Heimsins størsta svimjiblað hevur sambært tíðindunum her á swimnews.net skýrt fronsku Laure Manaudou og amerikanska Michael Phelps at verða heimsins bestu svimjarar á 2007. Tey lista eisini upp hvørji sum blivu nummar 2 til 5 hjá kvinnum og monnum, umframt fimm tey bestu fyri hvønn heimspart sær.
Continue reading Manaudou og Phelps ársins svimjarar sambært SwimmingWorld
EM verður víst ‘live’ á lenweb.org
Sambært tíðindunum her á Swimnews.net, so fer evropeiska svimjisambandið LEN at vísa ‘live’ frá finalunum á stutthyljameistarastevnuni nú 13. til 16. desember, á heimasíðuni www.lenweb.org. Talan verður um beinleiðis sjónvarp í YouTube-góðsku (320 x 240), sum sambært LEN er nóg ‘lætt’ til at fólk sjálvt við spakuligum internetsambandi skuldu kunnað sæð sendingarnar.
Innbjóðing til Ægir stevnu
Ægir bjóðar til svimjistevnu fyri bólkar 1 og 2 nú leygardagin 8. desember. Bólkur 1 hitar upp kl 08:00, og bólkur 2 kl 13:00. Tilmeldingarfreistin er fríggjadagin 7. desember kl 19:00. Sí viðfestu innbjóðing.
Magnini og Manaudou eru ársins evropeisku svimjarar
Evropeisku svimjisambondini hava við einari atkvøðu í part valt Italska Filippo Magnini og fronsku Laure Manaudou at vera ársins bestu svimjarar. Lesið her á SwimNews.
Ótrúligt vikuskifti
Tríggjar gull, eina silvur og eina bronsu. Vit eru nokk øll meira ella minni sperlað, sum hava verið uppi í hesum her við NJM í vikuskiftinum, men tað hevur verið tað heila vert.
Um tit vilja lesa meira um NJM, so farið á www.njm2007.com/fo ella www.susvim.com. Tit kunnu eisini síggja video frá stevnuni á www.youtube.com/njsc2007, og síggja myndir á picasaweb.google.com/njsc2007.
Ikki at siga at vit ikki fara at skriva meira um NJM her. Eg orki bara ikki at seta meg at skriva alt tað umaftur her, beint nú, sum allíkavæl stendur á offisiellu síðuni 🙂 Continue reading Ótrúligt vikuskifti
Eisini video
Videobrot frá í morgun verða nú løgd upp á http://www.youtube.com/njsc2007. Niðanfyri síggja vit Kára J. á Høvdanum vinna silvur í 50 rygg.
Gull og silvur til Føroyar
Kári J. á Høvdanum vann silvur í 50 rygg og var nær við at taka gullið eisini. Pál Joensen var heilar tvær longdir framman fyri nummar tvey í 1500 frí, í nýggjum føroyskum meti. Vinarliga hyggið á njm2007.com og livetiming.se, tí vit eru eitt sindur ov pressaði her til at orka at dagføra fleiri heimasíður í senn 🙂
 |
| From NJSC 1. session |
NJM 2007 startlisti – næsta útgáva
Tað hava verið rættiliga nógvar rættingar gjørdar til startlistan sum eg sendi út fyrradagin, og viðfest er tí ein nýggj útgáva, sum eg eisini havi sent luttakandi londum at rættlesa, lagt á njm2007.com og dagført LiveTiming við. Har burdi ikki verið nógv eftir at rætta, men sigið endiliga frá um tit finna okkurt.
Continue reading NJM 2007 startlisti – næsta útgáva
Amerikanska meistarastevnan verður víst ‘live’ á netinum
Sambært tíðindunum her á SwimNews ætlar amerikanska svimjisambandið at senda beinleiðis frá meistarastevnuna í stuttum hyli nú 30. november til 1. desember, á heimasíðuni SwimNetwork.com sum er gjørd serliga til endamálið. Meistarastevnan er í 25 yard hyli, men er tó so eisini úttøkukapping til HM í 25 metra hyli í Manchester í vár.
So er NJM startlistin klárur
Tað sær bara heilt gott út fyri Føroyar, nú fyribils startlistin er klárur at eftirmeta. Pál liggur til at vinna gull í 400 og 1500 frí, umframt eina bronsu í 200 frí. Kári J. á Høvdanum er seedaður til silvur í 50 rygg, og er eisini rímiliga nær teimum bestu til at kunna at vinna heiðursmerki í 100 og kanska 200 rygg. Restin liggur í lægra endanum, men møguliga kunnu tey pressa seg eitt sindur upp, nú vit eru á heimabana.
Startlistin liggur eisini á www.njm2007.com, og er annars sendur øllum limalondum at eftirmeta. Hann er tastaður inn (av mær) í einum, seigum strekki, so tað kann væl hugsast at har eru nakrar prentvillur og annað sum skal rættast komandi dagarnar.