Ja hatta var so tað, fyrsta føroyska heiðursmerkja á EJM nakrantíð, og tá enntá eitt úr gulli. Pál Joensen, evropameistari í 400 frí við 3:51.44. Sjálvsagt føroyskt met, og føroyskt met eisini í 200 frí, eftir at hava svomið fyrstu 200 í hasum 400 við tíðini 1:53.20. Undir vinnaratíðina hjá Izotov frá HM í Mexico í juli, og harvið ovast á styrkismetingarlistanum hjá alheims juniorum, í 400, 800 og 1500 frí. Sensatiónin er her, og tvær kappingar eru eftir. Tvær har hann er betur. Continue reading Eitt ótrúligt kvøld
Tag: Beograd 2008
Sikken eitt kaos
Ella lat meg heldur byrja við at siga, at her eru av bestu umstøðum til skjóta svimjing. Góður hylur, sólskin, skjótt vatn og góður stemningur. Og tveir kúllar í stórform. Men fyriskipanin er farin heilt í kluddermudder, vist nokk tí at ‘tað er so tey gera her í Serbia’.
Komnir til Beograd
Kuffertið hjá mær kom tó ikki longur enn til onkunstaðni millum Vágar og Kastrup, so nú er at ansa eftir ikki at sveitta niður í hosurnar. Vit báðir Jón Brian flugu úr Keypmannahavn til Beograd saman við familju og kenningum hjá Pál, og vitjaðu so teir fýra á Hotel Continental, á veg inn til okkara egna hotel. Øll eru við gott mót.
Danir bjóða fysioterapi í Beograd
Jón skrivar á www.susvim.com: Annars er tað nok so stuttligt at vera føroyingur her til EJM nú okur hava svimjarar við sum veruliga gera um seg. Danir komu til mín í dag og bjóðau okkum at sita saman við teimun, tað er ikki komi fyri fyrr. Um tað er tí at teir síggja møguleikar fyri at fáa Kára og Pál á danska landsliðið í framtíðni, ella um tað er tí at okur halda til saman við svium, ella tí at danir bara elska Føroyar, skal eg ikki sita her og siga, men teir hava bjóða okkum gratis fysioterapeut og annað gott. Jú jú kongaríki letur hoyra frá sær, og tað er bara gott. Continue reading Danir bjóða fysioterapi í Beograd
EJM skráin broytt: Nú byrja finalurnar kl 16 føroyska tíð
Sum tit kunnu lesa á forsíðuni av www.belgrade2008.org beint nú, so er orsøkin at serbiska sjónvarpið fer at senda beinleiðis frá stevnuni. Finalurnar eru tí fluttar frá at byrja kl 17:30 til at byrja kl 17:00 lokala tíð, sum er ein tíma framman fyri føroyska tíð. Finalunar eru harvið framskundaðar ein hálvan tíma, til at byrja kl 16:00 føroyska tíð. Eg broyti nú skránna hjá mær her, til at passa við nýggju tímatalvuna hjá serbum.
Harvið verður tað møguliga møguligt at síggja finalurnar á internetinum!! Havi sporað meg fram til at talan er um RTS 2, har tey nú í skránni skriva “Plivanje – EP juniori, finale, prenos” frá kl 17 til 19 (lokala tíð), frá mikudegi 30. juli til (fyribils) 1. august. RTS 2 eigur at kunna síggjast á internetinum, sambært síðum sum hesa og hesa, men eg havi tíverri ikki fingið tað at rigga enn. RTS hevur sjálvt live streaming frá sínari fylgisveinarás her, ið riggar, men har skráin ikki enn er skrivað fyri hesar viðkomandi dagar. Her og her hoyrist RTS 2 beint nú (mánamorgun), men eg síggi einki. Continue reading EJM skráin broytt: Nú byrja finalurnar kl 16 føroyska tíð
Video frá EJM
Um tað eydnast mær at finna tíð til at taka uppá video eisini, so verða tær at síggja á svimjing.blip.tv. Her niðanfyri sæst nýggjasta video sum eg havi lagt á hesa konto, og til ber so at finna aðrar við at trýsta á hasa bókina niðri í høgra horni.
Myndir frá EJM
Niðanfyri her sæst ‘slideshow’ av tí myndasavni á Flickr, sum eg ætli at brúka til myndir frá EJM. Har er sjálvsagt ikki nógv at síggja enn, men tær leggjast so afturat, so hvørt sum eg taki myndir og fái lagt upp á internetið. Gev gætur at loyvi má fáast frá mær (og møguliga øðrum við), áðrenn myndirnar kunnu brúkast aðra staðni.
Nakrar áhugaverdar tíðir ísv EJM
Við tað at enn einki er frætt um ‘live timing’ ella líknandi úr Beograd, so listi eg her upp nakrar áhugaverdar splitt-tíðir, til tykkum at samanbera við, tá ið vit útvarpa úr Beograd. Talan er um føroysku metini, norðurlendsku seniormetini og stevnumetini á EJM, umframt at donsku juniormetini stutt verða nevnd eisini.
Eg vildi gjarna havt norðurlendsku og evropeisku juniormetini við eisini, men veit tilfeldigvís beinleiðis frá aðalskrivaranum hjá norðurlendska svimjisambandinum, at ein sovorðin ikki finst fyri Norðurlond, av tí at londini ikki brúka somu aldursbýtingar til sínar upplistingar (og tað tí er eitt hoyggj at seta saman ein sovorðnan lista). Giti at støðan er tann sama viðvíkjandi Evropa.
50 rygg
| Kári J. á Høvdanum Antwerp ’07 Føroyskt met |
Pontus Renholm (SWE) Austin ’08 Norðurlendskt |
Liam Tancock (GBR) Glasgow ’03 EJM met |
|
| 50 | 28.46 | 25.57 | 25.60 |
| Kelda | swimrankings.net | swimrankings.net | swimrankings.net |
Danska juniormetið hjá Mathias Gydesen er 26.44, frá EJM í Mallorca 2006. Seniormetið hjá honum frá 2007 er 26.09 Continue reading Nakrar áhugaverdar tíðir ísv EJM
Rás2, Sosialurin, Portalurin og svimjing.com til EJM í Beograd
Sum tit kunnu lesa í júst útkomna fríggjadags-Sosialinum, so vera Rás2, Sosialurin og Portalurin til staðar á kantinum í Beograd, nú Kári og Pál fara at kappast fyri Føroyar. Og svimjing.com eisini, við tað at undirritaði sleppur við sum viðmerkjari og tøkningur, sum liður í samstarvi millum Svimjisamband Føroya og Miðlahúsið. Continue reading Rás2, Sosialurin, Portalurin og svimjing.com til EJM í Beograd
Fyribils startlisti til EJM 2008
Ein fyribils startlisti er nú at síggja her á swimrankings.net, sum tó ikki er fullfíggjaður enn. Hann umfatar nevniliga bara tey sum hava meldað til við skipanini á swimrankings.net, og tað hava til dømis føroyingarnir ikki gjørt. Tí eru Pál og Kári ikki á listanum, og sikkurt onnur við. Men hann gevur eina hóming av kappingini sum Pál og Kári eru uppi ímóti.
Her eru bestu tilmeldingar í teimum greinum sum Pál og Kári luttaka í. Eg listi líka bestu tíðir upp hjá Pál og Kára, so at vit betur síggja hvussu okkara støði er í mun til teirra; men gevið gætur at tíðirnar hjá Kára eru rættiliga gamlar eftirhondini (frá EJM í Antwerpen, síðsta summar), og at Kári hevur betrað seg nógv á stuttum hyli síðani tá. Allar føroysku tilmeldingartíðirnar eru føroysk met:
50 rygg – Kári J. á Høvdanum (FAR) 28.46
- Adam Maczewski (POL) 26.08
- Artem Dubovskoy (RUS) 26.17
- Stefanu Mauro Pizzamiglio (ITA) 26.33