Category: venjing

Politikarar hava svikið (svimji)ítróttin

Sterk grein her á sportanalyse.no, har fyrrverandi forseti í Norsk Svømmeforbund ákærir politikararnarnar fyri at renna undan sínum lyftum, og niðurraðfesta bygging av svimjihallum, hóast svimjing er tann ítróttur sum bjóðar flestum rørslutilboð, líka mikið aldur, brek og sosiala støðu. Har er serliga eitt brot sum er ógvuliga aktuelt eisini her í Føroyum beint nú, um tørvin á hyljum í 25 og 50 metra stødd.

“Det sies at vi har mange svømmeanlegg i Norge. Av de ca 1000 basseng vi har, er ca. 80 % små opplæringsbasseng som ikke har kapasitet ut over en gruppe på maksimum 12 – 14 personer av gangen. Disse anleggene er i dagens situasjon ikke egnet til idrettslig aktivitet ut over grunnopplæring. Svømmeidrettens anlegg skal ha basseng med en lengde på 25 eller 50 meter med fullverdige stupinstallasjoner, fortrinnsvis i eget basseng.. Dette er basseng som har kapasitet til å imøtekomme behovet både for organisert i drett og egenorganisert fysisk aktivitet, forutsatt at de finnes i et antall som er tilpasset befolkningens størrelse og er åpne.”

Continue reading Politikarar hava svikið (svimji)ítróttin

Mjørkasvimjing og leiðararoks á Akureyri

Dag 5 eru tað Annika, Bjørk, Edit og Kristina sum skriva um venjingarleguna á Akureyri, har tey í dag fingu roynt uttandura mjørkasvimjing áðrenn sólin kom upp. Leiðararnir ljóða hinvegin sum um teir ongantíð hava verið heiman í frá, soleiðis sum teir kasta við matvørunum, gloyma ting eftir og skíða helvt-um-helvt í stúlvunum hjá hvørjum øðrum.

Vit vórðu tó eitt sindur seinka av, at Gudmundur leitaði eftir Markusi, og hálvan vegin niðan, fann Gudmundur útav at hann manglaði skistúlvarnar. Tá noyddust vit at venda við. Hetta var tó ikki líka ringt sum tað, Erling gjørdi í gjár. Hann hevði av misgáum tikið EIN skistúlva hjá Janusi. Hann merkti ikki nakað til hetta, og skiðaði við honum í ein heilan dag. Ikki fyrrenn Janus fortelur honum hetta, finnur hann útav, at tað var hann, ið hevði tikið skeivan stúlva. Tá høvdu øll í skiðútleiðinginið longu hoyrt hesa søgu um tápulingin, sum skiðaði við tveimum ymsum støddum.

[Speileggs on the rocks, courtesy of Jákup]

Løgmaður stuðlar langhylinum í Vági

Kaj Leo Johannesen segði í tíðindasendingina á Rás2 í dag, at hann stuðlar verkætlanini í Vági, og at eitt uppskot um játtan til ætlaða stuðulin frá Landinum á 4 milliónir krónur kemur í Løgtingið í hesari vikuni. Hann sigur at úrslitini hjá Páli Joensen og øðrum føroyskum svimjarum eru so mikið góð, at við eiga at fáa ein altjóða góðkendan langhyl. “Tað hevði verið ein ótrúliga góð branding av Føroyum fyri ein sámiligan prís” , sigur Løgmaður. Lesið her á Portalinum.

Kaj Leo granskar EM silvurið
Continue reading Løgmaður stuðlar langhylinum í Vági

Karasjok eigur ídnasta svimjihyl í Noregi

Norska Svimjisambandið skipar fyri tíðina fyri einum átaki kallað “Svøm deg til Playitas“, har svimjihallir kappast um at fáa so nógv vaksin sum gjørligt at svimja 10.000 metrar áðrenn 31. mars 2011, og so nógv sum gjørligt at svimja 2.500 metrar áðrenn tá. Tey vaksnu kappast um ein túr fyri tvey til Playitas á Kanarisku oyggjunum, og børnini um billett til alla familjuna. Kappast varð eisini um hvør svimjihøll sum kláraði at marknaðarføra hetta best, har høllin í Karasjok vann, heilt har uppi í Sámalandi, við at hava fingið 6% av íbúgvarunum at luttaka, til nú við tilsamans 2 milliardum metrum. Lesið her á NRK.

Trífalt hurrá fyri Karasjok

Týskarar ávara um dopingvanda í mati og í tatoveringum

Týski antidopingstovnurin NADA og Deutsche Sporthochschule Köln hava sent út hvør sína ávaring, um vandan við at ítróttarfólk fara til Kina. 28 týskir súkklarar komu nýliga aftur úr Kina, harav 22 vórðu testaðir positiv fyri Clenbuterol, sum kann vera íkomið av tí at man til tíðir finnir tað í kjøti úr ES og í matoljum í Kina og aðrastaðni í Asia.

Clenbuterol er dopingevnið sum amerikanska Jessica Hardy varð dømd 2 ára karantenu fyri at hava tikið í 2008 , fyri síðani at fáa dómin minkaðan til 1 ár, av tí at tey hildu at tað kundi verið íkomið vegna dálkað kosttilskot.

Týskir granskarar í Karlsruhe ávara eisini, at litevni í tatoveringum er ein heilsuvandi sum kann vera krabbaelvandi, og sum í umleið 30 prosent av førunum er á listanum yvir dopingevni.

Lesið her á SwimmingWorld Magazine.

Erling skipaði fyri brandvenjing á Akureyri

Túrurin hjá Havnar Svimjifelag til Akureyris er av sonnum ein venjingarlega, har tey ikki bara skíða langrenn og alpint og senda svimjararnar í hylin, men eisini aktivera aðrar gestir og vaktir á vallaraheiminum. Úr dagbókini hendan dag 3, har Beinta, Lív og Rutt skriva:

Seinni fóru vit at svimjivenja í `Sundlaug Akureyri´, sum er svimjihylurin her í Akureyri. Í meðan vit svomu, gjørdi Erling karrybollar til døgurða á vallarheiminum. Tá hendi eitt lítið óhapp. Karrybrenningin (ið er tilætlað) gjørdist eitt sindur ógvuslig og setti roykvarnararnar á vallaraheiminum í gongd. Aðrir gestir gingu panikkslignir og runnu úti á gangunum, til vaktarfólk komu til staðið á tveimum hjólum. Tey kundu tó skjótt staðfesta, at tað bara var eitt sindur av “matosa” og eingin eldur. Karrybollarnir vóru ómetaliga fantastiskir. Faktiskt halda vit ikki vit hava smakkað betri karrybollar í lívinum nakrantíð ella nakrastaðni.

[Tested on February 21st by Erling Eidesgaard]

Sannur skaldskapur á hs.fo

Tað kann viðmælast einum og hvørjum við einum lítlum rithøvunda í búkinum, at kaga inn á www.hs.fo, har HS-svimjararnir í Íslandi í hesum døgum skriva dagbók. Í dag vóru tað Pauli, Dánjal, Tummas, Magnus og Bartal sum drógu saman um dag 2 á venjingarleguni, við orðum sum eru norðurlendska bókmentavirðisløn verdug … so vítt eg veit uttan at hava fingið nakra starvsløn yvirhøvur afturfyri.

Sólin skein og grasið kitlaði undir fótinum, og í tí lítlu ánni bar til at síggja spegilsmyndina av sær sjálvum. Beint uppi yvir høvdinum sást ein firvaldur, spakuliga gjørdi hesin firvaldur seg til reiðar at seta seg á peikifingurin, men beint áðrenn hann setti seg hoyrdist eitt galróp: “Komi upp!” … í durinum stóð ein, vombasíður reyðhærdur maður, tað var hann ið hevði vakt hópin í kamarið 20

[Picture courtesy of Herr Tessner & Co]

On-Sport.dk tosar við Mie Ø. Nielsen

Danska ítróttarrásin www.on-sport.dk tosar her við Mie Ø. Nielsen, sum vann 7 gullheiðursmerki á NJM 2010, hóast hon hoyrdi til yngra árgangin av teimum báðum sum kundu luttaka tá. Tey tosa eisini við íslendska venjara hennara Eyleifur ‘Leivi’ Jóhannesson, og við pápan Benny Nielsen sum vann silvur á OL í Beijing í 1988. Annars áhugavert at hoyra um hasa skipanina hon kann brúka, við serligum úrvalsítróttarflokki í fólkaskúlanum, til at kunna venja so nógv afturat skúlagongdini.