Fyribils startlistin til FM 2008 klárur

Viðfestur her niðanfyri er fyribils startlistin til Føroysku Meistarastevnuna 2008, sum verður nú fríggjadag til sunnudag 16.-18. mai 2008. Vit kunnu skjótt staðfesta at hóast samlaða luttøkan er rættiliga stór, so er hon so gott sum púra uttan teir ‘jokarar’ av útlendskum og/ella fyrrverandi svimjarum sum vit annaðhvørt vónaðu ella stúrdu fóru at melda til. Í øllum førum hvat einstaklingakappingum viðvíkur. Continue reading Fyribils startlistin til FM 2008 klárur

Á nei, Nystrand sigur langt tá ið tú ert ungur og so ‘hygg’ tá ið tú ert vaksin

Stefan Nystrand skrivar her í bloggu síni um hetta at venja nógv ella minni:

Jag simmar 25000 i veckan för att det är bäst för mig personligen. Det innebär inte att det funkar för alla. Vi har provat under åren med längre och kortare och det funkar inte för mig helt enkelt. Jag har simmat min beskärda del av 50-75000 veckor, för inte mindre än 4 år sen till och med när jag var i landslaget. Jag är onekligen mycket bättre nu än vad jag var då.

När jag var yngre så simmade jag jättemycket meter och massa landträning. Ingen sprint eller styrketräning fram till dess jag var 18 år. Det har nog hjälpt mig och jag tror inte jag skulle vara så bra om jag körde som jag kör nu när jag var 13 år!

Continue reading Á nei, Nystrand sigur langt tá ið tú ert ungur og so ‘hygg’ tá ið tú ert vaksin

Nystrand bloggar frá Bergen Swim Festival

Svenska svimjistjørnan Stefan Nystrand skrivar her á bloggu síni um tað góða veðrið og ta stóru svimjistevnu sum er í Bergen her í vikuskiftinum. Hann luttekur á Bergen Swim Festival, sum eg eisini royndi at lokka føroyingar til fyri umleið einum ári síðani. Continue reading Nystrand bloggar frá Bergen Swim Festival

Stór gøla, Hackett er feitur

Éitt er at hann ikki kláraði at svimja við teimum 10 skjótastu á heimsmeistarastevnuni í 10 km havsvimjing seinasta sunnudag, og enntá varð kolldømdur fyri at órógva ein annan svimjara, og harvið misti kjansin fyri at luttaka í havsvimjing á OL. Men tá ið hann hartil kom upp og sá út sum ein hálvfeitur mastersvimjari; tá var rok í Avstralia. So mikið, at hann mátti stilla upp til ‘photoshoot’ í svimjibuksum í Melbourne nakrar dagar seinni.

Continue reading Stór gøla, Hackett er feitur

FM 2008 tíðarætlan og kappingarfíla

Soleiðis sær skráin út fyri FM 2008

  • Fríggjadagur 16. mai, upphiting kl 12:30, kapping kl 14:00
  • Fríggjadagur 16. mai, upphiting kl 17:30, kapping kl 19:00
  • Leygardagur 17. mai, upphiting kl 08:00, kapping kl 09:30
  • Leygardagur 17. mai, upphiting kl 15:00, kapping kl 16:30
  • Sunnudagur 18. mai, upphiting kl 07:00, kapping kl 08:30
  • Sunnudagur 18. mai, upphiting kl 14:00, kapping kl 15:30

Kappingarfílan er viðfest. Feløgini verða biðin um at senda tilmeldingarfílurnar til Svend Åge í seinasta lagi týskvøldið 13/5-2008 kl 21.00.

Rætting: 4 gull og 4 silvur til HS

Orsaka, har var feilur í míni úrslitauppgerð í gjár frá Vattenfall Swim Cup 2008. Tað er ikki so, tá ið har eru úrslitalistar frá trimum ymiskum hallum umframt nakrar finalur úr teirri einu, og livetiming.dk ikki vísir úrslitini frá teimum øllum. Men eg havi nú talt um aftur, og fái tað til at HS vann 4 gullheiðursmerki og 4 silvurheiðursmerki:

  • Magnus Jákupsson (1994) silvur í 100 blandað (1:08.18)
  • Magnus Jákupsson (1994) silvur í 50 rygg (30.29)
  • Høgni Miné (1992) silvur í 50 rygg (29.37)
  • Magnus Jákupsson (1994) silvur í 100 rygg (1:05.78)
  • Høgni Miné (1992) gull í 100 rygg (1:01.78)
  • Guðrun Holm Jacobsen (1992) gull í 50 frí (28.02)
  • Magnus Jákupsson (1994) gull í 200 blandað (2:27.55)
  • Magnus Jákupsson (1994) gull í 200 rygg (2:21.66)

Eg viðfesti ein nýggjan lista yvir úrslit hjá HS, ‘við øllum’. Tað vil siga úrslitini frá innleiðandi í trimum ymisku hallum, og frá finalunum. Liðkappingar, úrslit hjá fremsta svimjara í liðkappingini, kolldømingar og pumpistokk. Vælgagnist. Continue reading Rætting: 4 gull og 4 silvur til HS

1 gull, 2 silvur og 1 bronsu til HS í DK

Tað gekk bara heilt væl hjá HS á stóru altjóða stevnuni í Esbjerg um vikuskiftið. Guðrun vann gull í 50 frí og silvur í 25 frí, meðan Høgni vann sær eina silvur í 50 rygg og bronsu í 100 rygg. Restin var nokk mest við fyri túrin, men kláraðu seg tó heilt væl í mun til ovurstóra hópin á stevnuni. Síggið úrslit, hagtøl, myndir og video her á westswim.dk, umframt úrslitini aftur her á livetiming.dk. Continue reading 1 gull, 2 silvur og 1 bronsu til HS í DK

Summi kunnu taka testosteron uttan at tað sæst í dopingroyndum (!)

The New York Times skrivar her um eina kanning sum svenskarar hava gjørt, har tey góvu 55 royndarpersónum innspræning við testosteron (mannligt kynshormon), og síðani testaðu tey við vanligu dopingroyndini. Heilir 17 av teimum vístu eingi tekin upp á doping, av tí at teir høvdu eina serliga samanseting av ílegum. SwimNews skrivar eisini nógv um hetta her, í grein um m.a. tað at Gary Hall Jr. er so bersøgin um doping í svimjing. Continue reading Summi kunnu taka testosteron uttan at tað sæst í dopingroyndum (!)

Gary Hall Jr. heldur at draktirnar eru eitt hent skálkaskjól fyri doping

Hann er rættiliga hardcore, fimm-dupulti OL gullvinnarin frá Atlanta 1996 og Sydney 2000: “There’s obviously something there besides technology”, “I don’t want it to take the attention away from the performances but there’s doping going on in sports” og “It’s a convenient distraction for the people who dope and those who aren’t cracking down on it”. Kelda: Reuters