Elspa ger um seg á Flatlondum

Lesið her á sport.fo. Elspa Mørkøre hevur betrað um sína bestu tíð í 200 blandað, so at hon nú svimur 2:18.40 har føroyska metið hjá henni sambært ssf.fo er 2:21.22. Til samanberingar er danska juniormetið  2:17.14, so talan er um veruliga høgt støði hjá Elspu.

Skribenturin á sport.fo hevur eisini rættiliga hvassan kritikk av hvussu SSF forsømir at dagføra síni met á heimasíðuni (og møguliga eisini á offisiellu listunum?). Elspa hevur sett met í 11 greinum síðani hon fór niður, men bara summi eru dagførd á ssf.fo. Og SSF hevur ikki dagført nakað met enn frá DKM, Køge Open, NJM og EM.

Nú er tað offisielt

Pál Joensen stendur nú ovast á ranglistanum hjá evropeiskum juniorum í 1500 frí, umframt sum nr 2 í 800 fyri ta split-tíð sum hann hevði tá ið hann kom til 800 metrar í teimum 1500. Og við tað at hann eisini er nr 5 í 400 frí, kunnu vit trygt siga at Pál í løtuni er millum 5 teir bestu evropeisku juniorarnar í trimum greinum 🙂

Pál 1500 progressión Continue reading Nú er tað offisielt

Ikki éitt ár síðani at Pál svam undir 16 minuttir

13. januar 2007 høvdu við hesi tíðindi á gomlu FLOT-heimasíðuni, um at Pál Joensen sum fyrsti føroyingur hevði svomið undir 16 minuttir í 1500 frí. Haldi at tað er uppá sítt pláss at finna eina lagkøku fram í januar 🙂

“Pál undir 16 í 1500 frí 
Skrivað hevur Rókur í Jákupsstovu  
leygardagur, 13 januar 2007

Tað frættist úr Vági, at Pál Joensen úr Vágs svimjifelag hevur sett nýtt føroyskt met í 1500 frí, við tíðini 15.56.21. Hann átti eisini gamla metið á 16.03.59, men kann nú hartil í allar ævir breggja sær av, at hann var fyrsti føroyingur undir 16 minuttir.

Ok, møøguliga hevur Jón Hestoy svomið skjótari, um enn ikki sum góðkent føroyskt met. Um vit leita á heimasíðuni hjá AGF swimteam, so finna vit hendan metlistan, har Jón Hestoy enn eigur metið hjá felagnum á langbana við 16.11.32 (sett í 1981 :-). Stuttbana-metið eigur ein Claus Z. Hansen við 15.47.48 (sett í 1982), so vit síggja ikki beinleiðis hvat Jón svam í einum 25-metrar-hyli sum tann í Vági.

Men í øllum førum nærkast Pál við sjeymílastevum. Undir 16 er enn so mikið gott, at tað á donsku ranglistunum fyri 2006 liggur umleið á topp-3 fyri danskar juniorar, í topp-5 fyri danskar seniorar, og ovast í árganginum hjá Pál (1990). Áhugavert er væl eisini, at vinnaratíðin á Oyggjaleikum 2005 var 16.01.39, og at oyggjaleikametið er 15.52.13. Alt annað líka, so burdi Pál jú bara blivið betri til í summar.

Og forrestin. Um FINA-roknarin hjá mær roknar rætt, so gevur hendan tíðin 759 stig, sum sambært hesum lista á ssf.fo er besta úrslit hjá monnum yvirhøvur, og triðbesta hjá føroyingum (tey bæði bestu úrslitini eigur Elspa Mørkøre, fyri 200 rygg og 50 rygg). FINA-stigini eru roynd at gera tað gjørligt at sammeta úrslit tvørtur um greinir og teinar, við at geva okkum ein fløktan frymil til at rokna út stig í mun til heimselituna (1000 stig verða ásett 4. hvørt ár av FINA sum meðaltíðin av 10 teimum bestu úrslitunum yvirhøvur, sí annars fina.org).”

Gloymið ikki at atkvøða fyri Pál og Elspu

Kringvarpið hevur sum kunnugt nominerað bæði Pál Joensen og Elspu Mørkøre til at verða ársins føroyska ítróttarnavn ár 2007. Tey nomineraðu fimm, harav Pál fekk 15 stig (sum eisini var max møgulig stig), Katrin Olsen fekk 11 stig, Elspa Mørkøre fekk 7, Rógvi Jacobsen (fótbóltspælari) 6, og U21 fótbóltslandsliði hjá dreingjum 3 stig. Tit kunnu hoyra ítróttarpanelið og atkvøða her á uf.fo.

Tit sleppa at geva trimum av teimum nomineraðu stig, soleiðis at ein fær 3 stig, ein fær 2 og ein fær 1. Og har burdi tí verið ríkiligt av stigum til at geva bæði Elspu og Pál tann heiður tey hava uppiborið.

Heimsmet til Svøríki í 4×50 frí (!)

OK, teir høvdu tveir við í 50 metra finaluni, so tað var kanska ikki heilt av leið at klára seg væl í stafettini eisini. Men altso, gull og heimsmet  til Svøríki í allarseinastu kappingini á EM í Debrecen, við tíðini 1:24.19. Tvey evropeisk met vórðu eisini sett í dag, tá ið ungi ungarski Dani Gyurta vann 200 bringu í tíðini 2:05.49, og russiska Yuliya Efimova vann 100 bringu í tíðini 1:04.95.

Continue reading Heimsmet til Svøríki í 4×50 frí (!)

Góður skurður í Debrecen

So er EM av hvat føroyingum viðvíkur, og vit kunnu staðfesta at okkara hava svomið skjótt í Ungarn. Ella í øllum førum upp til sítt besta. Her niðanfyri er eitt yvirlit yvir hvussu tey hava svomið í mun til tær tilmeldingartíðir sum tey komu við, og í hvønn mun tey hava sett met.

Grein Svimjari Tilmelding Úrslit Viðmerking
50 frí menn Dánjal Martin Hofgaard 24.74 24.40 persónligt met
100 frí menn Dánjal Martin Hofgaard 54.12 53.54  
200 frí menn Pál Joensen 1:51.92 1:51.79 føroyskt met
400 frí menn Pál Joensen 3:54.64 3:55.94  
1500 frí menn Pál Joensen 15:24.50 15:10.02 føroyskt met 
50 rygg menn Kári J. á Høvdanum 26.95 26.83 føroyskt met
100 rygg menn Kári J. á Høvdanum 57.76 57.41  føroyskt met 
200 rygg menn Kári J. á Høvdanum 2:06.44 2:07.16  
50 frí kvinnur Shaila millum Garðarnar 27.66 27.02  persónligt met?
100 frí kvinnur Shaila millum Garðarnar 1:01.18 59.41  persónligt met
400 frí kvinnur Mona Simonsen 4:35.68 4:36.18   
800 frí kvinnur Mona Simonsen eingin tilm.tíð 9:13.50   
50 firvald kvinnur Shaila millum Garðarnar 30.13  30.04  

Pál sett met í 200 frí í morgun

Pál svam teinin í tíðina 1:51.79, sum er 13 hundraðpartar skjótari enn føroyska metið sum hann setti á NJM fyri 14 døgum síðani. Ein flott forbedring, tá ið man hugsar um at hann tá, á NJM, gjørdi eitt tikaralop til at fara frá bronsu- til gull-heiðursmerki.

SSF dagførir ikki sína heimasíðu longur, og metið á ssf.fo er tí enn teir 1:53.60 sum hann vann gull við á Rhodos í summar. Kiksað SSF, men fantastiskt Pál at betra seg næstan 2 sekund á 200 metra teininum uppá eitt hálvt ár!

Shaila millum Garðarnar svam eisini eina virkuliga flotta tíð í morgun, tá ið hon svam 50 frí uppá 27.02 sekund. Hon vildi tó sikkurt gjarna svomið einar tríggjar hundraðpartar skjótari, so at tíðin fór niður um 27 sekund, ella kanska 1-2 tíggundapartar til at fara niður um metið hjá Elspu á 26.71 (ella er tað 26.91?).

Á sport.fo stendur annars at lesa at Kári J. á Høvdanum eisini kláraði kravtíðina til HM í gjár, tá ið hann setti føroyskt met í 100 rygg. Tey eru nú trý sum eru klár at fara til HM í Manchester í apríl 2008: Elspa Mørkøre, Pál Joensen og Kári J. á Høvdanum.

Enn eitt heimsmet í dag

Eg yvirsá at tær týsku Janine Pietsch (27.19), Janne Schaefer (29.64), Annika Mehlhorn (26.52) og Britta Steffen (23.32) settu nýtt heimsmet í 4×50 blandað í dag, tá id tær svumu teinin í tíðini 1:46.67 á EM í Debrecen. Niðurlond áttu gamlad metið frá 2005 á 1:47.44.

Aftur í dag eru góðir samandráttir at lesa á SwimInfo og SwimNews. Tað virkar sum um allir svimjiheimurin bara er heima og heldur ondini, meðan tey svimja sum ongantíð fyrr á Evropeisku Meistarastevnuni.