Ungarski Alfréd Hajos valdi sum 13-ára gamalur at vilja verða góður svimjari, eftir at pápi hansara druknaði í Donau-ánni. Sum 18-ára gamalur varð hann fyrsti olympiski meistari yvirhøvur, á hesum modernaðu olympiskum leikum, tá ið hann í Olympisku Leikum í Athen í 1896 vann tvær av teimum trimu opnu greinunum, sum vóru 100 og 1200 metrar 13 hitastig køldum sjógvi, har avbjóðingin við teirri triðu greinini var, at hetta alt varð svomið sama dag.
Sameindu Tjóðir heitir nú á øll lond um gera átøk til at umganga druknivanlukkur, sum lýst í hesum fyrimyndarreglum sum vórðu einmælt samtyktar av ST í gjár. Samstundis verður 25. juli nú framyvir alheims dagur til fyribyrging av druknivanlukkum, við enska heitinum “World Drowning Prevention Day”.
Lesi t.d. her í Dhaka Tribune
Nøkur góð ráð frá átakinum “Bevæg dig for livet” hjá Dansk Svømmeunion og DGI, um trygd í sambandi við svimjing á sjónum.
Altjóða lívbjargingarsambandið ILS boðaði í morgun frá, at heimsráðstevnan í fyribyrging av druknivanlukkum er útsett, frá at vera í Colombo á Sri Lanka í oktober 2021, til heldur at vera sama stað í 2023. Orsøkin er støðan við korona.
La Vanguardia skrivar her um eina syrgiliga søgu í Malaga í Spania, har 19-ára gamli Ramiro Tossone fekk trupulleikar, tá ið hann nú leygardagin undir venjing vandi at halda andanum. Lívbjargararnir komu sum skilst beinanvegin til og fingu hann á sjúkrahús, tá í kritiskari støðu, har læknarnir tó tíverri ikki fingu hjálpt um støðuna, so at hann nú doyði í gjár seinnapart, mikudag.
Altjóða lívbjargingarsambandið ILS hevur í morgun kunngjørt, at HM í lívbjarging sum skuldi verða í Riccione í Italia í september 2020, nú heldur verður í Riccione í september/oktober 2022. Lesið her á ilsf.org umframt offisiella brævið.
Eftir ætlan skuldi val-aðalfundur verða í sambandi við hetta HM í 2020, men er hann nú fluttur til heldur at verða í sambandi við altjóða lívbjargingarráðstevnuna sum verður í Sri Lanka í 2021. Og HM sum skuldi verða í Marokko í 2022, verður nú heldur í 2026.
Continue reading ILS flutt HM í lívbjarging til 2022, aðalfundin til 2021Lesið her á ilsf.org
The ILS has considered the worsening position in Italy, Europe and around the world which has deepened considerably in recent days. In the interests of the health and well-being of all participants of our events, the ILS has decided that the Lifesaving World Championships 2020 will not take place in September 2020 and will be postponed until 2021 (or even 2022).
Ein óhugnalig men tó áhugaverd søga: Andlitið á lívbjargingardukkum er ofta stoyping av tí hjá eini ókendaðari ungari kvinnu sum druknaði í París í 1880-unum. Hon var so vøkur at patologurin valdi at gera eina stoyping av andlitinum, sum varð víðakend og avritað ótalligar ferðir, eisini tá fyrstu framleiðarar av lívbjargingardukkum skuldu brúka eina til “Resusci Anne” (sum vit í SSF kenna sum Mini Anne). Og tí handan morbida viðmerking sum eg ikki sjálvur havi funnið uppá, at hendan “L’Inconnue de la Seine” eigur ‘mest mussaða andlit í søguni‘.
Í morgin ári fer undirritaði sum umboð fyri Svimjisamband Føroya til Bruxelles í Belgia, at fundast við evropeiska svimjisambandið LEN og ES og sikkurt onnur við, um hvussu betri svimjiførleiki kann minka um títtleikan av druknivanlukkum í Evropa.
Forsetarnir báðir í evropeiska svimjisambandinum LEN og evropeiska lívbjargingarsambandinum ILSE hava undirskrivað eina felagslýsing (eitt “memorandum of understanding”), at í felag vilja virka fyri at betra um svimjiførleikan í Evropa, til á tann hátt at minka um talið av druknivanlukkum.
Sambært WHO drukna 27000 fólk árliga í Evropa, ella 3 um tíman, harav flestu eru børn millum 3 og 12 ár. LEN sjósetti tí í 2017 átakið “Getting Europe Swimming Safely”, seinni kallað “Learning to Swim, Prevent Drowning”, sum ILSE nú eisini formliga stuðlar.
Fyri okkum føroyingar er hetta serliga viðkomandi, tí at vit longu tá í 2017 bjóðaðu okkum fram sum pilotland, og tí sum eitt av fýra pilotlondum eru við í arbeiðsbólkinum. Til nú hevur tað verið mest fyrireikandi ráðlegging, men hendir vónandi okkurt spennandi nú innan alt ov leingi.
Lesið tíðindini her hjá LEN og her hjá ILSE
