Sí hs.fo
Tórshavn Swim Club in the Faroe Islands is seeking a Head Coach, who will coach the elite teams and supervise the competitive sector of the club in whole ensuring that the coaching of all teams is consistent and applies to the overall philosophy of the club.
Føroyska landsliðið er komið uppá pláss í Herning, upp undir evropameistarastevnuna á stuttgeil 2013. Hendan fyrsta morgunin eiga vit so gott sum allan hylin 🙂
Sí hs.fo
Høvuðsvenjarin hjá Havnar Svimjifelag, Kristian Martin Joensen, hevur í dag sagt seg úr starvi. Nevnd felagsins tekur uppsøgnina til eftirtektar, takkar Kristian Martini fyri samstarvið og ynskir honum alt tað besta framyvir.
Felagið leitar nú eftir nýggjum høvuðsvenjara at byrja skjótast gjørligt.
Í tíðarskeiðnum fram til 1. apríl verður Kristian Martin tøkur hjá felagnum og kemur hann í hesum tíðarskeiði, til ein nýggjur høvuðsvenjari er settur, at taka sær av dagligu venjingini hjá 1. og 2. liði.
Havnar Svimjifelag
“It doesn’t take Rocket Science to perform CPR. Use Hands-Only CPR! Learn more at handsonlycpr.org.”
(Hatta er ikki heilt tað sama sum vit læra her í Føroyum, men tað er so tað. Kom bara í gongd!)
Enn eitt dømi um hví svimjing er ítrótturin yvir allar – Amerikanska sclerosufelagið roynir við átakinum “Why I swim” at breiða út vitanina um hvussu gott tað er fyri fólki við sclerosu at svimja, ella á annan hátt røra seg í vatni. Her ein mamma at tveimum børnum, sum greiðir frá hvussu svimjing hjápir henni at ‘yvirliva og trívast’.
Jaligir tónar frá Eysturkommunu
Frá 1. januar 2014 verður tað ókeypis hjá almenninginum at nýta svimjihylin í kommununi.
Portal.fo hevur í dag lagt út hesa áhugaverdu videoupptøku har Kaj Joensen tosar við Pál um skiftið til at venja í Danmark, og um útlitini nú til Evropameistarastevnuna í Herning í desember.
Her eru nakrar útvaldar myndir frá svimjidegnum sum Havnar Svimjifelag og Svimjisamband Føroya skipaðu fyri í Svimjihøllini í Gundadali, leygardagin hin 16. november 2013. Myndasavnið kann eisini síggjast her á Flickr.
Í vikuni vóru leverandørur og handverkarar, sum skulu seta upp bæði 50 m. svimjihylin og barnahylin í Vági á byggifundi.
Og nú er greitt, at farið verður undir at seta upp sjálvan 50 m. svimjihylin og barnahylin síðst í januar. Arbeiðið at seta báðar svimjihylarnar og vatnreinsianlegg verður skipað í tveimum umførum.
Fyrsta umfarið byrjar síðst í januar, tá verður alt rør-arbeiðið gjørt, vatnreinsianleggini sett upp, og fyrsti partur av hylunum báðum settur upp.
Annað umfarið av arbeiðinum verður skipað í mun til nær hinir partarnar í sjálvari svimjihøllini eru klárir, tí hetta umfarið endar við at vatn verður fylt í hylarnar báðar og klárt verður at svimja.
(Mynd av svimjihollin.com)
Petur Elias Petersen, forseti í Ítróttarsambandi Føroya, flytir her fram røðu á 75 ára føðingardagshaldi hjá Havnar Svimjifelag, leygardagin hin 16. november 2013. Røðan kann eisini lesast her á isf.fo
