Sjokeraður yvir at føroysku miðlarnir ikki varpaðu beinleiðis frá hálvum maratoni í morgun, eri eg nú farin undir at savna saman tað tilfar sum eg yvirhøvur dugi at finna, á www.svimjing.com/live. Sjálvsagt við fokus á svimjing her, og við AMÍ-stevnuni afturat, sum hevur sín síðsta dag í dag. Skiftið yvir á Isle of Wight Radio, tit sum í hesum døgum ikki tíma at lurta eftir bandaðum horntónleiki 🙂
Category: Svimjing.com
Bergen Swim Festival byrjar í dag
Sum kunnugt eru 4 føroyskir svimjarar farnir til Noregs at kappast á Bergen Swim Festival, frá í dag klokkan 14 føroyska tíð til einaferð sunnudag seinnapart. Eg havi nú savnað ymisk viðkomandi leinki og sett inn livetiming-rútin hjá norðmonnum á www.svimjing.com/live, umframt kyte-rútin til okkum sum fylgjast við at kunna samskifta ígjøgnum.
Føroyingar í hylin í dag verða
- 50 frí: Óli og Eyðbjørn í 11. riðli
- 50 firvald: Magnus í 9. riðli, Eyðbjørn í 10.
- 100 rygg: Magnus í 4. riðli
- 200 frí: Eyðbjørn í 9. riðli, Óli og Pál í 10.
Svimjing.com møguliga svikalig seinnapartin
Eg eri á veg til Svøríkis á skeið, sum byrjar kl 18:00 danska tíð. Sum serkønur í Murphy-málum kann eg sjálvsagt beinanvegin siga, at tað er so nú at tað eventuelt koma tekniskir trupulleikar við síðuni, sum eg tá ikki fái gjørt nakað við fyrr enn einaferð í kvøld. Hartil komi eg nokk einki at skriva her fyribils frá sjálvari stevnuni, av tí at vit nú fyrst koyra, og síðani skulu á skeið nakrar tímar longu í kvøld. Soe … fylgið við á www.svimjing.com/live, so leingi sum tað nú koyrir … ella fari niðan í Gundadal og síggið lívið ordiliga ‘live’ 🙂
Úttøkustevnan LIVE á svimjing.com/live og á iPhone
Havnarmenn hava verið so beinasamir at bílagt LiveTiming til SMS stevnuna í Havn í dag og í morgin, og eg havi tí sett www.svimjing.com/live upp til at vísa tað og chat og møgulig videobrot eisini. Hartil síggi eg nú at sviar hava gjørt eitt iPhone App til LiveTiming, so nú eru vit ordiliga mobil eisini 🙂
Stevnan er annars fyriskipað við beinleiðis finalum, sum merkir at har ikki eru til dømis innleiðandi riðlar og síðani finalur um kvøldið, men heldur at kappingarnar verða avgreiddar beinanvegin í raðfylgju, við skjótastu svimjarum í síðsta riðli av hvørjari kapping.
Fyrsti partur byrjar í morgun kl 10, næsti partur seinnapartin kl 16:30, síðani aftur í morgin kl 9 og seinnapart sunnudag kl 16:00. Einaferð eftir partin sunnudag vita vit so vónandi hvørji sum verða úttikin til Oyggjaleikir. Sí annars innbjóðing til úttøkustevnuna.
So royna vit okkum á enskum eisini
Árvakni lesarin hevur kanska uppdagað lýsingina her til høgru í løtuni, at vit eisini finnast á enskum. Hatta er ein blogga hjá mær kallað Swimmer’s Daily, sum hevur verið meira ella minni óvirkin seinastu árini, av tí at eg ikki ordiliga visti hvat ið eg vildi við henni. Men nú verður tað so: ein roynd at fáa okkurt líknandi enskt-talandi upp at standa sum www.svimjing.com.
Herbert rular á YouTube
Hendan heimasíða liggur eftirhondini rættiliga trygt ovast í Google leitingum um “svimjing”, vegna tilfarsnøgdina á www.svimjing.com, leinki til tilfarið og so alt hitt á YouTube og Soundcloud og Twitter og aðrastaðni. Eisini í leiting eftir “svimjing” á YouTube; men í leiting á video.google.com er tað altso Herbert sum rular, við hesari skegu video 🙂
Pál á Speed Endurance Swimming Blog
Nú nevndi Speed Endurance Swimming Blog eisini Pál Joensen, enntá við rós til hesa stakkars heimasíðu …
I first saw this on the excellent svimjing a few months ago, but for some reason didn’t post here. Well, time to correct my mistake. Just a great way to spend 3:36 of your life.
Upptøkuhølið til The Morning Swim Show er teldugjørt (!)
Sat sum ikki einaferð og leitaði eftir loysnum til heimasíðuna her, og fann tá knappliga hesa síðu har framleiðararnir av Tricaster sjónvarpsútgerð reklamera fyri møguleikanum at hava ‘virtuelt studio‘ – altso at filma sjónvarpsfólkið frammanfyri einum bláum skermi, og so lata Tricaster telduna um at tekna eitt studio rundan um mannin. Íroknað borð og bakgrund við flatskermi, har teldan teknar skuggar av manninum á vegginum aftanfyri, og speglar hann í borðinum.
Er tað bara eg, ella minnir hatta demo upptøkuhølið ikki óalmindeliga nógv um hølið í The Morning Swim Show ?
Continue reading Upptøkuhølið til The Morning Swim Show er teldugjørt (!)
Gott nýggjár !
Tíðindi nummar 3000
Hesin postur er “noda nummar 3000” á svimjing.com, sum merkir at vit hava stovnað tilsamans 3000 frásagnir, bloggupostar og líknandi, síðani heimasíðan fór á netið tann 1. mars í 2007. Rættiliga rámandi, so verður grein nummar 3000 skrivað upp undir HM í Dubai í 2010, har fyrstu postar vórðu skrivaðir upp undir HM í Melbourne í 2007.
[fyrsta mynd á www.svimjing.com]
Continue reading Tíðindi nummar 3000