Tag: Barcelona 2013

Komin nokk so væl uppá pláss her í Barcelona

Nú seinnapartin kom eisini Pál fram til hotellið her í Barcelona, soleiðis at føroyska liðið er fullmannað her á Confortel. Kristian Martin og eg fóru ein túr við taxa inn á Montjuic eftir akkreditatiónum, har Jon Hestoy bíðaði við teimum ymisku pappírunum sum krevjast, og vit so høvdu passini við hjá okkum 6. Hestoy skaffaði okkum tríggjar nøkur lokal simkort eisini, soleiðis at vit betri fáa samskift uttan at tað skal kosta ein bóndagarð.

106

Tey fýra úr Canet høvdu ætlað sær ein túr at royna svimjihøllina í kvøld, men valdi tað frá aftur, tá ið tað vísti seg at vit ikki sleppa har enn, men heldur skula í onkran annan hyl einar 40 minuttir vekk. So vit eru bara øll her á hotellinum, Kristian Martin er farin at kanna hvussu nógv nytta er í svimjihylinum her ovast uppi á hotellinum, meðan restin av okkum tekur sær av løttum.

Telefon-nummør hjá SSF her í Barcelona:

Kristian Martin: (0034) 685 054 150
Jon Hestoy: (0034) 685 054 067
Rókur: (0034) 665 096 360

Barcelona 2013 fyrsta ‘sosiala’ HM, LIVE á netinum

FinaHM í Barcelona 2013 er nú byrjað við synkronsvimjing, opið vatn svimjing og lop av vippu, og vit síggja at tey koyra á við tí sum tey lovaðu, at hendan heimsmeistarastevna skuldi verða tað fyrsta veruliga ‘sosiala’ í søguni. FINA lovar eisini LIVE bloggu og dagligar samandráttir á FinaTV til einar 100 smærri svimjitjóðir. Listin umfatar ikki Føroyar, men eg síggi tað so her á Toftum.

Besides the Twitter account, #bcn2013, and the official Facebook page and Youtube channel, event organizers will provide specific twitter accounts for each aquatic sport, including swimming, synchronized swimming, diving, water polo, high diving and open water swimming

Oussama Mellouli vann 5K ‘opið vatn’ svimjing fyri menn


Continue reading Barcelona 2013 fyrsta ‘sosiala’ HM, LIVE á netinum

Dagaskil – Quel jour est-il

minigolf eftir regniBartal Hestoy bloggar á venjingarlegu í Canet

Eitt tekin uppá eina góða venjingarlegu, haldi eg sjálvur, er tá man ikki hevur dagaskil. Veruleikin, at tað onga ávirkan hevur hvør dagur tað er, er ein serstøk kensla. Man kann tá savna seg um tað sum hevur týdning, tað venjingina og kappingina sum liggur beint fyri framman.

liðmynd canet
Continue reading Dagaskil – Quel jour est-il

Pál millum favorittarnar til 800 og 1500 frí á HM í Barcelona

Svimjiserfrøðingurin John Lohn skrivar her á SwimVortex um 800 og 1500 metra frísvimjing fyri menn á HM í Barcelona, at Sun Yang er greiður favorittur til gullið í báðum greinum, meðan Ryan Cochrane, Connor Jaeger, Gergo Kis, Gregorio Patrinieri og Pál Joensen fara at kappast um hini heiðursmerkini í 800 frí, og Ryan Cochrane, Connor Jaeger, Oussama Mellouli, Gergo Kis, Pál Joensen og Jordan Harrision um gullið í 1500 frí.

Sun Yang and Pál Joensen before the Shanghai 2011 men's 800 freestyle

(Sun Yang og Pál á HM í Shanghai 2011)

Hetta er rættiliga merkisvert fyri okkum, ikki bara tí at ‘tað vanliga’, at Pál kemur úr einum pinkalítlum oyggjasamfelag og alt hatta har, men eisini tí at Pál í veruleikanum ikki hevur svomið nakra serliga sterka tíð í hesum greinum á langgeil, hetta seinasta árið. Stuttskygdi journalisturin vildi hugt niður eftir startlistanum og sagt at Pál er uttanfyri heiðursmerkjavón, meðan teir garvaðu sum Lohn hugsa, at um tú einaferð hevur prógvað teg í eini grein sum 1500, so mást tú ikki avskrivast.
Continue reading Pál millum favorittarnar til 800 og 1500 frí á HM í Barcelona

Súkklur – vélos

kmj_kaffitysturBartal Hestoy bloggar á venjingarlegu í Canet

Fyri at stytta um túrin yvir til svimjihøllina, hava vit leigað okkum súkklur. Tað framúr at súkkla her í Canét. Har er súkklubreyt allan vegin til hylin, og túrurin tekur einans einar 3 minuttir nú. Skjótt er eisini at súkkla oman til promenaduna, um ein er kaffitystur.

sukklur rygg
Continue reading Súkklur – vélos

Gótt lív, très bien – Canet 3

Bartal Hestoy bloggar á venjingarlegu í Canet

Lívið á venjingarlegu í Frankarríki er gott. Hotellið er fínasta slag, kømrini hava tað einum svimjara tørvar, song, wifi og eitt stað at heingja svimjiklæðini at turka. Maturin er góður, men sera lokalur, man venur seg spakuliga við hann. Tíbetur er har eisini ‘svimjara matur’ at fáa, so sum pasta og høsnarungi. Eg trúgvi tað hevði verið trupult at fingið nakrar av svimjarunum mettar av øðu, høggislokki og couscous. 😉

Untitled

​Venjingarnar ganga gott, og umstøðurnar eru sum áður nevnt, framúr. Viðvíkjandi veðrinum, so hevur tað verið ógvuliga heitt, burtursæð frá kvøldvenjingini í kvøld, týskvøld, har tað bleiv stormur og fólk vórðu rópt upp. Tíbetur var tað ein 25 metur innandura hylur, ið vit kundi svimja programmið liðugt.

Bonne Nuit

Untitled

Bartal Hestoy bloggar: Dagur 1 í Canet

Lítil “update” frá okkum her í Canet. Sunnudagur 14. juli 2013.

Eftir góðar 24 tímar seinkan komu vit endiliga fram til Canet en Roussillon. Eftir ein flogtúr úr Føroyum eftir midnátt, komu vit fram til Keypmannahavnar út á morgni. Vit fingu nakrar tímar á Hilton, og flugu víðari til Barcelona um 17-tíðina. Í Barcelona bíðaði ein bilur eftir okkum, ið koyrdi okkum teir gott 2 tímarnar til Frankaríkis.

Continue reading Bartal Hestoy bloggar: Dagur 1 í Canet

HM-liðið veðurfast

Hestoy skrivar her á ssf.fo:

Eftir ætlan skulid HM-liðið, undantikið Pál, verið farið úr Føroyum fríggjamorgunin 12. juli, ávegs til venjingarlegu í Canet en Roussillon. Hetta er sama staðið, ið EJM-liðið var á venjingarlegu innan EJM.

Sum kunnugt liggur øll flogferðslan lamin, men vónandi kemur gongd á seinnapartin, soleiðis at vit kunna fáa liðið fram leygardagin 13. juni. Allir luttakararnir fáa beinleiðis kunning um støðuna.

Liðið, ið fer til Canet er Kristian Martin Joensen, venjari og ferðaleiðari. Svimjararnir eru úr Ægir: Birita Debes og úr HS: Poula Ø. Mohr og Bartal H. Hestoy. Í Canet venur liðið saman við íslenska landsliðnum undir leiðslu av Jacky J Pellerin. Liðið fer til Barcelona tann 24. juli.