Tað gekk sjálvsagt bara éin dagur til ein nýggj trygdarútgáva var klár. Ikki at eg nakrantíð havi upplivað nakrar trygdartrupulleikar við hesari heimasíðuskipanini, men tað er nokk betur at vera fyrivarin.
Kristian Martin venur nú HS
Kristian Martin Joensen er nú aftur 1. liðsvenjari hjá Havnar Svimjifelag.
svimjing.com uppstigað – 3 ferðir
Huffa puffa, eg havi bíðað við hesum líka síðani einaferð í august. Har kom alt møguligt spennandi í millum, og so endaði tað við at eg nú var tríggjar ‘trygdardagføringar’ afturút. Sum helst skuldu gerast stig fyri stig.
Á well, tað er so gjørt nú, og tað sær út til at tað eydnaðist sum ætlað. Beint nú koyrir heimasíðan eitt sindur spakuligt, men eg giti at tað bara er okkurt fyribils við ambætaranum hara yviri í Kalifornia. Síðan burdi nevniliga heldur koyrt skjótari enn spakuligari, nú eg havi fingið lagt nýggjastu rættingar inn.
Um tit síggja okkurt sum sær heilt galið út, so sigið endiliga frá.
HS stevnan útsett
Sambært tíðindum á susvim.com fær HS ikki høllina í Gundadali nú 12.-13. januar, og kappingin er tí í samráð við svimjinevndina hjá SSF flutt til 26.-27. januar 2008.
Sløkt fyri WYSIWYG editorinum her á svimjing.com
Tey sum skriva og viðmerkja her á svimjing.com fara nú at uppdaga, at hasin Word-líknandi amboðsbjálkin nú knappliga er burtur. Orsøkin er (sum ikki einaferð), at hetta er eitt eykamótul til heimasíðuskipanina sum eftir innlegging hevur víst seg at viðføra ávísar trupulleikar, og eg helt tí at tíðin var komin til at taka hann bara burtur.
Tey sum skriva skulu nú venja seg við at skriva serliga kotu til at fáa t.d. feitan tekst ella skráskrift, men ein leiðbeining er lukkkutíð beint undir feltinum har man skrivar, sum forklárar hvørjar sniðingarmøguleikar man hevur.
Trupulleikarnir hava annars verið serliga at ávísar teldur ikki hava kunnað skrivað yvirhøvur. Sikkurt tí at tær ikki loyvdu innlegging av hesum serliga ‘FCK editorinum’ ella okkurt sovorðið. Eg rendi meg til dømis inn í trupulleikan á eini telducafé á Rhodos, og avgjørdi tá á staðnum at hetta gekk altso ikki 🙂
Hartil irriteraði tað meg persónliga, at tekstur sum man kopieraði frá t.d. Word kom til at hava sama snið sum har, heldur enn ta snið (og her serliga ta skrifttypu) sum vit nú einaferð hava valt til heimasíðuna. Haldi at heimasíðan gjørdist óruddilig av hesum.
Og at enda var editorurin ein forðing fyri at onnur enn eg funnu útav at seta inn videobrot og myndir. Ein orsøk til at tað hevur gingið so leingi áðrenn eg tók editorin burtur, var faktiskt at eg annars ikki visti hvussu eg skuldi fáa myndir á síðuna bara við standard mátanum. Men tað havi eg altso lært nú, og so var tíðin komin.
Eg skal fara at skriva eina leiðbeining til hvussu man setir inn myndir, kanska longu í kvøld. Og hitt við YouTube verður eisini áðrenn alt ov leingi.
Fyrsta SSF grundskeið í merkjaskipanini avgreitt
Fríggjakvøldið og leygardagin skipaði Svimjisamband Føroya fyri fyrsta føroyska SSF grundskeið í merkjaskipanina, í skúlanum og svimjihylinum við Gøtugjógv. Grundskeiðið umfataði fyrstu fimm merkini, sum føra svimjararnar frá møguliga ikki at vera tryggur í vatni, til at kunna kava, flóta, glíða og taka seg fram. Skipanin er so gott sum 100% grundað á norsku merkjaskipanina, sum undirvísararnir fingu útbúgvin í á vári 2007.
Á myndini síggjast luttakarar og undirvísarar úr Ægir, FS, Reka, Skeggjum, FLOT og HS
Continue reading Fyrsta SSF grundskeið í merkjaskipanini avgreitt
Ítróttarbreytin á Kambsdali fer nú eisini at fevna um svimjing
Ítróttarsendingin hjá Útvarpi Føroya visti í kvøld at siga frá, at Handilsskúlin á Kambsdali nú ætlar sær at víðka sína ítróttarbreyt til eisini at umfata svimjing. Talan verður um svimjivenjing 2 ferðir um vikuna, frá kl 8 til 10, umframt ástøðiliga undirvísing um ítrótt yvirhøvur. Lesið meira her á heimasíðuni hjá Føroya Handilsskúla á Kambsdali.
Tey tosaðu eina góða løtu um hví akkurát svimjing skuldi koma afturat fótbóltinum, og til tað vórðu nevndar tvær høvuðsorsøkir. Fyrst at svimjingin – sum tað eisini stendur á heimasíðuni – hevur “fingið framúr úrslit og sýnt ein sera góðan vilja og hugburð”. Og harnæst at svimjingin (sum fótbólturin) er so rótfest ítróttargrein í umhvørvinum runt Kambsdal.
Ikki heimsmet allíkavæl
Ups, nýggja 4 x 100 frí tíðin hjá teimum fýra úr CN Marseilles verður nokk ikki góðtikin sum heimsmet allíkavæl, partvís tí at talan var um eina 10 x 100 frí stafett (har teir munnu hava svomið teir fyrstu fýra), og partvís tí at tey ikki høvdu fráboðað FINA áðrenn at teir fóru at royna eftir heimsmetinum. Lesið her á SwimNews.
Innbjóðing til HS stevnu 12.-13. januar 2008
Susvim hevur sum tit síggja her fingið fatur á innbjóðingini til HS stevnu 12. og 13. januar 2008. Stevnan er fyri bólk 3 og eldri, tað vil siga svimjarar føddir ár 1995 ella fyrr. Kappast verður í øllum greinum upp til 400 blandað, men tó so uttan nakra stafett yvirhøvur. Eg viðfesti innbjóðing og kappingarfílu tá ið eg havi fingið fatur á hesum.
Continue reading Innbjóðing til HS stevnu 12.-13. januar 2008
Gott nýggjár
