Videoin her lýsir ein dag í lívinum hjá íslendska bringusvimjaranum Jakob Jóhann Sveinsson, sum vit kenna frá landsdysti her í Føroyum, og frá venjingarlegum og kapping uttanlanda. Nógv venjing 🙂
Category: venjing
Ungu langteinararnir væl framkomnir til Calella
Sum kunnugt eru tey fýra Tanja Skaalum, Cecilia W. Eysturdal, Óli Mortensen og Eyðbjørn Joensen nú á venjingarlegu í Spania, har tey skulu venja á langgeil og í havinum saman við øðrum góðum langteinarum úr Evropa. Tey fóru úr Føroyum tíðliga í gjáramorgunin, komu fram einaferð í leypi av degnum, og ljóða til at hava tað heilt ókey (27 gradir í skugganum, huff).
Her er eitt feskt videobrót av kantinum í Calella:
Seinnapartin skulu tey svimja á havinum, blikalogn og 23-26 ºC
Fleiri og fleiri donsk børn læra nú bara at svimja á landi
‘Turrsvimjing’ kalla tey tað, til dømis her á Jyllandsposten, at skúlabørn í 20 prosent av donskum kommunum nú bara fáa svimjiundirvísing á landi, tí at tey hava spart tað vanligu, vátu svimjiundirvísingina burtur. Dansk Svømmeunion er sjálvsagt ímóti, og eisini Rådet for større badesikkerhed, meðan til dømis borgmeistarin í Aalborg Kommune heldur at “Det er på grund af økonomien. Vi mener, vi kan bruge pengene bedre. Vi har ikke ansvar for hvert enkelt menneske og derfor heller ikke for deres svømmekompetencer”. Borgmeistarin í Haderslev Kommune angrar og ynskir at fáa svimjingina inn aftur í skránna, tí at hann hevur innsæð at tað var skeivt at taka hana burtur, men til tá er støðan altso at serliga fátøk børn ikki læra at svimja, tí at teirra foreldur ikki hava ráð ella yvirskot til at geva teimum møguleikan uttanfyri skúlatíð.
Familjutiltak í Svimjihøllini í Gundadali 1. – 2. oktober
Tórshavnar Kommuna skrivar her um eitt stórt familjutiltak sum verður í Gundadali vikuskiftið 1. og 2. oktober, við nógvum spennandi tilboðum til barnsligar sálir. Skipað verður m.a. fyri 20 metra forðabreyt, har vera flótandi ormar og krokodillur, ymisk svimjibelti, onnur “flóting” so sum skjaldbøkur og sjóhestar, og skipað verður fyri undirvatnsspølum, kross og bolla og vatnpolo. Kostnaður fyri børn er 30 kr og vaksin 50 kr, og kaffistovan bjóðar serliga matskrá, fyrrapart morgunmatarborð og seinnapart pitabreyð, kjøtfrikadellur, pasta og annað. Ljóðar gott !
Jógvan Arge tekur undir við hugskotinum at byggja langhyl í Havn
Formaðurin í Mentamálanevndini í Havn heldur at tað er eitt gott hugskot at fáa bygt ein langhyl í Havn, men hevur skálkin við um tað kann gerast fyri 35 milliónir krónur. Ein trupulleiki er millum annað at tað fer at krevja niðurtøku av ÍSF-húsinum, og hartil var bara terapihylurin fyri fáum árum síðani mettur at kosta fleiri milliónir krónur, sum skal byggjast millum hallirnar. Spurningurin er um verandi umklæðingarrúm kann klára trýstið av enn fleiri vitjandi, og hartil stendur ongastaðni hvussu tað verður við reinsingarútbúnaði, hitaverki og luftskifti. Men endamálið er skilt, at ein betri høll fer at síggjast aftur í frískum og væl nøgdum borgarum, umframt at vit tá betur kunnu bjóða útlendskari svimjielitu til viðkomandi kappingar á heimavølli. Les t.d. jogvanarge.com og Vágaportalin.
Nú vilja norðmenn eisini hava loyvi at brúka ilt-telt
Heimsmeistarin Alexander Dale Oen spurdi í Aftenposten í gjár, hvussu leingi norðmenn skulu vera eftirbátar, tá ið tað kemur til at brúka hæddarhús og ilt-telt og líknandi. Hetta í sambandi við at avstraliarar nú hava fingið ein loysn til at koyra ilt-telt á sjálvan svimjihylin.
“Flere nasjoner, som USA, Tyskland og Japan, har allerede basseng omgjort til høydehus. Det nye nå er disse australske høydeteltene som er mer praktiske, og som kan tas med dit man ønsker det.”
Continue reading Nú vilja norðmenn eisini hava loyvi at brúka ilt-telt
Ventilatiónsverkini í svimjihøllini í Havn verða skift
Tórshavnar Kommuna boðar frá:
“Arbeiðið at skifta trý ventilatiónsverk í Svimjihøllini í Gundadali varð boðið út í innbodnari lisitatión. Tilboðini komu inn í juni í ár. Renovent átti lægsta tilboðið og hava fingið arbeiðið. Arbeiðið er byrjað.
Continue reading Ventilatiónsverkini í svimjihøllini í Havn verða skift
Lotte Friis keikt hondina og nakrar fingrar í fimleiki í gjár
Eina løtu sá tað út til at gerast ein marra fyri Danmark, tá ið Lotte Friis í gjár undir landvenjing fekk fótin í klemmu í einum lopi um nakrar bummar, og datt so illa at hon noyddist á skaðastovu. “Jeg kunne ikke bevæge håndleddet og mine fingre”, sigur Lotte við Ekstra Bladet, og tey stúrdu tí fyri at hon hevði brotið okkurt, teir 4-5 tímarnar sum tað tók at fáa eina diagnosu. Lukkutíð hevur hon bara keikt handliðin og nakrar fingrar, og verður tí væntandi í hylinum aftur ‘fyri fulla skrúvu’ um nakrar dagar, heldur enn at vera úti í tveir mánaðir. Les Ekstra Bladet.
Gravgangur eftir at sleppa at svimja
Pálin bað meg heilsa øllum í gjár, at tað fyribils ikki eru fleiri pláss á liðunum hjá FLOT. Tey kundu gott brúkt eitt lið afturat, segði hon, og støðan er mær vitandi nakað tann sama í Havn, har innskrivingarpappírini gingu undan og alt, tá ið fólk meldaðu seg til síðsta mikukvøld. Ein hin størsti trupulleikin er sum kunnugt pláss í hylinum, men eisini fólk at skipa fyri venjingunum.
Sýra í svimjihylinum át tennirnar burtur á manni
Uff, hardcore søga her á DrBicuspid.com. Ein maður í USA hevði av ókendum orsøkum næstan fingið tært alla emaljuna av tonnunum upp á bara 5 mánaðir, og hevði tapt seg ógvusliga, uttan at serfrøðingar skiltu hví. Tað kundi ikki vera vegna etingarólag, tí um tað var tí at hann í duldum spýði matin upp aftur, so hevði teringin verið á innaru síðu av tonnunum, heldur enn uttaru. Tað vísti seg at enda vera tí at hann hevði fingið læknaboð um at fara at svimja, sum hann so gjørdi í hylinum heima hjá sær sjálvum 1,5 tíma um dagin … sum so vegna vánaligt viðlíkahald vísti seg at vera tað reina sýrubað. Læknarnir fingu gjørt tennirnar aftur, ‘but it was a very expensive restoration. Via the17thman.
