svimjing.com

Brett Hawke prát við David Popovici aftaná 47.30 í 100 frí

Eitt áhugavert prát her sum Brett Hawke hevði við David Popovici í síðstu viku, aftaná at 16 ára gamli Popovici hevði vunnið EJM-gull í 100 frí við bestu tíð í heiminum í ár, 47.30 sekund.

Hawke er avstralskur OL-svimjari frá 2000 og 2004, sum síðani varð venjari hjá tiltiknu Auburn í USA.

Nú hevur hann m.a. eitt videopodcast kallað “Inside with Brett Hawke“, sum evnar at fáa nógv av teimum allarfrægastu upp á tal.

Teir báðir tosa um teknikk, venjing og um viðføddar eginleikar, har eitt sermerkt er, at Popovici hevur eitt veingjaspenni á 205 cm, hóast hann ‘bara’ er 191 cm høgur.

Popovici tosar væl enskt, so tað er lætt at fylgja við.

Photo courtesy of Deepbluemedia/G. Scala

Tveir russiskir svimjarar fyribils útihýstir frá OL vegna dopingmál

Altjóða svimjisambandið FINA skrivar her um hvussu russisku Alexandr Kudashev og Veronika Andrusenko (fødd Popova) eru fyribils útihýst frá Olympisku Leikum í Tokyo, hóast tey eru meldaði til luttøku har, tí at prógv eru í tilfari frá fyrrverandi antidopingar-rannsóknarstovuni í Moskva, um at tey onkunsvegna eru uppi í brotum á altjóða dopingreglugerðum.

*Photo courtesy of Marco Verch Professional, CC BY 2.0*

FINA kolldømt úrslit frá svimjistevnu í Usbekistan

Hetta hendi fyri viku síðani – FINA skrivar her um, hvussu tey høvdu fingið prógv um at usbekiska svimjisambandið hevði manipulerað úrslit frá svimjistevnum í Usbekistan í 2020 og 2021, í eini roynd at fáa íðkarar kvaliiseraðar til OL í Tokyo, og at FINA tí hevði kolldømt hesi.

Tvíburðar tóku gull og silvur í 200 firvald á EJM 2021

Her er ein stuttlig søga, sum gleið afturum nú stevnurnar EJM og NMU og FM og JM og Føroyaleikir 2021 endaðu allar í senn, sunnudagin:

Á sætta og evsta degi av Evropeisku JuniorMeistarastevnuni í svimjing, hendi tað heldur serliga, at tvíburðabrøðurnir Krzysztof og Michal Chmielewski úr Póllandi vunnu ávíkavist gull og silvur í 200 firvald.

200m Butterfly Men Podium CHMIELEWSKI Krzysztof POL Poland Gold Medal CHMIELEWSKI Michal POL Poland Silver Medal KLIMENISHCHEV Vadim RUS Russia Bronze Medal LEN European Junior Swimming Championships 2021 Rome 21711 Stadio Del Nuoto Foro Italico Photo Andrea Masini / Deepbluemedia / Insidefoto

LEN skrivar, at hetta er ongantíð hent fyrr, og er spurningurin so, um tey meina við bara EJM, ella við altjóða meistarastevnur yvirhøvur.

Tað er í øllum førum óvanligt.

Photo courtesy of Deepbluemedia/G. Scala

Nógvar betringar á FM/JM 2021

Nú síggjast úrslitini frá FM/JM/Føroyaleikum 2021 endiliga her á SwimRankings, sum ger tað lættari at síggja millum annað, hvussu tað gekst hjá hesum ymisku svimjarunum og feløgunum á Føroyameistarastevnuni og JuniorMeistarastevnuni 2021.

Góðar tíðir eisini 2. dag á NMU 2021 í Klaipeda

Tær báðar Lea Osberg Højsted úr Ægir og Jóhanna Ólavsdóttir úr Fuglafjarðar Svimjifelag hildu á við at svimja flottar tíðir, nú triði og síðsti stevnupartur varð avgreiddur í gjár. Sí úrslitalistarnar her

Jóhanna svam 4:54.24 í 400 frí, har besta tíð hjá henni var 4:55.14 frá SuSvim Open í apríl mánaða, og Lea svam 1:18.05 í 100 bringu, har besta tíð hjá henni var 1:18.44 frá Atlantic Open í juni mánaða.

Sum skilst hevur túrurin verið góður hjá teimum

Myndir frá Føroyaleikum ísv FM og JM í svimjing 2021

Myndafólk hjá Føroyaleikum var og tók myndir frá setanini av Føroyaleikum í Vági, umframt frá svimjistevnuni í Páls Høll. Eg meini at eg havi fingið allar við her, sum hava við Føroyameistarastevnuni og JuniorMeistarastevnuni í kappsvimjing á langgeil at gera, í myndasavninum niðanfyri

Úrslit frá FM & JM á langgeil 2021

Her eru úrslitini frá FøroyaMeistarastevnuni og JuniorMeistarastevnuni á langgeil 2021, í Páls Høll í Vági hin 9. til 11. juli, sum partur av eisini Føroyaleikum 2021. Úrslitini síggjast eisini her á livetiming.se og her á SwimRankings

fml2021-urslit.pdf Download

fmljml2021-urslit.pdf Download

Fínur annar dagur eisini á FM/JM/Føroyaleikum 2021

Okkara ungu svimjarar hava verið raskir aftur í dag, nú fyrst JuniorMeistarastevnan varð avgreidd fyrrapartin, samstundis sum øll svumu um at koma í FM-finalurnar seinnapartin, ið so aftur vórðu avgreiddar út á kvøldið. Nógvar góðar tíðir, og góður innsatsur frá øllum sum vóru til staðar, her suðuri í Páls Høll í Vági.

Rumenia vertur fyri EJM í 2022 og EM á stuttgeil í 2023

Evropeiska svimjisambandið LEN kunngjørdi í dag, at nýggi svimjidepilin í býnum Otopeni nær Bukarest í Rumenia verður karmur um Evropeisku JuniorMeistarastevnuna kappsvimjing og vippulopi í 2023, umframt Evropeisku Meistarastevnuna á stuttgeil í 2023.