Her er innbjóðing til FM fyri lið á Føroyaleikum 2022, sum Svimjisamband Føroya og Suðuroyar Svimjifelag skipa fyri í Páls Høll í Vági, leygardagin hin 2. juli 2022.
Innbjóðing til FM fyri lið á Føroyaleikum 2022
Úrslit frá ABMS 2022
Her eru úrslitini frá AldursBólkaMeistarastevnuni 2022, sum Svimjisamband Føroya og Ægir skipaðu fyri í Klaksvíkar Svimjihøll, nú leygardagin 14. og sunnudagin 15. mai 2022. Úrslitini síggjast eisini her á livetiming.se
Startlisti til ABMS 2022
Her er startlistin til AldursBólkaMeistarastevnuna 2022, sum Svimjisamband Føroya og Ægir skipa fyri í Klaksvíkar Svimjihøll, nú leygardagin 14. og sunnudagin 15. mai 2022. Ætlanin er at stroyma frá hesi stevnu, á YouTube-rásini hjá SSF.
Úttøka til HM 2022 í Budapest
Starvsnevnd SSF hevur samtykt at vilja bjóða fylgjandi svimjarum úttøku til HeimsMeistarastevnuna 2022, sum verður í Budapest í Ungarn hin 18. til 25. juni 2022.
- Vár Erlingsdóttir Eidesgaard (2001), Havnar Svimjifelag
- Bartal Erlingsson Eidesgaard (2003), Havnar Svimjifelag
Innbjóðing til FM og JM á langgeil 2022
Her er innbjóðingin til Føroyameistarastevnuna og Juniormeistarastevnuna á langgeil 2022, sum Svimjisamband Føroya og Suðuroyar Svimjifelag skipa fyri í Páls Høll í Vági hin 4. til 6. juni 2022. Tilmeldingin fer fram á data.tempus.fo
Vegna SSF
Rókur
Úrslit frá HS-stevnuni á Argjum 30. apríl 2022
Her eru úrslitini frá svimjistevnuni sum Havnar Svimjifelag skipaði fyri í svimjihøllini á Argjum, nú leygardagin hin 30. apríl 2022. Tilsamans vóru tey einir 130 ungir svimjarar úr okkara yngstu aldursbólkum sum royndu seg, í tveimum stevnupørtum hendan leygardagin á Argjum.
Úrslit frá Tróndarsvimjingini 2022
Her eru úrslitini frá svimjingini tvørtur um Skálafjørð í gjár, leygardagin hin 30. apríl 2022, sum Svimjifelagið FLOT og Runavíkar kommuna skipaðu fyri. Teinurin var frá Akkersvík á Skála til pierin á Skipanesi, sum var 1.2-1.3 km at svimja. Tilsamans vóru tey 23 sum løgdu til brots, og øll sum gjøgnumførdu teinin.
SuSvim 4:25.50 og føroyskt met í 4×100 blandað fyri mix-lið
Besta liðsvimjingin hjá Suðuroyar Svimjifelag setti í dag stórt nýtt føroyskt met, tá ið tey á Atlantic Open 2022 svumu seg til úrslitið 4:25.50 í 4×100 blandað fyri mix-lið, har metið hjá Ægir frá FM/JM og Føroyaleikum í fjør var 4:29.30.
Tey sum svumu fyri SuSvim, vóru:
- Bjarta í Lágabø rygg (1:14.33)
- Jón Hofgaard bringu (1:11.05)
- Róland Toftum firvald (1:01.07)
- Alisa Vestergård crawl (59.05)
Ægir 4:30.95 og føroyskt juniormet í 4×100 blandað fyri mix-lið
Liðsvimjingin hjá Ægir setti í dag stórt nýtt føroyskt juniormet, tá ið tey á Atlantic Open 2022 svumu seg til úrslitið 4:30.95 í 4×100 blandað fyri mix-lið, har metið hjá Ægir frá FM/JM og Føroyaleikum í fjør var 4:49.30.
Tey sum svumu fyri Ægir, vóru:
- Líggjas Joensen rygg (1:07.43)
- Lea Osberg Højsted bringu (1:17.19)
- Jonna Joensen firvald (1:09.47)
- Heini M. Askham crawl (56.86)
Úrslit frá Atlantic Open 2022
Her eru úrslitini frá svimjistevnuni Atlantic Open 2022, sum Svimjisamband Føroya og Suðuroyar Svimjifelag skipaðu fyri í Páls Høll í Vági, nú 23. til 25. apríl 2022. Úrslitini finnast eisini her á livetiming.se og her á swimrankings.net
