Altjóða druknivanlukkufyribyrgingardagurin 2023

25. apríl er altjóða druknivanlukkufyribyrgingardagur, sambært yvirlýsingini hjá Sameindu Tjóðir frá 2021. Tíverri hava vit ikki havt tíð og orku til at varpa ljós á hendan dagin í ár sum í fjør, men er boðskaðurin enn hin sami: Tað kann henda fyri øll, so hav sum tað allarminsta altíð onkran við tær, har vandi er fyri at drukna.

Sí https://www.druknifyribyrging.fo/, umframt átakssíðurnar hjá altjóða lívbjargingarsambandinum ILS, og hjá WHO

Startlistar til HM 2023

So er tað longu í morgin, at kappsvimjingin á langgeil byrjar á HeimsMeistarastevnuni 2023, her í Fukuoka í Japan. Úr Føroyum eru luttakararnir Elisabeth Erlendsdóttir (2005) úr Havnar Svimjifelag og Líggjas Joensen (2008) úr Ægir, harav Líggjas nú í morgin skal royna seg í 400 metra frísvimjing.

Continue reading Startlistar til HM 2023

Ein super endi á Oyggjaleikum 2023

Okkara 10 svimjarar hava verið óførir, hesar fýra dagarnar á Oyggjaleikum 2023. Heili 26 heiðursmerki varð tað til, og eitt ótal av finaluplássum, har tey í heilum svumu niður ímóti og betri enn sínar bestu tíðir nakrantíð.

Svimjarar og venjarar á Oyggjaleikum 2023. Sabina Poulsen eigur myndina
Continue reading Ein super endi á Oyggjaleikum 2023

OK fjórði morgun á Oyggjaleikum 2023

Tey hava nú avgreitt síðstu innleiðandi riðlar á svimjistevnuni á Guernsey 2023, og gekk tað aftur heilt ókey hjá okkara svimjarum.

  • í 100 blandað fyri kvinnur varð Lea O. Højsted (2008, Ægir) nr 9 við 1:09.36, sum merkir at hon er ikki í finalu í kvøld, uttan so at 3 aðrar melda avboð. Besta tíð hjá henni er 1:07.67 frá FMS 2022
  • í 400 frí fyri menn svumu Heini M. Askham (2006, Ægir) og Líggjas Joensen (2008, Ægir) seg víðari til finalu, við ávikavist 2. bestu tíð 4:03.91 og 3. bestu 4:04.86. Hetta var persónligt met hjá Heina, í mun til 4:05.75 frá Ægir Open í februar, meðan besta tíð hjá Líggjasi er 4:02.05 frá Atlantic Open í apríl
  • í 200 firvald fyri kvinnur svam Jóhanna Ólavsdóttir (2007, FS) seg víðari til finalu, við 2. bestu tíð 2:23.47. Besta tíð hjá henni er 2:21.45 frá Atlantic Open 2023
  • í 100 frí fyri kvinnur svam Alisa Vestergård (2003, SuSvim) seg víðari til finalu, við 3. bestu tíð 59.01. Besta tíð hj´a henni er 57.27 frá FMS 2022
  • í 50 frí fyri menn svam Bartal E. Eidesgaard (2003, HS) seg víðari til finalu, við 4. bestu tíð 23.88. Besta tíð hjá Bartali er 23.78 frá Swedish Swim Games í 2021
  • í 50 rygg fyri kvinnur svam Elisabeth Erlendsdóttir (2005, HS) seg víðari til finalu, við 2. bestu ti´ð 29.24. Besta tíð hjá henni er 28.63 frá Swedish Swim Games í 2021
  • í 200 bringu fyri menn svumu Bartal E. Eidesgaard (2003, HS) og Róland Toftum (1998, SuSvim) seg víðari til finalu, við ávikavist 3. bestu tíð 2:22.46 og 6. bestu 2:25.66. Hetta var persónligt met hjá Bartali, í mun til 2:24.26 frá NM 2018, meðan besta tíð hjá Rólandi er 2:17.55 frá FMS 2017
  • í 800 frí fyri kvinnur er Eyðrið Mortensen (2003, HS) beinleiðis víðari til skjótasta riðil í kvøld, vegna sína tilmeldingartíð
  • í 4×100 frí fyri menn eru okkara víðari til finalu, við næstbestu tíð 3:32.37. Føroyska metið er 3:26.08, frá Oyggjaleikum á Gibraltar í 2019
  • í 4×100 blandað fyri kvinnur eru okkara víðari til finalu, við næstbestu tíð 4:26.81. Føroyska landsliðsmetið er 4:15.73, frá Oyggjaleikum á Gotlandi í 2017

Góðkent triðja kvøld á Oyggjaleikum 2023

Væl vitandi, at vit plaga at vera pressaði triðja dag á Oyggjaleikum, so kláraðu okkara svimjarar seg faktiskt framúr, við flottum persónligum metum og 6 heiðursmerkjum afturat til rúgvuna á nú 3 gull, 8 silvur og 7 bronsur tilsamans.

  • Kvinnur 400 frí – Eyðrið Mortensen (2003, HS) 4:20.41 og silvur. Besta tíð hj´a henni áðrenn í dag, var 4:26.24 frá Atlantic Open í 2019
  • Menn 100 bringu – Bartal E. Eidesgaard (2003, HS) 51.09 og bronsu. Besta tíð hjá honum áðrenn í dag, var 51.52 frá HMS 2021
  • Kvinnur 50 frí – Alisa Vestergård (2003, SuSvim) 26.70 og bronsu. Besta tíð hjá henni yvirhøvur, er 26.46 frá Ægir Open í februar
  • Kvinnur 200 rygg – Elisabeth Erlendsdóttir (2005, HS) 2:12.38 og gull. Besta tíð hj´a henni áðrenn í dag, var 2:14.17 frá Swedish Swim Games í 2021
  • Menn 800 frí – Líggjas Joensen (2008, Ægir) 8:17.63 og silvur, Heini M. Askham (2006, Ægir) 8:21.19 og bronsu. Besta tíð hjá Líggjasi áðrenn hetta, var 8:19.16 frá Atlantic Open í apríl, og hjá Heina 8:33.53 frá Ægir Open í februar
  • Kvinnur 4×100 frí – Føroyar 3:54.63 og nr 4. Føroyska landsliðsmetið er 3:51.66, frá Oyggjaleikum á Gotlandi í 2017
  • Menn 4×100 blandað – Føroyar 3:50.11 og nr 4. Føroyska landsliðsmetið er 3:49.22, frá Oyggjaleikum á Gibraltar í 2019

Fínur triði morgun á Oyggjaleikum 2023

So er triði morgun avgreiddur á Oyggjaleikum 2023 á Guernsey, og gekk tað aftur rættiliga væl hjá føroysku svimjarunum. 8 finalupláss varð tað til, íroknað tey bæði hjá Líggjasi og Heina sum eru vegna góðar tilmeldingartíðir.

  • í 400 frí fyri kvinnur er Eyðrið Mortensen víðari til finalu, við triðbestu tíð av øllum
  • í 100 bringu fyri kvinnur er Lea O. Højsted akkurát ikki víðari til finalu, so har krevur tað avboð, um hon skal kunna koma í finaluna
  • í 100 frí fyri menn er Bartal E. Eidesgaard víðari til finalu, við triðbestu tíð av øllum
  • í 50 frí fyri kvinnur er Alisa Vestergård víðari til finalu, við triðbestu tíð av øllum
  • í 50 firvald fyri menn vórðu Isak Brisenfeldt og Róland Toftum nr 8 og 9, og eru teir tí ikki víðari til finalu, uttan so at 2-3 melda avboð
  • í 200 rygg fyri kvinnur er Elisabeth Erlendsdóttir víðari til finalu, við næstbestu tíð av øllum
  • í 800 frí fyri menn eru Líggjas Joensen og Heini M. Askham beinleiðis víðari til skjótasta riðil, vegna sínar tilmeldingartíðir
  • í 4×100 frí fyri kvinnur eru okkara víðari til finalu, við fjórbestu tíð av øllum
  • í 4×100 blandað fyri menn eru okkara víðari til finalu, við triðbestu tíð av øllum

Stroyming frá HM 2023

HeimsMeistarastevnan 2023 byrjar nú fríggjadagin hin 14. juli í Fukuoka í Japan, har sjálv svimjistevnan er frá 23. til 29. juli. Altjóða svimjisambandið skrivar her um hvussu vit kunnu fylgja við úr Føroyum, ið stutt sagt er annaðhvørt umvegis danska TV2, ella á stroymingartænastuni All Aquatics.

Sí yvirlit yvir kappingarnar her, úr Føroyum luttaka Elisabeth Erlendsdóttir og Líggjas Joensen í kappsvimjing