Her eru listar yvir tey sum kláraðu at svimja yvir 500 FINA stig á Ægir stevnuni leygardagin. Í bólki 1 var tað einans Birita Debes úr FLOT sum kláraði at svimja yvir 500 stig, meðan tær hjá juniorum vóru Dagmar M. Winther úr Havn og Astrið Foldarskarð úr FLOT. Hjá seniorum var Kári J. á Høvdanum suverænt besti svimjarin, við 7 av 8 teimum hægstu stigatølunum, og einastu úrslit yvir 600 stig.
Bólkur 1
Havi nú fingið úrslitalistan frá Ægir stevnuni í gjár, og viðfesti hann tí her niðanfyri, saman við “re” og “lef” fílu til venjararnar at lesa inn í síni hagtalsforrit. Um vit síggja púra burtur frá uppbýtingina í aldursbólkar, so varð úrslitið tað at HS ‘vann’ stevnuna, við FS sum nummar tvey og FLOT sum nummar trý:
| Felag | Gull | Silvur | Bronsa |
|---|---|---|---|
| HS | 19 | 18 | 9 |
| FS | 10 | 3 | 5 |
| FLOT | 2 | 5 | 6 |
| SuSvim | 1 | 4 | 2 |
| Ægir | 5 | ||
| Reki | 1 | ||
| Tilsamans | 32 | 30 | 28 |
Meen tað er jú óreint í móti teimum sum hava sterkar svimjarar serliga í yngru bólkunum, og hinar uppteljingarnar fylgja tí her niðanfyri…
Continue reading Úrslit frá Ægir stevnuni í gjár
Sí viðfestu fílu. Uppmøtingin er bara heilt hampuliga góð frá feløgunum Ægir, Reki, FS, HS og SuSvim, tá ið hugsað verður um at hetta er fyrsta stevna. Profilar eru t.d. Pauli Mohr og Kári J. á Høvdanum úr FS, og Bjørg Seloy og Guðrun Holm Jacobsen úr HS; meðan tey størstu nøvnini úr Suðuroy hinvegin vænta, hesu ferð.
Innbjóðing til Ægir kapping 13-14 sep. bólkur 1 og eldri. (eftir nýggju skipan)
Tilmeldingar fílan verður send í næstum, um 1-2 dagar
Feløgini verða at møta við trimum hjálparfólkum.
Elin Matras verður yvirdómari
Heiðursmerkir verða ikki latin.
Seinasta at melda til er mikudagin 10-09-08 Kl. 23
Vónandi bera tit yvir við mær, at innbjóðingin kemur so seint.
Við heilsen
Ægir
Símun Akursmørk
Hey øll
Viðheft er tilmeldings fíla í sambandið vi eyka kappingar ið verða í Klaksvík komandi vikuskifti.
Talan er um 100m frí hjá monnum. Svomin verður bert ein riðil, tað vil siga teir við bestu tilmeldings tíðunum sleppa við.
Eisini verður 800m frí hjá kvinnum, har er tíðin 10.30 sett sum minsta krav.
Kappingarnar verða svomnar beint eftir innleiðandi kappingarnar leygarmorgun.
Sendið tilmeldingar til reidar [kurla] susvim.com seinast hóskvøldið.
Mínar myndir frá Ægir stevnuni kunnu síggjast her á Flickr.com.
Eg var tíverri ikki til staðar tá ið ‘old boys’ svumu, men Reidar hevur lukkutíð myndir av tí her á susvim.com.
Hendan er frá tá ið Søren enn hevði ein kjans …
Og hendan er prógv um at hann faktiskt kom á mál, hóast óndar tungur vilja vera við at tað ikki var so …
(Forrestin flott av Símuni at heppa uppá hann.)
Viðfestur er ein næstan fullfíggjaður úrslitalisti frá Ægir stevnuni í vikuskiftinum. Møguliga fullkomiliga fullfíggjaður, við tað at eg ikki veit um tað er ein feilur at masters kappingin væntar, ella um tað er fyri at spara onkran av gubbunum (les: Sørin :-). Hartil eri eg ikki 100% vísur í at úrslitalistin hjá teimum yngstru er heilt rættur enn, men vit fáa væl at síggja.
Sum kunnugt var stór svimjistevna í Klaksvík í vikuskiftinum, við svimjarum líka úr yngstu bólkum upp til ‘old boys’. Tíverri vóru onkrir trupulleikar við úrslitunum sunnudag, umframt at eg heldur ikki havi kunnað fingið fatur á úrslitalistanum frá ‘masters’ kappingini leygardag. Hendan frásøgn tekur tí fyrst og fremst saman um viðfesta úrslitalista, frá svimjingini leygardag, tá ið svimjarar í bólki 3 og eldri kappaðust.
Ægir stevna verður sum kunnugt nú í vikuskiftinum, og viðfestur her er so startlistin til kappingina. Tað sær út til at hava verið eitt vælvalt val at hava masters kapping eisini á skránni, tí har eru fleiri áhugaverd nøvn á listanum sum vit annars ikki hava sæð svomið í áravís. Nøvn sum Tóra við Keldu, Jan Gardar og Símun Akursmørk.
Johan Martin minnir annars á, at einans ein riðil verður í 800 frí, og at luttakararnir út yvir teir 6 fremstu tí ikki sleppa at svimja, uttan so at onkur av teimum 6 fremstu melda frá. Har er eisini onkur áhugaverd eyka kapping sett inn, har t.d. Pauli Ø. Mohr “ætlar at royna at gera sítt bragd í 50 m. frí betri frá kappingini í Havn herfyri”.
Hey øll somul
vinarliga
Johan Martin Poulsen
