Svimjisambandið skipar í morgin fyri ‘svimjidegi’ í Fuglafirði, har svimjarar úr ymisku feløgunum møtast til ein stuttleikadag eitt sindur í vatni, men fyri tað mesta á turrum. Tey eru eini 55 børn sum hava meldað til, við byrjan klokkan 13 og so ymiskum aktivitetum inntil eina felags máltíð á Muntra klokkan 16:30. Børnini verða biðin um at verða heitt ílatin, og umframt svimjiklæðir og handklæði, eisini at hava húgvu og vøttir/handskar við. Sí annars viðfestu skrá og bólkabýti.
“British International School, Phuket” tosar her við nú fráfarandi danska hjálparvenjaran Bas Jan Stam, um venjingarleguni har hjá teimum í Thailandi. Vit síggja eisini Pál Joensen í hylinum 🙂
Eitt skemtiligt brot á On-Sport, har Rikke Møller Pedersen filmar ein túr til handils eftir matvørum í Thailandi, nú hon, danska landsliðið og Pál og Jón eru á venjingarlegu. Jón tosar um bringusvimjing, og Frans keypir turran fisk 🙂
Kunning frá Svimjisambandi Føroya
Leygardagin hin 9. mars fer Svimjisambandið, saman við Fuglafjarða Svimjifelag, at skipa fyri einum ‘Svimjidegi’ fyri yngru svimjararnar. Á skránni verða ymiskir aktivitetir, bæði inni og úti, í hyli og á turrum, og børnini verða blandað í bólkar, soleiðis at tey kunnu hugna og stuttleika sær saman og koma at kenna hvønn annan tvørtur um feløgini. Vit runda dagin av við eini felags máltíð á Muntra.
(Mynd frá einum lívligum degi í Fuglafirði í 2009)
Continue reading Svimjidagur 9. mars 2013 í Fuglafirði
Kringvarpið tosar við Marlon Kjærbo, formann í Suðuroyar Svimjifelag, um hvussu gongur við at byggja langhyl á Oyrunum í Vági, og um nýggju stuðulsavtaluna við Bank Nordik.
Starvsnevnd SSF var í gjár í Runavík og vitjaði FLOT, sum liður í árligu rundferðini til føroysku svimjifeløgini. Fundurin kom at minna nokk so nógv um tann í Leirvík, tí at feløgini eru so lík og tí at vit (ahem, ‘eg’) kanska tóku nakað nógv aftur í tað sum varð tosað um har. Men tað var ein áhugaverdur fundur fyri tað, við nógv látri og løgnum hugskotum eisini.
Pál Joensen og Jón Bjarnason eru í hesum døgum saman við danska landsliðnum á venjingarlegu í Thailandi, Pál tí hann venur á NTC (det Nationale TræningsCenter), og Jón sum hjálp nú danir skifta landsliðsvenjara.
Her er ein video sum Pál legði út í morgun, við viðmerking ‘monkey likes coke’
Svimjisamband Føroya er aftur í ár farið undir eina rundferð til svimjifeløgini kring landið, til at umrøða ymisk viðurskifti sum viðkoma svimjingina sum heild, og hoyra hvussu støðan er í hvørjum svimjifelagi sær. Fyrsti steðgur var í Leirvík í gjárkvøldið, har vit vitjaðu Svimjifelagið Reysti.
Hetta vikuskiftið skipar ÍSF fyri venjaraskeiði í Havn, kallað “Træner 2”. Hetta er næsta skeið í røðini av grundskeiðum hjá Dansk Idræts-Forbund, eitt sindur ‘back to basics’ fyri okkum báðar Kristian Martin, við tað at hann longu hevur yvirbygningin “Diplomtræner”, og eg hatta har frá Danmarks Idrætsskole Aalborg á sinni. Men rættiliga áhugavert fyri tað, í dag hava vit havt um ítróttarpsykologi í allan dag.
