá Pro Swim Series stevnuni í Fort Lauderdale í fjør.
Í morgin byrjar HM 2024, við luttøku av Líggjasi Joensen úr Føroyum. Startlistarnir síggjast her á omegatiming.com, har úrslitini eisini verða at síggja. World Aquatics stroymar eisini frá stevnuni, men tíverri sær tað út til at viðkomandi tænasta ikki er tøk at síggja úr Føroyum enn. Danir vísa her á eurovisionsport.com
Elisabeth Erlendsdóttir megnaði í morgun at svimja seg víðari til B-finalu á Southern Zone Speedo Sectionals 2024, við tíðini 1:06.65. Besta tíð hjá henni nakrantíð, er 1:04.62 frá Pro Swim Series í Fort Lauderdale í fjør. Sí Accurate Swim Timing
