Category: venjing

Umboð fyri Svimjisamband Føroya vóru í gjárkvøldið í Havn og vitjaðu Havnar Svimjifelag, sum liður í rundferðini til øll svimjifeløg í Føroyum. Prátið gekk sum aðrastaðni serliga um støðuna hjá felagnum, ið ljóðar til at vera heilt ókey, hóast felagið í Havn sum kunnugt hevur ein ævigan trupulleika við hallarplássi.

Umboð fyri Svimjisamband Føroya vóru í gjárkvøldið í Leirvík og vitjaðu Reysti, sum liður í árligu rundferðini til føroysku svimjifeløgini. Har norðuri í Leirvík stendur heilt væl til; tey hava stórar og evnaríkar hópar í yngru aldursbólkunum, og gott skil eisini tá ið tað kemur til fyriskipanina. Prátið gekk serliga um lívbjarging, Merkjaskipanina og útbúgving av venjarum og sovorðið, og um dreymin kanska ein dag at fáa ein hyl longri enn 16 metrar í Eysturoynni.

Umboð fyri Svimjisamband Føroya vóru í kvøld við Løkin í Runavík og vitjaðu FLOT, sum liður í árligu rundferðini til føroysku svimjifeløgini. Undirritaði forsømdi sjálvur sjálvan nevndarfundin, men sum skilst stendur væl til hjá felagnum við Skálafjørðin, bæði tá ið tað kemur til nøgd av svimjarum, venjarum og at fáa tað at mala runt. Aftaná nevndarfundin komu ikki so fá foreldur afturat, tá ið hugsað verður um at hetta var føstulávintskvøld.

Umboð fyri Svimjisamband Føroya vóru í kvøld har norðuri í Klaksvík, at hitta nevnd og foreldur í Ægir, og tosa um tær avbjóðingar sum vit í felag hava. Í Klaksvík er avbjóðingin í løtuni serliga umvælingin av høllini, sum ávirkar umstøðurnar at bjóða serliga yngru svimjarum venjing. Men hesin partur er vónandi liðugur í summar, og so er at herja á í heyst.

Hetta er tíðin tá ið donsk svimjifeløg plaga at fara á venjingarlegu, at sleppa undan myrkra vetrinum eina løtu, og byggja upp úthaldni til komandi summar. Úr Ægir eru í øllum førum tey bæði Astrið Foldarskarð og Alvi Hjelm farin av landinum, Astrið at venja vælsagtans við felagnum VAT sum hon vandi við í heyst, og Alvi við Esbjerg til Miami í Ameriku. Her niðanfyri er ein mynd av Facebook-síðuni hjá Esbjerg Svømmeklub.

Sum tit kunnu lesa her á esbjergsvommeklub og her á esbjergsportscollege, so bjóða Esbjerg Svømmeklub og Esbjerg Sports College “et komplet setup” til at fáa skúla og úrvalsvenjing at hanga saman, bæði meðan næmingurin gongur á miðnámi og víðarigangandi skúla. Fleiri føroyingar hava roynt seg í felagnum har, so tað burdi ligið væl fyri.

Tíðindaskriv frá Havnar Svimjifelag

Svimjarar í Havnar Svimjifelag kunnu gleða seg til at fáa ein væl skikkaðan venjara, nú nevndin í felagnum hevur gjørt sáttmála við portugisiska landsliðsvenjaran ígjøgnum seks ár, Rui Magalhães.

(Á myndini heilsast nýggi høvuðsvenjarin hjá Havnar Svimjifelag, Rui Magalhães, og formaðurin í felagnum, Erling Eidesgaard, eftir at hava undirskrivað sáttmála.)
Continue reading Portugisiskur landsliðsvenjari til Havnar Svimjifelag

Sviar eru hetta vikuskiftið vertir fyri stórari ráðstevnu í Lund í Svøríki, har eisini føroyingar luttaka. Talan er um “Nordic and International Learn to Swim” ráðstevnuna sum vit í Føroyum hýstu í 2012, og sum í 2010 var í Asker í Noregi, umframt eini enn meira ambitiøsari “World Aquatic Development Conference“, sum “Swedish Center for Aquatic Research” har í Lund skipar fyri. Úr Føroyum luttaka tey bæði Rúni Gaardbo og Jórun Eið, sum heilsa at har hava verið nógvir áhugaverdir fyrilestrar.