Vár Erlingsdóttir Eidesgaard úr Havnar Svimjifelag setti fyri løtu síðani stórt nýtt føroyskt met og juniormet í 400 metra frísvimjing á stuttgeil, tá ið hon í NJM-finaluni á NM/NJM 2016 í Kolding svam teinin uppá 4:17.87. Sára Ryggshamar Nysted átti føroyska metið og juniormetið á 4:18.31, frá NM/NJM í fjør. Tíðin hjá Vár rakk til eitt 4. pláss í finaluni nú á NJM, 16 hundraðpartar aftanfyri bronsuplássið.
Signhild Joensen úr Ægir setti fyri løtu síðani risastórt nýtt føroyskt met og juniormet í 200 metra ryggsvimjing á stuttgeil, tá ið hon á NM/NJM-stevnuni í Kolding vann bronsu við tíðini 2:11.53. Hon átti sjálv bæði føroyska metið og juniormetið á 2:13.76, frá HS-stevnuni í november mánaða. Til lukku, Signhild !
Síðstu innleiðandi riðlar eru avgreiddir á NM/NJM 2016, og fingu vit hóast nakrar svipsarar eisini føroyingar víðari til finalur í dag.
Hartil hava vit stafettir í finalunum í 4×100 blandað fyri gentur, dreingir og menn.
Continue reading Føroyingar í finalur eisini 3. dag á NM/NJM 2016
Alvin Hjelm úr Ægir luttók fyri løtu síðani í 400 metra blandað finaluni á NM 2016, og varð har nr 6 við tíðini 4:28.07. Besta tíð hjá Alva er 4:21.26, frá NM 2015.
Tey avgreiddu fyri løtu síðani finalurnar í 100 firvald á NM/NJM 2016, har Vár Erlingsdóttir Eidesgaard úr Havnar Svimjifelag megnaði at gerast nr 6 við tíðini 1:04.19, meðan Jana Bjartalíð Thomsen úr Ægir varð kolldømd fyri at ójavnt innslag í vending. Besta tíð hjá Vár er 1:03.67, frá HS-stevnuni í november.
Næsta umfar er avgreitt av innleiðandi riðlum á NM/NJM 2016 í Kolding, har eisini føroyingar kvalifiseraðu seg til finalur.
Hartil hava vit eitt juniorlið av føroyskum gentum í NJM-finaluni í 4×200 frí
Sára Ryggshamar Nysted úr Suðuroyar Svimjifelag royndi seg fyri løtu síðani í 200 blandað, her á HM á stuttgeil 2016 í Windsor í Kanada.
Hóast tað týðiligvís merktiskt at føroyingarnir høvdu havt ein drúgvan túr til Danmarkar, so vóru glottar at hóma á fyrsta degi á NM/NJM 2016. Marius Gardshodn vann gull í 1500 frí, juniorgenturnar settu landsliðsmet fyri juniorar, og Signhild Joensen kom heilt nær føroyska metinum í 100 frí
So bragdaði tað á NM/NJM í Kolding – Marius Ihlen Gardshodn úr Havnar Svimjifelag svam seg í kvøld til gull í 1500 metra frísvimjing, tá ið hann í finaluni svam teinin uppá 15:28.72, frammanfyri svenska Lukas Steiner á 15:32.63 og íslendska Hafþór Jón Sigurðsson á 16:06.81.
(Eg skrivi meira seinni)
Vit eru komin til fjórða dag á HM á stuttgeil 2016, har Sára Ryggshamar Nysted úr Suðuroyar Svimjifelag fyri løtu síðani royndi seg í 400 frí.
