Tag: Beograd 2011

Magnus Jákupsson setti í morgun nýtt føroyskt met í 200 metra ryggsvimjing, við 2:08.88 á EJM í Beograd. Tað rakk til eitt 26. pláss av 33 luttakandi, fremsti norðurlendingur við íslendska Kolbeinn Hrafnkelsson á 2:09.07, svenska Martin Nilsson á 2:12.68, og danska Andreas Schiellerup frámeldaðum. Sí úrslit her.

Continue reading Magnus 2:08.88 og føroyskt met í 200 rygg

Íslendska Eygló Ósk Gustafsdóttir megnaði at vinna silvurheiðursmerki á EJM í Beograd, við 2:14.95 aftanfyri italsku Federica Meloni á 2:14.88, og frammanfyri bretsku Phobe Lenderyou á 2:15.53. Minni enn ein tíggjundapart frá gullinum :-S Sí úrslitalista her.

Danska Mie Ø. Nielsen megnaði í kvøld at vinna silvurheiðursmerki á EJM í Beograd, við 56.01 aftanfyri fronsku Charlotte Bonnet á 55.25 og frammanfyri bretsku Jessica Lloyd á 56.19. Tíðin er danskt juniormet, betring av tí á 56.18 sum hon setti í innleiðandi riðlunum í gjár.

Ungi leirvíkingurin Heðin L. Olsen megnaði í morgun at seta nýtt føroyskt juniormet í 100 metra frísvimjing, tá ið hann á EJM í Serbia svam 53.98, har juniormetið hjá Paula Ø. Mohr frá EJM 2009 var 54.85. Heðin var skjótastur av teimum 6 sum svumu í fyrsta riðli, og endaði sum nr 55 av 61 luttakandi í Beograd. Pál Joensen eigur føroyska metið á 53.55, frá donsku meistarastevnuni í 2009. Sí úrslit her.

Cecilia W. Eysturdal svam eisini í morgun, men líður allarhelst enn av forkølilsi, síðani hon í Beograd svam 4:43.20 í mun til tilmeldingartíð 4:40.09 frá Mare Nostrum í Barcelona í vár. Hon endaði sum nummar 31 og aftast, við donsku Line Bruun Jørgensen næstaftast á 4:41.50. Sí úrslit her.
Continue reading Heðin 53.98 og føroyskt juniormet í 100 frí

Ja, tað gongur skjótt um bara netið er rímiligt. Hetta er so Hanna í Horni sum filmar og uploadar við síni iPhone 4, í heilt góðari góðsku hóast videofílan bara fyllir 3.62 MB. 1-2 ár afturat, so er slettis ikki neyðugt við pro-fólki longur 🙂

Magnus Jákupsson megnaði fyri løtu síðani at seta nýtt føroyskt met og juniormet á EJM í Beograd, við tíðini 24.96 har metið hjá honum frá í morgun var 25.00. Talan var um eina sum heild tætta finalu, har 24.78 hevði rokkið til finalupláss, 24.71 til eitt fimtapláss og 24.69 til eitt triðjapláss. Magnus varð nummar 13, aftanfyri danska Søren Dahl sum varð nummar 9 við 24.80, men frammanfyri svenska Jesper Jönsson sum varð nummar 16 við 25.02. Sí úrslitalista her.

Ljóð og mynd og alt, og góð løta síðani at speakarin har segði at bara 5 minuttir vóru eftir av upphitingini. Sí www.belgrade2011.rs.

Tað er tíverri ein ordiliga keðilig kombinatión, at vera langteinari og forkølað í senn. Cecilia W. Eysturdal svam tí ‘bara’ 9:44.18 í innleiðandi 800 frí í morgun, í mun til sítt føroyska juniormet á 9:30.24 frá donsku meistarastevnuni fyri ung í fjør. Hon endaði tí aftast av teimum 5 sum svumu í veikara riðlinum í morgun, har 8 skjótari so svimja í finaluni í kvøld. Vónandi er heilsan betri í morgin. Sí úrslitalista her.

Tíðindaskriv frá Svimjisambandi Føroya

BREAKING NEWS: FØROYINGUR Í SEMIFINALU TIL EJM

Føroysku juniorsvimjararnir komu í øllum góðum fram til Beograd í Serbia sunnukvøldið, eftir at hava vant nakrar dagar í langhylið í Aldershot, Onglandi. Á liðnum eru svimjararnir: Birita Debes, Cecilia W. Eysturdal, Magnus Jákupsson og Heðin L. Olsen. Ferðaleiðari er Hanna í Horni og venjari er Petur Heðin á Fløtti.

Tvey føroysk met og semifinalupláss til Magnus

Í morgun 6. juli varð so lagt til brots í minningarríka Tašmajdan svimjihylinum. Ikki kann sigast annað, enn at úrslitini gjørdist framúrskarandi frá fyrsta startskotið, í 50 m firvaldasvimjing svam Magnus 25.00, nýtt føroyskt met og eitt 12. pláss, ið merkir, at hann er í semifinaluni í kvøld. Einasti norðurlendingur, ið fekk betri tíð enn Magnus var danin Søren Dahl ið er árgang 1993 við tíðini 24.84. Magnus er í yngsta árganginum meðan Søren er í tí elsta árganginum. Eisini í 100 metra ryggsvimjing megnaði Magnus Jákupsson at seta føroyskt met og juniormet, við 58.51 har metini hjá honum frá Small States stevnuni í 2010 vóru 1:00.19. Ein flott betring av bestu tíð, sum rakk til eitt 28. pláss millum teir 44 luttakandi á EJM í Beograd
Continue reading Framúrskarandi byrjan fyri føroysku juniorsvimjararnar í Beograd

Tað gongur skjótt her, um bara internet er tøkt. Ferðaleiðarin Hanna í Horni tók hesa video av teimum 50 metrunum innleiðandi firvald hjá Magnusi og Heðini á EJM 2011 í Beograd, har Magnus setti føroyskt met við 25.00, og kvalifiseraði seg til semifinalu seinnapartin.