Fuglafjarðar Svimjifelag vann klárt flestu heiðursmerki á Klaksvík National 2008 í gjár, serliga tí at tey eiga Jóhann Heðinsson, Hildur á Fløtti og svimjarar í eldru bólkunum. 17 gullheiðursmerki har nr 2 fekk 4 og nr 3 fingu 3. Birita Debes úr FLOT setti seg hin vegin tungt á kappingina hjá gentum í nummar 3, við at vinna gull í teimum trimum greinum sum hon luttók í.
Continue reading FS vann (so syngjandi) Klaksvík National 2008
Stuttligt at síggja hvussu venjarar og svimjarar ganga upp í tað við lív og sál.
Fuglafjarðar Svimjifelag
Ægir og FLOT
So er umleið 300 myndir at finna her á Flickr. Nógvar av teimum eru heilt ørvísi enn tær plaga, tí at eg persónliga var upptikin av at hjálpa Johan Martini við onkrum ørum projekti, og tað tí fyri ein stóran part vóru onnur sum tóku myndirnar.
Klaksvík National 2008 var so sannliga eitt stórt upplivilsi. Alt tað vanliga var upp á pláss, og hartil bjóðaði Klaksvíkar Býrað til døgverða, vit hoyrdu Jógvan við Keldu fortelja frá svimjing í Klaksvík upp í gjøgnum søguna, og finaluparturin varð tað heilt stóra gallashowið. Ljós og ljóð, og replay í slow motion á stórskíggja. Ókeypis frukt og gávukort og steyp til svimjarar.
Eg skal fara at skriva meira, telja upp heiðursmerkja og vísa til allar tær myndir og videoir sum eg havi frá stevnuni; men beint nú mugu tit noyðast við úrslitalista og RE-fílu (viðfest). Continue reading Stórsligin Ægir stevna
Almikið rok er nú serliga í Avstraliu, um at (amerikanski) Gary Hall Jr. hevur sagt at ‘fólk hava rætt til at verða misteinkilig um doping, tá ið tey síggja betringar sum hasar’. Hann sigur gott nokk eisini hann ikki persónliga heldur at Eamon Sullivan var dopaður, men tað lurta avstraliumenn ikki eftir beint nú. Eamon Sullivan setti herfyri heimsmet í 50 frí við tíðini 21.56, hóast hann annars ongantíð hevur verið undir 22 sekund. Lesið her á Timed Finals.
Sum tit kunnu lesa her á portalinum, og kanska hoyrdu í Útvarpinum í morgun, so fer Føroya Studentaskúli nú undir strekta students- og HF-útbúgving til tónleikarar og ítróttarfólk. Skipað verður ikki fyri einum serligum flokki til hesar næmingar, men heldur at teir fáa eina ætlan sum varir eitt ár meira enn vanligu flokkarnir, og so skifta flokk einaferð miðskeiðis í útbúgvingini.
Harvið hava vit nú tveir áhugaverdir leistir til hvussu tú sum svimjari kann fáa tíð til bæði miðnámsútbúgving og ítrótt. Annaðhvørt kanst tú fara til Kambsdalar og ganga í serligum klassa fyri svimjarar, har skúlin hevur sett tíð og orku av til svimjivenjing, og útbúgvingin so annars skal náast innan vanliga tíð. Ella kanst tú lesa í Havn, har tey fyrst og fremst geva miðnámsnæminginum minni at gera í dagligdegnum, og harvið meira tíð tað sum kemur afturat.
Sum tey skriva á Portalinum, so krevur skipanin í Havn, at “eitt ítróttarfelag og avvarðandi ítróttarsamband vátta, at næmingurin telist millum fremstu talent í síni ítrótt, og at viðkomandi nýtir munandi tíð til venjing og íðkan”. Næmingar skulu søkja inn á skúlan sum vant, men hartil leggja bræv við um at tey ynskja at leingja um útbúgvingina. Um umsóknin longu er send, so kann brævið sendast nú eftirfylgjandi. Til ber ikki at skifta aftur til vanliga 3 ára útbúgving, tá ið fyrst næmingurin er farin í holt við strektu útbúgvingina.
Suðuroyingar meldaðu frá, og tí er nýggjur startlisti gjørdur til stevnuna í morgin.
Viðfestur er startlistin til Klaksvík National 2008, umframt ein dagskrá fyri dagin. Sum nakað heilt nýtt, skipar Ægir fyri døgverða og øðrum millum innleiðandi og finalu, og hartil verða gávukekkar latnir nummar 1, 2 og 3 í hvørjari kapping.
Update: Kjakið fór rættiliga nógv av sporinum her, haldi eg, og eg havi tí bara púra sløkt fyri viðmerkingunum. So følir vónandi eingin seg meira raktan enn annar 🙂 Continue reading Dagskrá og startlisti til Klaksvík National 2008
Hey øll
Viðheft er tilmeldings fíla í sambandið vi eyka kappingar ið verða í Klaksvík komandi vikuskifti.
Talan er um 100m frí hjá monnum. Svomin verður bert ein riðil, tað vil siga teir við bestu tilmeldings tíðunum sleppa við.
Eisini verður 800m frí hjá kvinnum, har er tíðin 10.30 sett sum minsta krav.
Kappingarnar verða svomnar beint eftir innleiðandi kappingarnar leygarmorgun.
Sendið tilmeldingar til reidar [kurla] susvim.com seinast hóskvøldið.
Er ikki ein úrslitalisti fra kappingini í Vági …..
Tillukku við Gullnálini Shaila, og tillukku við metinum Malan og pål ….
