Ægir betraði í kvøld aftur nógv um føroyska juniormetið í 4×100 metra frísvimjing fyri mix-lið, tá ið tey í finaluni á Atlantic Open 2022 svumu seg til silvur við tíðini 4:02.38. Metið var 4:10.64 hjá Ægir frá innleiðandi riðlunum í morgun, sum tá var stór betring í mun til 4:14.26 frá hesi somu stevnu í fjør. Sí úrslitalistan her
Tey sum svumu fyri Ægir í kvøld, vóru:
Ægir settu fyri løtu síðani flott nýtt føroyskt juniormet í 4×100 frísvimjing fyri mix-lið, tá ið tey í innleiðandi riðlunum á Atlantic Open 2022 í Páls Høll svumu seg til úrslitið 4:10.64. Ægir áttu eisini nú farna juniormetið, á 4:14.26 frá Atlantic Open í fjør. Sí úrslitalistan her
Tey fýra sum svumu hetta juniormetið, vóru:
Her er stroyming frá Atlantic Open 2022, sum Svimjisamband Føroya og Suðuroyar Svimjifelag skipa fyri í Páls Høll í Vági nú 23. til 25. apríl 2022. Beinleiðis úrslit síggjast eisini her á livetiming.se
Stevnupartarnir eru
Vár Erlingsdóttir Eidesgaard setti í morgun flott føroyskt met, tá hon á ungarsku meistarastevnuni í Debrecen svam 800m frí við tíðini 9:06.88. Gamla metið, sum Vár sjálv átti, var 9:08.50 frá Bergen Swim Festival í apríl 2019.
Vár hevur síðan byrjanina av februar verið í Budapest í Ungarn, har hon venur við felagnum BVSC.
Vár Erlingsdóttir Eidesgaard er í hesum døgum í Debrecen í Ungarn, har hon kappast á ungarsku meistarstevnuni 2022.
Startlistarnir og úrslit síggjast her – í dag skal hon royna seg í 400 frí
Her eru startlistarnir til Atlantic Open 2022, sum Svimjisamband Føroya skipar fyri saman við Suðuroyar Svimjifelag í Páls Høll í Vági, nú leygardagin 23. apríl til mánadagin 25. apríl 2022. Startlistarnir síggjast eisini her á livetiming.se
Her er innbjóðing til svimjistevnu sum Havnar Svimjifelag skipar fyri í svimjihylinum á Argjum, leygardagin hin 30. apríl 2022. Hetta er stevna fyri okkara yngstu aldursbólkar.
Her er innbjóðingin til Aldursbólkameistarastevnuna 2022 (ABMS 2022), sum verður í Klaksvíkar Svimjihøll hin 14. og 15. mai 2022.
Svimjisamband Føroya hevði í dag hin 9. apríl 2022 sín árliga aðalfund, á Panorama á Hotel Hafnia í Havn. Á skránni var útyvir formansfrágreiðing og framløga av roknskapinum, eisini ein rúgva av innkomnum málum frá starvsnevndini, og val av formanni og tveimum nevndarlimum.
Atlantic Airways og Svimjisamband Føroya hava í dag endurnýggjað stuðulsavtaluna sínámillum, so at Atlantic framhaldandi er høvuðsstuðul SSF. Hetta hendi har vesturi á flogvøllinum í Vágum, í sambandi við at føroyska svimjilandsliðið kom heim av væleydnaðari ferð til Noregs, har tey hava luttikið á altjóða stevnuni Bergen Swim Festival 2022.
