Kári J. á Høvdanum byrjaði ballið við at betra sítt egna føroyska met í 200 rygg frá 2:06.44 til 2:05.13. Síðani betraði Pál Joensen um sítt met í 200 blandað frá til 2:11.33 til 2:08.85. Og at enda betraði eisini Malan Vitalis Bærendsen um sítt met í 50 bringu frá 34.94 til 34.74. Jóhann Heðinsson setti sum nevnt bólkamet í 50 firvald, og Bjarni M. Petersen svam sum sætti svimjari í 100 frí seg til eina silvurnál við tíðini 57.91. Støðið er høgt 🙂 Continue reading 3 føroysk met og Susvim hølvar alt av
FM køkurin hjá FS
Tey úr Fuglafjarðar Svimjifelag hava ordiliga rigga seg til við skrúvum og spaghettisós á kantinum. Hetta er forrestin aðru ferð at Sonni fær sær (veit ikki nær hann gavst við at eta, men hann svam so 100 frí seinni).
Eitt ógvuliga stutt brot úr høllini
Meðan vit bíða eftir at Jóhan Martin gevur mær nakrar myndir at leggja á netið, kunna tit síggja hetta, hiðani eg siti.
Starturin á 50 firvald hjá kvinnum.
FM 2008 skotið í gongd
Livetiming riggar OK, og svimjararnir svimja bara heilt skjótt. Jóhann Heðinsson úr Fuglafjarðar Svimjifelag hevur sett nýtt bólkamet í 50 frí við tíðini 30,14 sekund (tað er bólkur 3, dreingir føddir 1995-96). Vit leggja myndir upp her á Flickr tá ið tað yvirhøvur ber til. Continue reading FM 2008 skotið í gongd
FM í svimjing beinleiðis á Rás 1 um vikuskiftið
Tíðindaskriv frá Svimjisambandinum um FM í svimjing:
Í sambandi við árligu føroyameistarastevnuna í svimjing, sum verður í Tórshavn um vikuskiftið, hevur
Svimjisambandið gjørt av at royna framleiðslu og beinleiðis sending av øllum finalum í sjónvarpi.Samstarvsavtala er gjørd við Televarpið, R2Net og Rás 2.
Kappast verður eftir hesi skrá:
- Fríggjadag 16. mai: Innleiðandi riðlar frá kl 13:30 og finalur frá kl 18:00
- Leygardag 17. mai: Innleiðandi riðlar frá kl 09:30 og finalur frá kl 16:30
- Sunnudag 18. mai: Innleiðandi riðlar frá kl 08:30 og finalur frá kl 15:30
Finalurnar verða vístar beinleiðis á Rás 1 hjá Televarpinum, hvønn dag, og byrjað verður fríggjadagin kl
17:45.Vegna Svimjisambandið
Palli Ziskason
Continue reading FM í svimjing beinleiðis á Rás 1 um vikuskiftið
Programmið klárt
Svend Åge boðar frá at programmið nú er klárt her á livetiming, yvir hvussu innleiðandi riðlarnir verða svomnir. Allar kappingar sum bert hava ein riðil, eru fluttar til at vera beinleiðis finala um kvøldið.
LiveTiming sendir ‘LIVE’ frá høllini alt vikuskiftið
Minnist til at tit kunnu fylgja við úrslitunum ‘LIVE’ frá Føroysku Meistarastevnuni í Gundadali í vikuskiftinum, við at fara her á Livetiming.se. Og haldið annars eygu við hesa heimasíðuna og susvim.com, tí har verður óivað eisini okkurt í leypi av stevnuni.
Continue reading LiveTiming sendir ‘LIVE’ frá høllini alt vikuskiftið
FM 2008 tíðarætlanin broytt eitt vet
Svimjinevndin hjá SSF boðar frá at tíðarætlanin nú er broytt eitt vet, soleiðis at upphiting og kapping fríggjadag nú byrjar eitt sindur fyrr enn fyrr ætlað. Innleiðandi parturin ein hálvan tíma fyrr, og finalurnar umleið ein heilan.
Skráin sær altso soleiðis út nú:
- Fríggjadagur 16. mai, upphiting kl 12:00, kapping kl 13:30 (innleiðandi)
- Fríggjadagur 16. mai, upphiting kl 16:15, kapping kl 18:00 (finalur)
- Leygardagur 17. mai, upphiting kl 08:00, kapping kl 09:30 (innleiðandi)
- Leygardagur 17. mai, upphiting kl 15:00, kapping kl 16:30 (finalur)
- Sunnudagur 18. mai, upphiting kl 07:00, kapping kl 08:30 (innleiðandi)
- Sunnudagur 18. mai, upphiting kl 14:00, kapping kl 15:30 (finalur)
Rættaður startlisti til FM 2008
Viðfestur er rættaður startlisti til Føroysku Meistarastevnuna 2008. Feløgini verða biðin um at eftirkanna hann væl og virðiliga og senda møguligar rættingar til Svend Åge skjótast gjørligt, tí tað verður ov seint á tekniska fundinum í morgin.
Ægir-veitsla 2008
Teldupostur frá Ægir í dag:
Hey tit øll, sum elska svimjing í Føroyum.
Sum tit sikkurt hava hoyrt, so ætla vit í Ægir at hava eina veitslu her í Klaksvík 24 mai.
Veitslan verður fyri FM-svimjarar, og eru hjálparfólk eisini vælkomin, og evt. eisini tey ið vara av felagnum. Continue reading Ægir-veitsla 2008