SwimSwam skrivar her um eitt korona-forskrekkilsi sum litavar fingu, tá ið ein íðkari hjá teimum varð staðfestur at vera smittaður við korona, við komu til undanleguna í Japan, nú uppundir OL í Tokyo.
Spanskur svimjari mátti lata bróstabarn sítt verða eftir heima, um hon vildi til OL
Tvífaldi OL-heiðursmerkjavinnarin Ona Carbonell er skuffað um støðuna, nú hon hevur verið noydd at lata bróstabarn sítt verða verandi eftir heima, til at kunna luttaka á OL í Tokyo. Orsøkin er strongu koronatilmælini í sambandi við leikirnar, lesið t.d. her á Reuters
OL og Para-OL verður í Brisbane í Avstralia í 2032
Altjóða olympiska nevndin IOC kunngjørdi í dag vertsbýin fyri Olympisku og Paralympisku Leikir í 2032, at vera Brisbane í Australia. Hetta verða triðju leikir sum Avstralia hýsir, aftaná Melbourne í 1956 og Sydney í 2000.
Keðilig støða hjá dønum eisini: Fáa ikki møtt við OL-liði í 4×200 frí fyri kvinnur, tí svimjarnir ikki allir hava klárað B-kravið
Lesið her á TV2 – søgan minnir um hana hjá póllendingum herfyri, at tey hava dúvað uppá at kunna fáa eyka svimjarar við til liðsvimjingina, sum tó ikki hvør sær lúka formliga kravið sum einstaklingur, og har FINA tí ikki góðtekur luttøkuna.
Continue reading Keðilig støða hjá dønum eisini: Fáa ikki møtt við OL-liði í 4×200 frí fyri kvinnur, tí svimjarnir ikki allir hava klárað B-kravið
Ólavsøkusvimjing 28. juli 2021 aftaná kappróðurin
FYRI ELLIVTU FERÐ
Tilmelding
Tilmelding til svimjingina á ólavsøku fer fram í seinasta lagi 26. juli við at flyta kr. 250,- á kontu hjá Havnar Svimjifelag 9181-374.480.0. Viðmerk NAVN á svimjara og FØÐIÁR. Vit skulu brúka føðiárið til at bólkabýta úrslitið.
Kunningarfundur um trygd, atgongumerki og hetta
Í svimjihøllini í Gundadali 27/7 kl. 20.30 verður kunning. Talmerkt hetta og atgongumerki, ið gevur atgongd til kappróðrarøkið, verða latin tilmeldaðum luttakarum. (Um høvuðsinngongdin er stongd, farið so inn gjøgnum síðudyrnar).
Atgongd til kappróðrarøkið og skiftiumstøður
Atgongumerkið gevur atgongd inn á kappróðrarøkið umvegis rundkoyringina við Skansan. Tað eru bara vaktir við hesa inngongd, ið eru vitandi um og taka ímóti okkara atgongumerki.
Til ber at skifta í hølum hjá Skipafelagnum (pakkhús) frá kl. 16.00. Tá ið svimjingin er liðug, sleppa vit at spula draktirnar har. Vaktir vera við hurðina til tiltakið er liðugt, so klæðini eru trygg og vit sleppa altíð inn.
Kapping
Kappingin er skipað í seks bólkar:
– Kvinnur Opin bólkur
– Kvinnur Masters – kvinnur, sum eru 25 ár og eldri
– Kvinnur Masters – kvinnur, sum eru 50 ár og eldri
– Menn Opin bólkur
– Menn Masters – menn sum eru 25 ár og eldri
– Menn Masters – menn sum eru 50 ár og eldri
Hóast svimjingin verður bólkað sum kapping, so verður dentur lagdur á, at hetta er eitt tiltak fyri øll, ið duga og dáma at svimja – um tað er fyri at kappast ella ei. Høvuðsendamálið er at luttaka, at røkka málinum og fáa eitt gott upplivilsi á sjónum.
Continue reading Ólavsøkusvimjing 28. juli 2021 aftaná kappróðurinDeyv-blinda Becca Meyers meldað avboð til Para-OL tí at hon ikki kann fáa sín stuðul við
Amerikanska Becca Meyers gav nú sunnudagin endaligt avboð til Paralympisku Leikirnar í Tokyo, tí at hon kann ikki fáa mammu sína við sum persónligan stuðul. Hon er fleirfaldur heiðursmerkjavinnari frá OL í London í 2012 og í Rio í 2016; men hevur trauma av at ikki finna runt í Rio, sum ger at hon ikki torir at fara til Tokyo, um hon ikki hevur sín egna stuðul at líta á. Lesið t.d. MSN
Oussama Mellouli givin bara fáar dagar áðrenn ætlaðu luttøku á OL
Tunesiski Oussama Mellouli fráboðaði í gjár, at hann meldar avboð til Olympisku Leikir í Tokyo og er givin við kapping á altjóða støði, vegna ósemju við tunesiska svimjisambandið. Hann kvalifiseraði seg annars herfyri til sínar sættu leikir, tá ið úttøkustevna var í Setubal í Portugal, til 10 km svimjingina í opnum vatni.
CAS loyvir teimum av FINA fyribils útihýstu russisku svimjarum at luttaka á OL
Tað skrivar altjóða svimjisambandið FINA her, og sigur seg fult út viðurkenna avgerðarrættin hjá altjóða ítróttardómstólinum CAS.
“FINA fully recognises CAS as the independent adjudicatory body in cases such as these. We’re grateful for their quick consideration of this matter, and we will both respect and implement CAS’s decision. FINA is also grateful to WADA for its diligence in bringing the Operation LIMS information to our attention. As a proud signatory of the WADA Code, we were duty-bound to follow up quickly and carefully on the material provided,” said FINA President Husain Al-Musallam. “FINA remains fully committed to protecting clean athletes and promoting clean competition at Tokyo 2020, just as we do for all the events on our calendar.”
Gøla í Póllandi – 6 úttiknir OL-svimjarar sendir heim aftur vegna rót í tilmeldingunum
Tað er rok í polsku svimjingini, nú svimjarar noyddust at ferðast heim aftur av leikunum, longu áðrenn teir eru byrjaðir, tí at har var galið við tilmeldingunum. Støðan er heldur fløkjaslig, men botnar í at hesi ov nógvu høvdu ‘bara’ B-kravtíðir at vísa á, sum ikki automatiskt merkir at tú sleppur at luttaka á leikunum.
Bretskur venjari koyrdur av OL-landsliðnum vegna óskil í sínum svimjifelagi
The Guardian skrivar her um hvussu Alan Bircher er tikin av bretska OL-landsliðnum, sum fylgi av drúgvari kanning av óskili í svimjifelagnum har hann var høvuðsvenjari. Opinbart hava har verið so mikið stórir trupulleikar við happing um millum annað vekt og ólýdni mótvegis koronatilmælunum, at hann og ein annar hartil eru settir frá sum venjarar hjá felagnum, har Swim England so traðkar til við nýggjum leiðslubygnaða.
