Category: venjing

Hylurin í Vági verður ikki bara til svimjing

Dennis Holm fyriskipari av Svimjihøllini á Oyrunum vísti mær herfyri á hesa grein á goal.com, um hvussu Manchester United spælarin Antonio Valencia uppá rekordtíð kundi venda aftur til fótbóltin, eftir okkurt tey kalla NASA “Water Torture” Treatment. Eftir ætlan skal høllin í Vági ikki bara verða úrvalsdepil til svimjarar, men eisini hava líknandi venjingarmøguleikar í hylinum, til alt frá úrvalsítróttarfólki til fólki við ovurfita, skaða, breki, eldri og illa gongdum fólki, og til fólk sum bara vilja røra seg.


Continue reading Hylurin í Vági verður ikki bara til svimjing

Video frá tá Sentralbadet í Bergen varð tikið í nýtslu

Ein super video frá góðu gomlu tíðini, tá ið politikarar høvdu dirvi, áræði og visjón til at hugsa um fólkaheilsu, lívbjarging og úrvalsítrótt, alt í senn. Hesin hylur varð tikin í nýtslu í 1960, og er tó enn “hovedbassenget i Norges nest største by”, sum tey skriva á www.simma.nu/no. Hvussu er støðan í Føroyum ?

Dagur & Vika um fyrstahjálp í fólkaskúlanum

Kringvarpið hevði hetta innslagið í Degi & Viku, hósdagin 10. februar 2011, um fyrstuhjálparskeið í fólkaskúlanum. Eftirfylgjandi er prát við Helenu Dam á Neystabø, um hetta løgna at fyrstahjálp av eini og hvørjari orsøk er tikið burtur úr námsætlan fólkaskúlans per 1. august 2011, hóast at tað var kravd grein í verandi lesiætlan.

Landvenjing í Phoenix

Áhugavert videobrot her frá styrkivenjingini hjá Phoenix Swim Club, við frágreiðing um tey ymisku øvilsini frá høvuðsvenjaranum Dave Gibson. Løgið at síggja tey brúka snorklar á landi, men tað er eftir øllum at døma til at avmarka lufttilførsluna, so at svimjararnir skulu arbeiða harðari eisini við andadráttinum.

Pál Joensen – inspiration to all

‘Jarnmaðurin’ Aleksandar Sørensen-Markovic skrivar her á elite-ciao.com, at hann nú brúkar søguna um Pál Joensen til at halda fokus og venja hart, tá ið onnur grenja um at tey mugu suðureftir til at kunna venja ordiligt. Hesin Aleksandar hevur eitt 9. pláss í elitubólkinum á Challenge Copenhagen 2010 sum besta úrslit, ið er triathlon á ironman-teininum: 3.8 km svimjing, 180 km súkkling og síðani eitt marathon.

I might be doing a bike session tonight: 5 x 5min really hard. I was a bit unmotivated but then read about Pál and my focus is now where it needs to be – on what matters, training hard and having fun with what I got.


Continue reading Pál Joensen – inspiration to all

Norskir svimjiskúlar fullir tí at fólkaskúlin svíkur

Norska svimjifelagið Bærumsvømmerne hevur seinastu 10 árini sæð risastóran áhuga fyri sínum svimjiskeiðum, sambært leiðaranum Åsa Essebo tí at svimjiskúlaundirvísingini í fólkaskúlanum er mangulfull. Foreldur sum hava tíð og ráð senda børn síni á skeið, og Per Rune Eknes forseti í norska svimjisambandinum heldur tí at klassaskilnaðurin millum rík og fátøk tíverri verður bæði varðveittur og styrktur. Tað er lógarkrav í Noregi at børn skulu duga at svimja eftir 4. flokk, og Eknes heldur tí beinleiðis at kommunurnar bróta lógina, við at forsøma svimjiundirvísingina. Lesið her á budstikka.no.

Altjóða svimjielitan áhugað í 50 m. svimjihylinum

Tíðindaskriv

Tað er ikki bara í Føroyum, at svimjarar bíða spentir eftir at verkætlanini við 50 m. svimjihylinum í Vági skal fara í gongd og klárt verður at venja. Elitusvimjarar úr bæði Norra, Italia og Íslandi er áhugir í at koma til Suðuroyar at venja, tá svimjihylurin er klárur.

pal-pauli-etc-i-canet

[Íslendska og føroyska liðið á venjingarlegu í Canet, summarið 2010. Frá vinstru Jacky Pellerin, Jakob Jóhann Sveinsson, Pauli Ø. Mohr, Pál Joensen, Jón Bjarnason og Thurid Kjærbo]
Continue reading Altjóða svimjielitan áhugað í 50 m. svimjihylinum

Norges Svømmeskole bjóðar nú eisini video

Norges Svømmeskole er merkjaskipanin sum vit brúka í Føroyum, og tað er tí super at tey nú eru farin í holtur við at filma øll øvilsini, á www.youtube.com/user/norgessvommeskole. Tey ætla at filma alt úr bókini “Slik lærer du å svømme“, sum longu hevur víst seg at vera ógvuliga effektiv til at læra børn at svimja, og sum hartil hevur eina rúgvu av góðum spølum afturat.

Her er tað kjarnuvenjing 9, at vísa at man kann flóta


Continue reading Norges Svømmeskole bjóðar nú eisini video