Svimjisamband Føroya fer nú undir eitt átak til at fáa so nógvar føroyingar sum gjørligt at kanna, um teir klára at svimja 200 metrar uttan íhald ella hjálpitól. Ein serlig nál er gjørd til tey sum prógva hetta, og var sjálvur Løgmaður hin fyrsti at gera tað.
Nú er føroyska svimjilandsliðið á veg heim aftur úr Svøríki, og eru tey heilt væl nøgd. Vit vistu at kappingin fór at verða hørð, men svumu okkara tó í heilum skjótari enn sínar bestu tíðir, og annars ofta nær teimum.
Elisabeth Erlendsdóttir vann silvur í 50 rygg við nýggjum juniormeti, og hartil bronsu í 100 rygg, og fleiri fingu hartil roynt seg í finalu.
Elisabeth Erlendsdóttir svam seg fyri løtu síðani til flott bronsuheiðursmerki á Norðurlendsku JuniorMeistarastevnuni 2021, tá ið hon í finaluni í 200 metra ryggsvimjing svam teinin uppá 2:14.29. Hetta er næsta heiðursmerki sum hon vinnur á hesi stevnu, har hitt fyrra var silvur í 100 metra rygg í gjár.
Sí úrslitalistan her. Splitt-tíðirnar siga sína egnu søgu, at hon var nr 6 aftaná fyrstu 50 metrarnar, og enn nr 6 aftaná 100 metrar, áðrenn hon dró seg fram til eitt 4. pláss aftaná 150 metrar, og so spurtaði til bronsuna, seinastu 25.
Elisabeth er úr Havnar Svimjifelag
Síðstu innleiðandi riðlar vórðu avgreiddir nú í morgun á Norðurlendsku Meistarastevnuni og JuniorMeistarastevnuni 2021, har Elisabeth Erlendsdóttir megnaði at koma víðari til juniorfinaluna í 200 rygg, og Ronja Ró í Dímun til seniorfinaluna í 100 frí.
Hartil skal føroyska kvinnustafettin í 4×100 frí eisini royna seg, tá ið síðstu finalur verða avgreiddar, seinnapartin.
Sviar stroyma beinleiðis frá finalunum frá kl 15 í dag, her á livetiming.se
Elisabeth Erlendsdóttir hevur júst svomið seg til óføra flott silvur á NJM 2021 í Upplands Väsby í Svøríki! Hon var éin hundraðpart frá gullinum.
Super !
Hygga síggj, har er stroyming, sí SuperLive á livetiming.se
Finaluparturin nú seinnapartin er frá k 16:00, føroyska tíð
Tað gekk eitt sindur upp og niður hjá føroysku svimjarunum, hendan næsta dagin við innleiðandi riðlum á Norðurlendsku Meistarastevnuni og JuniorMeistarastevnuni 2021, sum er í Upplands Väsby í Svøríki.
Elisabeth Erlendsdóttir koyrir á har eysturi í Upplands Väsby – í morgun var hon skjótast av øllum teimum 25 sum luttóku í innleiðandi 100 metra ryggsvimjing, har næstskjótasti juniorur var Vilma Leppähaara úr Finnlandi við 1:02.34, og skjótasti juniorur Veronika Olem úr Estlandi við 1:01.99. Sí úrslitalistan her
Elisabeth Erlendsdóttir setti fyri løtu síðani flott nýtt føroyskt juniormet í 50 metra ryggsvimjing á stuttgeil, tá ið hon í finaluni á Norðurlendsku JuniorMeistarastevnuni 2021 í Upplands Väsby í Svøríki svam teinin uppá 28.63 sekund.
So byrjaði Norðurlendska Meistarastevnan og JuniorMeistarastevnan 2021 í Upplands Väsby, við innleiðandi riðlum nú fyrrapartin. Føroyingarnir høvdu ein heldur harðan ferðadag í gjár, men eru glaðir um síni avrik ´í morgun, har fleiri svumu bestu tíðir, og onnur vóru nær við.
Elisabeth Erlendsdóttir megnaði at svimja seg víðari í finalu í 50 metra ryggsvimjing, og hartil verður liðsvimjingin hjá kvinnum 4×200 metra frísvimjing við í finalu eisini.
