Amerikanska svimjistjørnan Ryan Lochte kløkkaði herfyri nøkur børn har yviri, við at møta upp til venjingina hjá teimum, hoppa útí og geva teimum venjing, og hava gávur við til teirra. Her er vist nokk eitt sindur av ‘product placement’ krógvað í videoini, umframt lítið innlit í hansara ‘crib’. Gotta love his comment: “I just want other kids to know that I’m a normal person.”
Category: venjing
Havsvimjari burturblivin í USA
53 ára gamli Jim Repeta ætlaði at svimja umleið 3 kilometrar frá Scripps Pier til La Jolla Shores í Kalifornia, men kom ongantíð fram. U.S. Coast Guard leitaði leygarkvøld til sunnudag seinnapart, men hevur nú valt at gevast við leitingini, grundað á aldur á manninum, sjóhita og metingini av hvussu leingi hann hevur kunnað yvirlivað í vatninum. Lesið her á LaJollaPatch.
The Race Club um ymisku sløgini av frísvimjing
Gary Hall Senior greiðir her í videoini frá tvey høvuðssløg av frísvimjing, nevniliga ‘hip driven’ og ‘shoulder driven’, umframt nakrar variatiónir. Tað fyrra krevur sterkt beinspark og hevur lægri frekvens, av tí at svimjarin røkkur langt fram í byrjanini av hvørjum taki, meðan tað seinna er títtari og meira beint niður í sjálvt takið. Imponerandi annars at hesin 59 ára gamli maðurin vísir teknikkirnar sjálvur, við einum kroppi sum mangur 30 ára gamalur man misunna honum.
Jákup lopin út sum skoytuprinsessa
Breaking news á hs.fo: “Kl 14.00 fóru vit heimanífrá yvir í skoytihøllina. Øll funnu sær skoytur, goldu og fóru beinaleið út á banan. Tað var ein varlig byrjan hjá teimum flestu, men Jákup leyp út í tað sum ein verulig skoytiprinsessa. Hann dugdi bæði at leypa og bakka og snúra runt á einum beini. Hann var tó kanska eitt sindur ov ivrigur og skoyatði beint inn í ein lítlan drong, sum fór um koll og Jákup loftaði honum, men ístaðin fyri at sleppa aftur, tók Jákup ræðslusligna drongin undir armin og skoytaði víðari. Síðani lovaði Jákup skelkaða dronginum aftur til mammu sína. “
Pauli vs Tessner (1)
Teir báðir Pauli Ø. Mohr og (venjarin) Christian Tessner brúktu eina løtu á Akureyri til at vita hvør sum er skjótastur yvir 25 metrar. Tað gjørdist ógvuliga tætt, kanska bara ein spurningur um hvør sum var minst rakaður. Tí eisini “(1)” her í yvirskriftini, tí at eg sterkt gangi út í frá at taparin krevur rematch.
Álvaratos um langhylin í Vági
Tey fýra Elin Michelsen, Jógvan Esmar Ósa, Heri Jakobsen og Jákup Magnussen umrøða her langhylin í Vági, í útvarpssendingini Álvaratos hjá Kringvarpi Føroya, fríggjadagin hin 25. februar 2011.
Bretar forbjóða svimjibrillum í skúlasvimjingini
The Telegraph skrivar her at bretska Oxfordshire County Council nú hevur bannað svimjibrillum í skúlasvimjingini, vegna vandan fyri at tær kunnu smekka ov fast aftur í andlitið á barninum. Tey siga at hetta er í samsvar við leiðireglunum í ítróttarsambondum, og Leicestershire County Council gjørdi tað sama í fjør, umframt Hertfordshire County Council. Men foreldur halda tað vera tápuligt, tí at tað tá pínur óneyðugt í eygunum, og tí at tað tá tekur gleðina burtur at kunna síggja undir vatni.
Video frá ‘clinic’ við Dunford og Korotyshkin
Arena & italska ADN Swim Project skipaðu herfyri fyri eini ‘clinic’ (stuttari ráðstevnu/venjingarlegu) í Riccione í Italia, har ungir svimjarar sloppu at hoyra, síggja og fáa leiðbeining frá kenjanska Jason Dunford og russiska Evgeny Korotyshkin.
Continue reading Video frá ‘clinic’ við Dunford og Korotyshkin
Brandvenjing 2 á Akureyri
A ja, tey eru við at koma á lagið, har vesturi í Íslandi, nú Havnar Svimjifelag hevur verið á venjingarlegu á Akureyri í einar 6 dagar. Svimjing í kulda og regni um morgunin, skíðing so frætt sum tey nú duga út á dagin, og so brandvenjing afturvið matgerðini. Sí eisini myndir.
“Tá vit komu heim aftur á vallaraheimið, fingu vit stokt flak til døgverða. Og av tí at fá tóku undir við seinastu brandvenjing, valdu nøkur at gera pannukøkur, og sum vant setti hetta brandalarmin í gongd. Vaktarfólk komu aftur á staðið á tveimum hjólum – hesuferð í tveimum bilum.”
The Race Club um hvussu beinini styrkja tøkini
Gary Hall Senior greiðir her frá hvussu góð beinspørk styðja og styrkja tøkini. Har verða víst nøkur góð landøvilsi eisini, til at styrkja beinsparkið og bulin, umframt venjingar í hylinum.