Tag: Áland 2009

Tíðindaskriv frá Svimjisambandi Føroya

Hóast tað gekk ikki heilt eftir vild í morgun, so megnaðu okkara svimjarar at kvalifisera seg til 11 finalupláss í kvøld, í 8 kappingum av 11 møguligum, umframt at seta tvey føroysk met.

Úrslitini í morgun vóru hesi:

• 800 frí kvinnur: Mona Simonsen 9:02.66 (1)
• 400 blandað menn: Pál Joensen 4:40.43 (1)
• 200 bringa kvinnur: Katarina Lamhauge 2:45.69 (2) og Malan V. Bærendsen 2:47.09 (6)
• 100 firvald menn: Pál Joensen 1:00.51 (9) og Kári J. á Høvdanum 1:01.06 (10)
• 100 rygg kvinnur: Birita Debes 1:07.15 (3) og Bjørg Seloy 1:08.53 (4)
• 50 bringa menn: Pál Joensen 30.61 (3)
• 50 firvald kvinnur: Shaila millum Garðarnar 29.29 (1) og Guðrun Holm Jacobsen 29:48 (3)
• 200 frí menn: Pál Joensen 1:53.39 (2) og Andrass Thomsen 1:59.16 (9)
• 200 blandað kvinnur: Eingin føroyskt luttøka
• 4×50 frí menn: SSF kolldømdir vegna tjóvstart
• 4×50 blandað kvinnur: SSF 2:05.62 (2)

Continue reading Misjøvn eydna í svimjingini í morgun

Shaila millum Garðarnar og Guðrun Holm Jacobsen eru nú styrkismettar ávíkavist sum nr 1 og 3 í 50 firvald, eftir at Guðrun Holm Jacobsen fyrst setti føroyskt met við tíðini 29.41 í triðseinasta riðli, og Shaila millum Garðarnar síðani føroyskt met aftur við tíðini 29.29. Favoritturin Ebony Jacklin svam 29.45, og varð tí degraderað til eina styrkismeting sum nr 2, eftir innleiðandi.

Puha, tað gekk ikki heilt sum ætlað í morgun. Pál og Kári feilmettu mótstøðuna í 100 firvald, so at teir báðir gjørdust ávíkavist nr 9 og 10 í innleiðandi, beint uttanfyri finalupláss. Andrass fór í sína gomlu bláu TYR drakt, og reyk somuleiðis beint útum finalupláss. Og í 4×50 frí hjá monnum gjørdi Pál ein tjóvstart, sum viðførdi at staffetin varð kolldømd, hóast teir heilt vist vóru nóg skjótir til at koma í finaluna.

Continue reading Grús í maskinaríið

Tíðindaskriv frá Svimjisambandi Føroya

Føroysku svimjararnir vunnu sum kunnugt 4 av 11 møguligum gullheiðursmerkjum í gjár, umframt 3 úr silvuri og 4 úr bronsu. Tíðirnar vóru nóg góðar til at seta 5 føroysk met, 2 landsliðsmet og 3 oyggjaleikamet; og vit vita tí nú at støðið er nóg høgt, til veruliga at kunna vænta okkum enn fleiri heiðursmerki.

Kappingarnar í dag eru:

• 800 frí kvinnur: Mona Simonsen (1)
• 400 blandað menn: Pál Joensen (2)
• 200 bringa kvinnur: Malan V. Bærendsen (1) og Katarina S. Lamhauge (3)
• 100 firvald menn: Pál Joensen (2) og Kári J. á Høvdanum (5)
• 100 rygg kvinnur: Bjørg Seloy (2) og Birita Debes (4)
• 50 bringa menn: Pál Joensen (2)
• 50 firvald kvinnur: Shaila millum Garðarnar (2) og Guðrun H. Jacobsen (3)
• 200 frí menn: Pál Joensen (1) og Andrass Thomsen (5)
• 200 blandað kvinnur: Eingin føroysk luttøka
• 4×50 frí menn: SSF (eingin tilm.tíð)
• 4×50 blandað kvinnur: SSF (eingin tilm.tíð)

Av hesum eru gullvónirnar serliga góðar til 800 frí hjá Monu og 200 frí hjá Páli, við tað at teirra tilmeldingartíðir eru klárt betri enn hjá kappingarneytunum. Malan og Katarina munnu eisini fara at gera seg galdandi í 200 bringu, sum liggur betri fyri hjá teimum enn 50 bringa, har tær vórðu nr 1 og 4 í gjár. Og so hava liðsvimjingarnar eisini heilt góðan kjans at vinna gull og seta oyggjaleikamet, soleiðis sum tey svomu í gjár.

Í hinum kappingunum eru føroysku svimjararnir ikki longri aftanfyri bestu tíð, enn at teir kunnu gera seg galdandi eisini í gullstríðnum. Pál svimur sjáldan 400 blandað, og man tí fara at betra nógv um sína tíð. Bjørg er umleið eitt sekund aftanfyri gullið í 100 rygg, og betraði seg sum kunnu næstan 3 sekund í 100 firvald í gjár. Pál er tíggjundapartar aftanfyri gullið í 50 bringu, og Shaila og Guðrun somuleiðis bara eitt vet aftanfyri gullið í 50 firvald.

Innleiðandi riðlarnir byrja kl 09:30 álendska tíð í morgun, sum er kl 07:30 í Føroyum. Finalurnar byrja kl 17:00 seinnapartin, sum er kl 15:00 í Føroyum. Til ber at fylgja við úrslitunum á www.svimjing.com/live, har eitt yvirlit eisini er yvir støðuna til nú. Hartil senda Rás2 og Kringvarp Føroya væntandi frá finalunum í kvøld.

í bussinum á veg til Godby
Rókur í Jàkupsstovu
vegna Svimjisamband Føroya

.

Tíðindaskriv frá Svimjisambandi Føroya

Okkara svimjarar megnaðu í dag at vinna 4 gullheiðursmerki, 3 silvurheiðursmerki og 4 bronsuheiðursmerki, í teimum tíggju kappingargreinunum sum vit luttóku í, umframt at seta 3 oyggjaleikamet, 5 føroysk met og 2 landsliðsmet.

Continue reading Føroysku svimjararnir gjørdu bart í dag

Innmarsj og byrjan av taluni hjá fyriskiparanum Kjell Hansen. Shaila ber Merkið, Palli skeltið, Birita gevur gávur, og Poula tekur ímóti.

Ikki kann sigast annað enn at tað gekk væl hjá føroysku svimjarunum í morgun, nú allir svimjarar kvalifiseraðu seg til finalurnar seinnapartin, í øllum tí sum tey luttóku í. Onkur lá sambært tilmeldingartíðunum nær markinum til at sleppa í finalu, men nú eftir innleiðandi er eingin verri styrkismettur enn til eitt fimtapláss.

Hesar verða finalurnar í kvøld:

• 1500 frí menn: Pál Joensen (1)
• 400 blandað kvinnur: Eingin føroysk luttøka
• 200 firvald menn: Pál Joensen (2)
• 100 firvald kvinnur: Shaila millum Garðarnar (2) og Bjørg Seloy (5)
• 100 bringa menn: Pál Joensen (5)
• 50 bringa kvinnur: Malan V. Bærendsen (3) og Katarina Lamhauge (4)
• 50 rygg menn: Kári J. á Høvdanum (2)
• 200 frí kvinnur: Mona Simonsen (2)
• 200 blandað menn: Pál Joensen (2)
• 4×50 frí kvinnur: SSF (1)
• 4×50 blandað menn: SSF (2)

Tølini í klombrum er teirra styrkismeting eftir innleiðandi í morgun, undantikið í 1500 frí har teir átta bestu bíðaðu til í kvøld. Onkur føroyingur er gliðin eitt sindur niður í mun til styrkismetingina áðrenn innleiðandi kappingarnar í morgun; men til tað skal sigast, at fleiri av teimum verri enn so góvu alt sum tey áttu.

Finalurnar byrja kl 17:30 álendska tíð, sum er kl 15:30 í Føroyum. Til ber at fylgja við úrslitunum á www.svimjing.com/live, umframt at bæði Rás2 og Kringvarpið fara at senda úr høllini.

úr høllini í Godby
Rókur í Jákupsstovu
vegna Svimjisamband Føroya