Category: venjing

12 umboð fyri Fuglafjarðar Svimjifelag og Fuglafjarðar Kommunu hava í dag staðið lívbjargingarroynd í hylinum í Fuglafirði, undir leiðslu av lívbjargingardómara Rúna Gaardbo og skeiðsfyriskipara Jórun Eið. Hetta er liður í verkætlanini hjá Svimjisambandi Føroya, at tryggja at allir venjarar í føroyskari svimjing hava lívbjargingarprógv, og at eingin svimjing yvirhøvur fyrigongur í føroysku svimjingini uttan at minst éin lívbjargari er til staðar. Til lukku tit 12, ahem, eg má til at fáa staðið mína roynd eisini! 🙂

Bara ein heilt stutt briefing um hallamálið í Klaksvík – Soleiðis sum eg skilji tað, so varð eingin endalig avgerð tikin mikukvøldið, um hvussu vítt høll skal steingjast ella ei, ella um hvussu umfatandi steingingin skal verða. Tað kemur at bíða eina fjúrtan dagar, til vælsagtans næstkomandi býráðsfund.

Ógvuliga ófrættakend tíðindi her á aegirsvim.fo – Eftir øllum at døma ganga rykti nú í Klaksvík um, at Klaksvíkar Kommuna á býráðsfundið mikukvøldið 4. august skal viðgera, um høllin skal steingjast komandi 7 mánaðirnar. Hetta vælsagtans vegna tær umvælingar sum verða gjørdar og skulu gerast, ið eftir ætlan annars ikki skuldu ávirka svimjingina. Dan Hjelm, formaður í Ægir heilsar, at um høllin verður stongd nú, so verður helst eingin svimjiskúli í vetur. Og í so fall ein tragedia fyri Ægir og svimjingina í Klaksvík, ið longur hevur roynt hetta tvær ferðir síðani einaferð fyrst í 90-unum, og hvørja ferð mátti byrja upp aftur nærmast av nýggjum.

Avstralskir granskarar staðfesta nú eftir í fýra ár at hava kannað 7000 børn sum vóru 5 ár og yngri, at tey sum gingu til svimjing vóru upp í 15 mánaðir longri frammi í menning enn vanliga fjøldin, tá ið tað kom til likamliga menning (‘motor skills’) og ‘kognitiv’ evni sum at rokna, telja, lesa, práta og at fylgja boðum. Tey vóru tó eitt sindur verri fyri tá ið tað kom til at handfara ein bólt. Granskararnir hava roynt at taka hædd fyri at tað eru tey ríku og tí kanska klókari foreldrini sum senda síni børn til svimjing, og meta seg hava staðfest at eisini børn at minni væl stillaðum foreldrum kunnu mennast betri, um bara barnið sleppur at svimja. Sí Griffith Institute for Educational Research.