Tað er øllum førum líka við, soleiðis sum føroyingarnir eru fyri, og soleiðis sum mótstøðan myndar seg. Tað er líka hasin Grant Halsall av Isle of Man, sum í morgun setti oyggjaleikamet í 50 rygg við tíðini 26.28, har Kári annars er favorittur við tilmeldingartíðini 26.11. Og kanska eisini Ian Black av Jersey, sum tók bestu tíð í bæði 100 bringu og 200 blandað, har Pál er styrkismettur ávíkavist sum nr 5 og nr 2. Men sum heild eru tíðirnar hjá okkara svimjarum lovandi, tá ið man hugsar um at teir í fleiri førum spardu seg. Og lagið er í øllum førum bara avbera gott.
Tag: Áland 2009
So er stevnan sett
Fyrsti riðlin við 1500 frí byrjar nú. Vit hava ongan føroyingar við í hesum riðli, og heldur ikki í 400 blandað eftirfylgjandi, so vit kunnu slappa av eina løtu 🙂
So byrjar svimjistevnan á Oyggjaleikum
Tíðindaskriv frá Svimjisambandi Føroya
Føroysku svimjararnir skulu í dag luttaka í 12 kappingum, harav vit hava møguleika at vinna heiðursmerki í minst 10. Innleiðandi riðlarnir byrja við setan av svimjistevnuni kl 09:30 í morgun, og finalurnar eru so aftur kl 17:30 álendska tíð.
Kappingarnar eru (við styrkismeting av føroyingunum í mun til tilmeldingartíðirnar):
- 1500 frí menn (Pál nr 1 – beinleiðis í finalu um kvøldið)
- 400 frí kvinnur (eingin føroyingur)
- 200 firvald (Pál nr 1)
- 100 firvald (Shaila nr 3, Bjørg nr 7)
- 100 bringa menn: (Pál nr 1)
- 50 bringa kvinnur (Malan nr 3, Katarina nr 4)
- 50 rygg menn (Kári nr 1)
- 200 frí kvinnur (Mona nr 6)
- 200 blandað menn (Pál nr 2)
- 4×50 frí kvinnur (ongar tilmeldingartíðir)
- 4×50 blandað menn (ongar tilmeldingartíðir)
Vit liggja sostatt til 4 gullheiðursmerki, 1 silvur og 3 bronsuheiðursmerki í finalunum seinnapartin, umframt at liðsvimjingarnar munnu fara at roynast væl eisini.
Tryggasta heiðursmerki má metast at vera Pál Joensen í 1500 frí, við tað at hansara tilmeldingartíð á 14:39.99 er meira enn 1½ minutt frammanfyri næstbestu tilmeldingartíð á 16:11.28. Liðsvimjingin hjá kvinnum burdu eisini klárað seg heilt væl, við tað at Shaila og Guðrun eru styrkismettar sum nr 1 og 2 í einstaklingakappingini í 50 frí, og liðið hjá okkum hartil eigur fleiri gentur sum kunnu svimja undir 28 sekund. Hjá monnunum er kjansurin eisini góður, við Kára í fyrstu ryggsvimjingini, og Pál og Andrass og Paula fordeilda soleiðis sum venjararnir nú einaferð finna best.
Størri kapping verður til dømis í 200 firvald, 50 bringu, 50 rygg og 200 blandað, har munurin er lítil á nr 1 og 2. Í 100 firvald er Shaila við tilmeldingartíðini 1:06.47 eitt petti aftanfyri nr 1 og 2 við 1:03.95 og 1:04.59, og í hinum kappingum eru føroyingarnir meira at meta sum outside’arar til heiðursmerki.
Feskar myndir verða tøkar um eina løtu… má fara á tekniskan fund nú !
Áland 29. juni kl 06:00 føroyska tíð
Rókur í Jákupsstovu
vegna Svimjisamband Føroya
Tað er ikki fyri einki at tað eitur ‘deyðsiglari’
Finskur meistari í fýrverki
Men mær dámdi betur pláturnar 🙂
Palli, Palli, telefonin ringir Palli !
Klár til innmarsj
Welcome to the haunted Hotel Godby
Situr ikki líka væl sum “Welcome to the hotel California”, men næstan 🙂
Gev gætur: Tíðarætlanin broytt eitt vet
Álendingar hava flutt finalurnar í svimjing ein hálvan tíma fram, týsdag til hósdag, so at innleiðandi nú byrjar kl 09:30 hvønn dag, hesar dagar, og finalurnar kl 17:00. Mánadag byrja innleiðandi kappingarnar umleið kl 10:00, og finalurnar kl 17:30, av tí at ein hálvur tími verður brúktur til innmarsj og setan av svimjistevnuni, mánamorgun.
Stilhed før stormen
Dagurin í dag byrjaði við tekniskum fundi kl 09:00, samstundis sum svimjararnir fóru at venja. Ein fínur fundur, haldi eg, uttan tað stóra hóvastákið. Og so fóru vit leiðarar og onnur umboð fyri Svimjisambandið ein rundtúr í skergarðinum her, sum álendingar bjóðaðu, meðan svimjararnir hvíldu seg og vandu aftur.
