Her er eitt videobrot frá sjónvarpsrásini FITV, har vit vitja eina venjing hjá oyggjaleikaliðnum hjá Falklandsoyggjum. Tey hava sent 6 svimjarar til Guernsey, liðið sæst her á results.guernsey2023.gg
HS-svimjarar víðari til finalur í Slovenia
Nú tey hava avgreitt fyrsta stevnupart á MM Telekom Slovenije 2023, eru tríggir føroyskir svimjarar víðari til finalur í kvøld
- Oddvaldur Leivsson (2008, HS) hevur svomið seg víðari til C-finalu í 200 frí og B-finalu í 100 rygg
- Áki Eliassen (2006, HS) hevur svomið seg víðari til B-finalu í 100 firvald
- Villiam Marius Samuelsen (2005, HS) hevur svomið seg víðari til B-finalu í 100 rygg
Føroysku úrslitini síggjast øll her á Swimify. Gevið gætur at 400 blandað, 800 frí og 1500 frí ikki er liðugt avgreitt enn – har bíða 8 tey skjótastu til besta riðil í kvøld.
HS á stevnu í Slovenia 8. – 9. juli 2023
Hetta vikuskiftið luttaka 9 ungir svimjarar úr Havnar Svimjifelag á svimjistevnuni MM Telekom Slovenije 2023 í Radovljica í Slovenia. Luttøkan hjá teimum sæst her á Swimify, har eisini startlistar og úrslit síggjast her.
Úrslitini hjá HS-svimjarunum fara at kunna síggjast her á Swimify, so hvørt sum tey avgreiða hetta ymiska.
Stroyming og úrslit frá NMU 2023
Norðurlendska Meistarastevnan fyri Ung 2023 er í Jönköping í Svøríki, nú leygardagin 8. juli og sunnudagin 9. juli 2023, við luttøku av eisini tveimum ungum føroyskum svimjarum. Sviar stroyma her á livetiming.se, har úrslitini eisini síggjast beinleiðis her og listaði her, umframt her á Swimfy.
So er tað NMU 2023
Hetta vikuskiftið er Norðurlendska Meistarastevnan fyri Ung 2023 í Jönköping, við luttøku av eisini tveimum ungum føroyskum svimjarum. Luttakaralistarnir síggjast nú her á Swimify, sviar heilsa at teir ætla at stroyma frá hesi stevnu.
Broytingar í kalendara SSF fyri 2024
Starvsnevnd SSF hevur avgjørt at vilja gera fylgjandi broytingar í kalendara SSF fyri 2024:
- FML/JML 2024 verður (á langgeil) í Vági hin 10. til 12. mai 2024
- Atlantic Open 2024 verður á stuttgeil í Havn hin 28. til 30. juni 2024
OK útlit til heiðursmerki á Oyggjaleikum 2023
Nú er tað longu í morgin, at Atlantic flýgur til Guernsey við føroyska oyggjaleikahópinum. Úrslitasíðan er klár á results.guernsey2023.gg, sum m.a. vísir hvørji ið luttaka í hesum ymiska á Oyggjaleikum 2023; og ein fyribils startlisti bendir á, at vit kanska vinna okkurt heiðursmerki eisini, hóast ættarliðsskifti.
Broyttar úttøkur HM og EM U23
Tíverri verður Vár Eidesgaard ikki at síggja á stevnum fyri SSF í summar, og hevur starvsnevndin tí endurskoðað úttøkuna til Oyggjaleikir, HM og EM U23, sum Vár annars var úttikin til.
Stroyming og úrslit frá FM/JM á langgeil 2023
Her er stroyming frá FøroyaMeistarastevnuni og JuniorMeistarastevnuni á langgeil 2023.
- Frí 16/6: JM og innleiðandi til FM frá kl 09:30, FM-finalur frá kl 17:00
- Ley 17/6: JM og innleiðandi til FM frá kl 09:30, FM-finalur frá kl 17:00
- Sun 18/6: JM og innleiðandi til FM frá kl 08:30, FM-finalur frá kl 14:00
Úrslitini síggjast so hvørt her á Swimify og her á LiveTiming
So er tað FM/JM á langgeil 2023
Svimjisamband Føroya og Suðuroyar Svimjifelag skipa hetta vikuskiftið fyri árligu FøroyaMeistarastevnuni og JuniorMeistarastevnuni á langgeil 2023, í Páls Høll í Vági. Stevnan byrjar nú við innleiðandi riðlum og juniormeistarastevnu nú fríggjamorgunin kl 09:30, og fyrstu FM-finalur eru so aftur frá kl 17:00.
Startlistar síggjast her á Swimify og her á LiveTiming, har eisini úrslitini fara at kunna síggjast so hvørt sum svomið verður.
Vit ætla at stroyma eisini, á YouTube-rásini hjá SSF
