Í dag upprann dagurin tá ið tilsamans 1000 fólk hava prógvað seg at klára at svimja 200 metrar, í svimjiførleikaátakinum sum Svimjisambandi Føroya byrjaði hin 3. desember, har sjálvur Løgmaður var fyrsti svimjari.
Nú hava 1000 klárað 200
Dagførdir lívbjargarar í Gundadali, Eysturskúlanum og á Sandoy
Svimjisamband Føroya skipaði nú fyrr í vikuni fyri lívbjargingarroynd í Svimjihøllini í Gundadali, har hesi 7 stóðu royndina – ein til at kunna vera lívbjargari í Sandoyar Meginskúla og tveir til at kunna vera lívbjargarar í Eysturskúlanum. Sørin S. Djurhuus var lívbjargingardómari, og fingu tey í sama viðfangi handað eisini nýggju svimjinálina, eftirsum 200m er partur av eisini lívbjargararoyndini.
Elisabeth er ársins stjørnuskot 2021
Hetta hava tit sikkurt øll fingið við – men Elisabeth Erlendsdóttir úr Havnar Svimjifelag vann nú leygarkvøldið heiðurin sum ársins stjørnuskot 2021, tá ið Ítróttasamband Føroya skipaði fyri Ítróttafagnaðinum 2021. Til lukku Elisabeth!
Innbjóðing til Ægir Open 19. – 20. februar 2022
Her er innbjóðing til svimjistevnuna “Ægir Open” sum Ægir skipar fyri í Klaksvíkar Svimjihøll, leygardagin hin 19. og sunnudagin hin 20. februar 2022.
HM fyri Masters verður í Fukuoka í august 2023
Altjóða svimjisambandið FINA kunngjørdi í gjár, at HeimsMeistarastevnan fyri Masters er útsett til hin 2. til 11. august 2023, sum upprunaliga skuldi verða hin 31. mai til 9. juni 2022. Í báðum førum í Fukuoka í Japan, í forleingilsi av HeimsMeistarastevnuni á sama stað.
FINA kunnger serstakt HM í Budapest í juni 2022
Altjóða svimjisambandið FINA kunngjørdi fyri løtu síðani, at ‘ekstraordinert’ HM verður í Budapest í Ungarn í juni 2022, í staðin fyri avlýst HM í Tokyo í mai 2022. Hetta til at umganga at heimsins bestu svimjarar missa møguleikan í 2022, at kappast á hægsta støði.
SuSvim Open 5. – 6. februar 2022 avlýst vegna korona
Suðuroyar Svimjifelag hevur tíverri verið noytt at avlýsa svimjistevnuna sum skuldi verða í Páls Høll í Vági, nú hin 5. og 6. februar 2022, vegna korona. Feløgini vórðu kunnaði í gjár – trupulleikin er at skaffa nóg nógv hjálparfólk, nú smittan herjar.
Bestu bitar frá RIG 2022
Her er ein flott video sum íslendski Kristinn Gauti Gunnarsson hevur gjørt, frá RIG 2022 nú farna vikuskiftið. Onkrir føroyingar eru eisini at síggja 🙂
HM 2022 útsett til 2023, og HMS 2023 til 2024
Altjóða svimjisambandið FINA hevur nú kunngjørt, at HeimsMeistarastevnan er flutt til í juli 2023, sum annars skuldi verða nú í mai 2022, og sum upprunaliga skuldi hava verið í juli 2021. Og sum fylgja av hesum, er HeimsMeistarastevnan á Stuttgeil flutt til januar 2024, sum annars skuldi verða í november 2023.
Gull til Bartal Eidesgaard í 200 frí á RIG 2022, og nógv silvur og bronsa til føroyingar eisini
Bartal E. Eidesgaard svam seg fyri løtu síðani til gull í 200 metra frísvimjing á Reykjavík International 2022, við nýggjum persónligum meti á 1:59.17, har hansara besta tíð til nú var 1:59.50 fr´a hesi somu stevnu í januar 2020. Og føroyskir svimjarar svumu seg til fleiri silvur- og bronsuheiðursmerki eisini, nú síðstu finalur vórðu avgreiddar á hesi stevnu.
