Tá ið vit tosa um at fáa 50 metra hyl í Føroyum, so er næsti setningur næstan konsekvent, at tað kemur at kosta 60 ella 70 ella kanska yvir 100 milliónir krónur, tí at tað er prísurin fyri eitt svimjistadion. Men ynskið hjá Jón Bjarnasyni er faktiskt nógv meira einfalt og avmarkað, at fáa 2 geilir á 50 metrar til bara svimjivenjing, til ein prís og við eini verkætlan sum ger at vit kunnu fáa nyttu av hylinum nærmast beinanvegin, heldur enn at skula bíða eftir eini stórari byggiverkætlan.
Continue reading Pál kundi fingið ein 50 metra hyl í morgin, um viljin veruliga var har
Category: venjing
Reykjavík roynir midnáttarsvimjing
Reykjavíkar býráð avgjørdi herfyri at skipa fyri ‘sundvøku’ í stóra svimjihylinum Laugardalslaug, har hylurin er opin allan sólarringin frá í gjár mikudagin 21. juli klokkan 06:30, til mánadagin 26. juli kl 22:30. Kostnaðurin er eitt sindur hægri um náttina, og hartil mugu børn undir 16 fylgjast við vaksnum, á sama hátt sum børn í Reykjavík generelt ikki mugu ganga einsamøll úti um náttina. Og so verður minnt á, at tað sum altíð er strangliga bannað at njóta rúsdrekka í høllini. Lesið her á IceNews.is.
Høvuðsvenjarin hjá USA ávarar um doping sum hann veit um
Høvuðsvenjarin fyri amerikanska landsliðið ávarar nú um kosttilskotið Jack3d, sum hann sigur seg vita at amerikanskir landsliðssvimjarar taka, hóast tað inniheldur evnið 1, 3 Dimethylamylamine, ið vil viðføra at tey verða testað positiv, um tey verða dopingtestað.
Continue reading Høvuðsvenjarin hjá USA ávarar um doping sum hann veit um
“Recovery skins”
Eitt sindur kryptiskt ‘tweet’ frá avstralska OL gullvinnaranum Stephanie Rice her:
In the recovery skins watching the hills finals then a nap…night tweeps x
Stephanie Rice
ItsStephRice
Eg fái tað til at hon brúkar ‘recovery skins’ frá www.skinsusa.com, sum eru klæðir ið við kompressión skulu kunna fáa kroppin at koma seg skjótari eftir venjing og kapping.
Continue reading “Recovery skins”
Fjórða hvør donsk druknivanlukka hendir í eini havn
Flestu donsku druknivanlukkur henda sambært hagtøl hjá Trygfonden í eini havn, við umleið sama tali av vanlukkum undir sigling, og so strond og vøtn á triðja og fjórðaplássi. TrygFonden íverksetur tí nú eitt átak til at fáa fólk at altíð kunna seg um nærmastu bjargingarútgerð og rýmingarveg úr sjónum, og at halda eina rímiliga frástøðu frá sjálvum keikantinum um ikki tey eru í bjargingarvesti og/ella saman við øðrum. Les jp.dk
Continue reading Fjórða hvør donsk druknivanlukka hendir í eini havn
Svimjarar hava astma tí at svimjing hóskar til astmatikarar
Umleið hetta er niðurstøðan í finskari gransking av úrvalssvimjarum, at “Swimming is recommended for asthmatics. However, many competitive swimmers report asthmatic symptoms“. Granskarar á lærda háskúlanum í Helsinki kannaðu spurnarskema frá 200 royndum finskum úrvalssvimjarum, harav 32 søgdu seg hava av lækna staðfest astma, íroknað 24 sum fáa astmaherðindi bara tá ið tey kýta seg. 81 søgdu seg hava ovurviðkvæmi staðfest av lækna, og 84 søgdu seg fáa herðindi sum kundu bent á astma. Men felags fyri tey flestu var, at tey fáa bara herðindi tá ið tey kýta seg upp um mjólkarsýrugrensuna, og at tað í familjuni hjá teimum eru fortilfeldi av astmatikarum. Niðurstøðan hjá granskarunum er, at familjusøgan er fremsta orsøk til astma hjá hesum svimjarum, at títtleikin av astmatikarum er størri enn vanliga millum fólk, men tó ikki størri enn í øðrum úthaldnisítróttum. Les swimnews.com
Danskir skúlar spara svimjingina burtur
Jyllands-Posten skrivar her at fleiri og fleiri donsk skúlabørn mugu læra at svimja á turrum, tí at kommunurnar velja at spara svimjingina burtur, og tí at nógvar svimjihallir eru í so ringum standi, at tær mugu steingjast. Dansk Svømmeunion stúrir fyri vaksandi talinum av dønum sum ikki duga at svimja, tí sum direktør Pia Holmen sigur: “Svømning er jo den eneste sport, man kan dø af ikke at kunne.”
Continue reading Danskir skúlar spara svimjingina burtur
Kardashian hevur fangað tað, viðvíkjandi lívbjarging
Tað er kanska eitt sindur tíðliga í mun til ráðini frá American Academy of Pediatrics, tá ið amerikanska ‘celebrity’ Kourtney Kardashian nú umhugsar at senda 6 mánaðar gamla sonin til svimjiundirvísing. Men hon hevur forstaðið tað rætt, at børn sum byrja tíðliga fáa betri refleks í vatni, millum annað til at lata verða við at anda undir vatnskorpuni:
Which brings me to a subject I could use feedback on: I am thinking of having Mason start swimming lessons this summer. I’ve heard that babies become great swimmers when taught early because of their natural survival instinct to hold their breath under water. The combination of a pool and a baby does scare me if lots of caution isn’t taken though.
Tvær 8 ára gamlar nærum druknaðar í donskum svimjihyli
“Jeg forstår det ikke. De to børn leger i halvanden time ovre i børnebassinet, da de af en eller anden grund pludselig beslutter sig for at hoppe over i det dybe bassin. Og her er det helt tydeligt, at de ikke kan svømme,” fortæller Lene Simonsen til bt.dk. Poolområdet er ikke overvåget af livreddere, og det er op til forældrene at overvåge deres børn, når de er i svømmebassinet. Les jp.dk
Í USA viðmæla tey nú at børn millum 1 og 4 ár læra at svimja
American Academy of Pediatrics (AAP) viðmælir nú at børn undir 4 ár læra at svimja, til at umganga syrgiligar druknivanlukkur. Til nú hevur hesin stovnur frámælt at so ung fáa frálæru, tí at hildið varð at tey vóru ikki nóg motorisk búgvin. Men nú vísir nýggj gransking at frálæra her í praksis kann minka um talið á druknivanlukkum við 88 prosentum. Les her og her á cnn.com.
Continue reading Í USA viðmæla tey nú at børn millum 1 og 4 ár læra at svimja