Video her frá donsku leguni í Sierra Nevada, har tey vísa fram iltteltið sum Lotte Friis og Rikke Møller Pedersen skulu sova í, næstu 2 vikurnar. Tey eru longu í 2300 metra hædd, men vilja tó kvinka hæddina eitt sindur longur upp, til einar 3000 metrar. Og møguliga eisini (nú giti eg) stabilisera hæddina, tí Bjarnason fortaldi mær í gjár at hædd er ikki fysisk hædd – av tí at Sierra Nevada er fjallalendi, so kann ‘hæddin’ variera frá 2300 tann eina dagin til 2700 tann næsta, vælsagtans alt eftir hvussu lufttrýstið er. Í mun til nógv meira javna hædd í Flagstaff yviri í Arizona, av tí at tann hæddin er á einum ‘plateau’.
Category: venjing
Pál og Jón komnir fram til Sierra Nevada
Tað hevur verið enn ein rættiliga typiskur túrur hjá Páli og Jón, nú teir skuldu ferðast úr Keypmannahavn til Sierra Nevada við ferðaeydnuni hjá Jón. Tað vil siga 5 tímar seinking í Kastrup, áðrenn teir kundu koma ov seint til Madrid, so at tey máttu taka eitt hotell har frá umleið kl 2:30 til kl 06:30, og so flúgva víðari kl 08:05 til Sierra Nevada, í einum so lítlum flúgvara at tey ikki øll sloppu við. Men nú eru tey so vist nokk øll komin fram, og sum tit síggja so hevur Pál í øllum førum sæð hylin.
Húsagangurin hjá Spanair rakar Sigma Nordsjælland
Ekstra Bladet skrivar her at 20 úrvalssvimjarar og 2 venjarar frá Sigma Nordsjælland komnir í neyð, nú húsagangurin hjá Spanair merkir at teirra flogferðaseðlar niður til tvær vikurs venjingarlegu í Malaga eru burtur. Tey noyðast avstað, heilsar formaðurin Lone Olzcyk, men tað verður dýrt. Sigma Nordsjælland er fyrrverandi felagið hjá Lotte Friis, har juniorsvimjararnir Andreas Schillerup og Julie Aglund venja.
Pál á venjingarlegu í Spania og Suðurafrika
Pál Joensen og Jón Bjarnason eru í hesum døgum á veg til Sierra Nevada á hæddarlegu, Pál eftir fyrst at hava verið til onkra test og vant saman við danska landsliðnum í Keypmannahavn, og Jón nú á veg úr Føroyum. Teir skulu vera fyrst 2 vikur uppi í hæddunum í Sierra Nevada fjøllunum í Suðurspania, í umleið 2300 metra hædd, og síðani 2 vikur í Pretoria í Suðurafrika, sum er í umleið 1800 metra hædd (og uttandura).
Her í videoini hevur danski sportsjefurin Lars Sørensen fingið orð á Pál, í sambandi við venjing í úrvalsdeplinum hjá danska svimjilandsliðnum í Bellahøj.
Sí eisini svoem.dk
Suðuroy alir heimsmeistarar
Tíðindi frá 50m svimjihylinum í Vági
1. februar verður farið á rundferð í Suðuroynni at kunna um verkætlanina um fyrsta langhyl í Føroyum. Kunnandi fundir verða í Hvalba, á Tvøroyri, í Fámjin, í Hovi, í Porkeri, í Vági, í Lopra og í Sumba.
Pál Joensen við danska landsliðnum á venjingarlegur fram ímóti OL
SwimNews.dk veit at siga frá prentaðu útgávuni av Jyllandsposten, at Pál Joensen fer við á tær tríggjar venjingarlegurnar hjá danska svimjilandsliðnum, harav fyrsta er ein hæddarlega nú síðst í januar. Hetta er fyrstu ferð at Pál fer á eina veruliga hæddarlegu, og hann er sjálvsagt rættiliga spenntur uppá hvussu tað fer at roynast.
Nu er det første gang, jeg kommer til at prøve en højdetræningslejr, og nu vil jeg prøve at tage det allersidste skridt med en lang træningslejr i højden. Det tror jeg vil give det sidste i min fysiske form, som jeg har brug for.
Continue reading Pál Joensen við danska landsliðnum á venjingarlegur fram ímóti OL
Alvi og Óli til Florida at venja saman við íslendsku Ægir
Heimasíðan hjá Ægir veit at siga, at teir báðir Óli Mortensen úr Havnar Svimjifelag og Alvi Hjelm úr Ægir eru á veg til USA nú, at venja saman við íslendsku Ægir. Hetta verður undir leiðslu av franska Jacky Pellerin, sum er høvuðsvenjari hjá Ægir, og sum vit longu kenna nakrar ferðir frá vitjan í Íslandi og her í Føroyum, umframt øðrum samstarvi við Íslandi.
(Alvi og Óli klárir til start í Íslandi í juni 2011)
Fleiri enn 50 teknað PÁL-LÁN hesar seinastu dagarnar
Hesa seinastu vikuna hava fólk knýtt at verkætlanini við 50 metra svimjihyli á Oyrunum í Vági kunnað um og savnað inn PÁL-LÁN, og sigast má at móttøkan hevur verið góð. Eini 50 nýggir PÁL-LÁNarar eru komnir hesar dagarnar, sum so afturfyri eitt lán á 9600 kr í Suðuroyar Sparikassa, at rinda aftur við 200 kr um mánaðin í 4 ár, fáa árskort til húskið, at brúka allar hentleikar í svimjihøllini ókeypis í 4 ár. Sí www.svimjihollin.com
Aksenova fallin væl til í Vági
Suðurrás hevur tosað við russisku Anastasiu Aksenova, sum hevur vant í Vági nú í skjótt 14 dagar, og eisini kappast ímóti føroyum á BankNordik-stevnuni seinasta leygardag. Hon sigur at har er gott og spennandi at vera, á kortinum kanska eitt sindur langt heiman í frá, men tó ikki verri enn at tað plagdi at taka familju hennara líka langa tíð at ferðast til hennara í Russlandi, sum tað nú tekur henni at ferðast heim. Og hon er altso komin her orsaka av venjaranum:
“Tað er rætt, at tað eru øgiliga nógvir elite-svimjarar í Russlandi, men tað eru ikki so nógvir venjarar, sum arbeiða við nýggjum venjingarháttum, eins og t.d. Jón Bjarnason ger, sigur Nastya. Eg havi vant á leið sama hátt seinastu 6 árini og hevði tørv á at koma víðari og royna nakað nýtt, soleiðis at eg kann menna meg enn meira sum svimjari, og hetta er tað, sum Jón kann hjálpa mær við”
Les meira her á Suðurrás
3-2 hin 7. nov. 2011 um tey á Fløtti
Brot út ítróttarsendingini 3-2 hjá Kringvarpi Føroya hin 7. november 2011, um familjuna á Fløtti.