UPDATE – Elisabeth kvalifiseraði seg við hesum úrsliti til C-finaluna sama kvøld, og varð har nummar 2 av teimum 8 í C-finaluni, við tíðini 30.28. Sí úrslitalistan her
Elisabeth Erlendsdóttir royndi seg fyri løtu síðani í 50 metra ryggsvimjing á TYR Pro Swim Series 2023 stevnuni í Fort Lauderdale, Florida, og svam seg tá til úrslitið 30.39 sekund. Besta tíð hjá henni nakrantíð, er 30.09 sekund frá Edinburgh International Swim Meet í mars 2022. USA Swimming stroymdi frá kappingini her
Góðu tit øll
Suðuroyar Svimjifelag boðar frá, at tey vegna serligar umstøður mugu flyta svimjistevnuna sum skuldi verða í svimjihylinum á Tvøroyri, nú leygardagin hin 4. mars, til heldur at verða í Páls Høll í Vági. Tey koma at svimja breiddir í Vági.
Vinarliga
Rókur
Elisabeth Erlendsdóttir fer nú í vikuskiftinum at luttaka á TYR Pro Swim Series stevnuni í Fort Lauderdale, sum er ein av fýra av hesum Pro Swim stevnunum hjá amerikanska svimjisambandinum USA Swimming, nú í várhálvuni 2023.
Elisabeth fer at luttaka í 100 og 200 rygg, sí startlistan her.
Tað sær út til at USA Swimming fer at stroyma frá hesi stevnu
Sí eisini USA Swimming – startlistar og úrslit her
Starvsnevnd SSF hevur samtykt viðfestu úttøkuskipan til Norðurlendsku Meistarstevnuna og JuniorMeistarastevnuna í Tartu í Estlandi hin 1. til 3. desember 2023, umframt til EvropaMeistarastevnuna á Stuttgeil í Bucharest í Rumenia hin 5. til 10. desember 2023. Fyrivarni verður tikið fyri feilum og møguligum broytingum.
Rætting 28. februar 2023: Har var ein prentvilla í virksemisætlanini, HM fyri juniorar verður ikki í Singapore men í Netanya, Ísrael. Er nú broytt her.
Svimjisambandið hevði sín árliga kalendarafund í kvøld, har feløgini saman við sambandinum løgdu kalendaran fyri svimjiárið 2023-2024, og sum nakað nýtt eisini líka fram til árslok 2024. Samtykti kalendarin sæst longu á vanliga stað, ssf.fo/kalendari
Starvsnevnd SSF hevur samtykt at taka út fylgjandi svimjarar til Danish Open 2023, sum verður í Bellahøj Svømmestadion í Brønshøj hin 1. til 4. apríl 2023. Hetta sum tilmælt av landsliðsvenjaranum:
Aðalfundur í Svimjisambandi Føroya verður á Panorama á Hotel Hafnia á Áarvegi 8 í Tórshavn, hóskvøldið hin 23. mars 2023 frá kl 18:00.
Sí https://ssf.fo/2023/02/22/adalfundur-i-svimjisambandi-foroya-2023/
Her eru úrslitini frá svimjistevnuni Ægir Open, sum Ægir skipaði fyri í Klaksvíkar Svimjihøll í Klaksvík, nú leygardagin 18. og sunnudagin 19. februar 2023. Úrslitini síggjast eisini her á livetiming.se og her á swimrankings.net
Starvsnevnd SSF hevur samtykt viðfestu úttøkuskipan til komandi Evropeisku Meistarastevnu fyri U23, sum verður í Dublin í Írlandi frá 10. til 13. august 2023. Fyrivarni verður tikið fyri feilum og møguligum broytingum.
Her er innbjóðing til “Suðuroyar Sparikassa Stevnu Mars 2023”, sum Suðuroyar Svimjifelag skipar fyri í svimjihylinum í Tvøroyra skúla hin 4. mars 2023, fyri okkara yngstu aldursbólkar 1 til 4.
