Grikska svimjisambandið hevur kunngjørt at teirra Ioannis Drymonakos tann 6. mars í ár varð testaður positivur fyri anabolska steroidinum ‘methyltrienolone’. Hetta er sama steroid sum 11 grikskir vektlyftarar herfyri vórðu tiknir fyri at hava tikið. Drymonakos vann gull í 200 firvald á EM í Eindhoven í mars, og var sjálvsagt ein av favorittunum hjá Grikkalandi til at taka heiðursmerki á komandi OL í Bejing. Men nú er hann so givin at svimja, sambært sakførara sínum. Kelda: iht.com Continue reading Drymonakos tikin fyri at dopa seg við steroidum
Kári í topp 20 á swimrankings.net
Pál er enn nummar eitt í 800 og 1500 frí á swimrankings.net, umframt nr 4 í 400 frí við tíðini 3:50.71 har besta tíð hjá evropeiskum juniori í ár er 3:49.04. Men Kári er nú eisini seriøst á veg upp eftir, við metinum 56.13 í 100 rygg sum burdi givið honum eitt 18. pláss á listanum, og gullnálatíðini 56.25 í 50 rygg sum er nóg mikið til eitt 17. pláss á styrkislistanum.
Minnast tit hesi?
He he, Louis kom til at vaska sína blusu áðrenn myndatøkuna
FM 2008 sendingin fæst nú til keyps á DVD
Sum tit kunnu lesa her á ssf.fo:
FM í svimjing í ár, varð sum kunnugt sent beinleiðis á Rás 1 hjá Televarpinum um vikuskiftið.
Nú er møguligt at ogna sær hesar sendingar á fløgu, og kunnu tær keypast frá Svimjisambandi Føroya. Talan er 3 fløgur, sum kunnu keypast fyri kr. 250,-
Hevur hetta tykkara áhuga, so er at flyta kr. 250,- til konto í Norðoya Sparikassa nr. 9865-495.373.2 og vit senda fløgurnar til navn og adressu hjá avsendara av flytingini.
Offisielli úrslitalistin frá FM 2008
Viðfestur er úrslitalistin frá FM 2008, umframt ‘RE-fílan’ sum inniheldur allar tíðir svomnar á meistarastevnuni, til venjarar og feløg at koyra inn í hagtals- og tilmeldingarforritið hjá WinGrodan.
Heiðursmerkjabýtið millum feløg varð
| Felag | Gull | Silvur | Bronsa |
|---|---|---|---|
| SuSvim | 34 | 14 | 12 |
| FS | 6 | 5 | 13 |
| HS | 2 | 16 | 10 |
| Ægir | 2 | 2 | |
| Reki | 1 | ||
| FLOT | 1 |
Stóri beiggi fekk uppreisn í 50 bringu
Tað hendur kanska ikki so ofta, men leygardagin vann lítli beiggi (Jón Hofgaard) á stóra beiggja (Dánjal Martin Hofgaard) í 100 m bringu. Tað videobrotið kom eg av óvart at sletta. Sunnudagin fekk stóri beiggi hevnd mótir lítla beiggja í 50 m bringu. Vinnarin var Pál Joensen við tíðini 31.27.
|