Tag: Áland 2009

Teldupostur frá ÍSF:

Sum liður í fyrireikingunum til oyggjaleikirnar í Ålandi í summar, 27. juni til 4 juli, ynskir ÍSF at bjóða øllum teimum, ið mynda ferðalagið til leikirnar til evniskvøld um venjing, kost og doping.

Tað verða Magni Mohr, Sølvi Winter Olsen og Jóhanna á Tjaldrafløtti, sum fara at hava innlegg uppá 20 min. hvør, og aftaná verður møguleiki at seta spurningar.

ÍSF vónar, at ítróttafólk og ikki minst tey, ið varða av hesum, møta fjølment til fundin, sum verður í Norðurlandahúsinum hóskvøldið 14. mai kl. 19.00 til 21.00.

Okkurt leskiligt verður til fundin.

Vinarliga

Ninna Reinert Ørvarodd
Ítróttasamband Føroya

Continue reading ÍSF bjóðar til fund um Oyggjaleikir 2009

Til kunningar, so hevur IF Åland keypt sær pláss her á livetiming.se, til Natwest Island Games XIII, og vit fara tí alt annað líka at kunna fylgja við úrslitunum ‘live’ har á heimasíðuni, umframt at eg fari at seta live-partin inn á www.svimjing.com/live. Har liggja longu nakrir startlistar, sum tó vónandi eru bara fyribils, við tað at eingin føroyingur er upplistaður á teimum 🙂

Tað er eftirhondini púra greitt, at vit føroyingar fara at gera eitt ordans hál í svimjikappingunum á Álandi, um ikki støðið hjá hinum eisini er vaksið óvanliga nógv. Tí støðan er altso, at vit liggja til 12 gullheiðursmerki, 10 silvur og 8 bronsu, um samanborðið verður við heiðursmerkjatíðirnar á Rhodos. Harav vit tíverri mest sannlíkt bara kunnu vinna 11 av teimum 12 gullheiðursmerkjunum, av tí at bæði Shaila og Guðrun liggja til gull í 50 frí 🙂

Continue reading 30 heiðursmerki á Álandi?

Nú byrjar klapp-jaktin av álvara, um hvør sum sleppur við til Oyggjaleikir á Álandi. Hvørt land kann sum kunnugt bara luttaka við tveimum svimjarum í hvørjari grein, og Svimjisamband Føroya hevur hartil sett sína egnu kravtíð, at vera triðbesta tíð í finalunum á Rhodos í 2007. Sum so aftur merkir, at kravtíðin til Áland vildi hava givið bronsuheiðursmerki á Rhodos, uttan í førinum við 50 firvald hjá monnum, har tveir fingu silvur (har er kravtíðin tí tíðin hjá honum sum varð nr. 4, við tað at eingin varð nr. 3).
Continue reading Oyggjaleikakandidatar 2009

Hetta veit Isle of Man Today at siga av heimasíðuni hjá Åland Island Games 2009. Tilsamans 3211 íðkarar, liðleiðarar og dómarar eru nú skrásettir at fara at luttaka á leikunum, harav Jersey hevur størsta hópin við 251 luttakarum, Åland næstflest við 247, og Isle of Man triðflest við 230. Síðani kemur Guernsey við 218 og Menorca við 191, og so endiliga Føroyar sum nummar 6 við tilsamans 171 luttakarum.

Kravtíðin til Oyggjaleikir á Álandi varð sum kunnugt í fjør avgjørd at vera triðbesta tíð frá Oyggjaleikum á Rhodos. Men við tað at Oyggjaleikir eru í 25 metra hyli, og svimjarar sum kunnugt ikki svimja líka skjótt í 50 metra hyli sum í 25 metra hyli, vegna færri vendingar, so hevur ynski verið um at fáa onkra umrokning av kravtíðini til 50 metra hyl.
Continue reading Nú ber eisini til at kvalifisera seg í 50 metra hyli til Oyggjaleikir