EM í Budapest var sum kunnugt eitt fýrverkari av ‘bestu tíðum í heiminum í ár’, har tíðirnar í heilum komu niður ímóti heimsmetunum í superdrakt. Ein áhugaverd viðmerking kom frá eysturríkska Markus Rogan, at øll ræðast at verða kalla “Mr. Suit”, og tí venja sum svøk. Fólk vænta nú veruliga heimsmet aftur, og væntaðu eisini okkurt á EM, sum tó tíverri gjørdist bara beint við.
Continue reading Nobody wants to be Mr Suit
Tag: budapest 2010
Bye bye Budapest
So gekk leiðin endiliga heim aftur, eftir eina frálíka viku í Budapest. Ógvuliga hóskandi koyrdu vit á flogvøllin við ‘babbasa autotól’, klokkan heilt ógvuliga tíðliga í morgun, bæði føroyska og ungarska tíð.
Forza Cate !
Italska Caterina Giacchetti átti heilt greitt ídnastu fjepparar á EM í Budapest, sum her á videoini vóru møtt upp til innleiðandi riðlarnar í 200 firvald. Hon kláraði at koma víðari til semifinalu og finalu, har hon í finaluni gjørdist nummar 7 av 8. Tey eru øll í T-shirt við áskriftini “Forza Cate”, og áttu bæði skeltini aftanfyri, ein stóran bannara at rulla út, og ein veruligan stóran bannara at rulla út.
Eru tað pengarnir sum skapa Pál Joensen?
Nú øll eru á gosi um søguliga avrikið í Budapest, so eru tað eisini tey sum eru skjót at taka sær part í heiðurinum, ella at seta spurnartekin við um ikki onnur høvdu kunnið rokkið tað sama, um pengarnir vóru farin til tey og teirra áhugamál, heldur enn til Pál. Til tað havi eg bara tað at siga, at fyrra søguliga avrikið í Beograd varð gjørt so gott sum útilokandi við fígging frá Páli og hansara familju, frá Jón Bjarnasyni og frá Suðuroyar Svimjifelag. Svimjisambandið betaldi sjálvsagt fyri sjálvan túrin til Beograd tá, men restin var eginfígging. Um onkur noyddi meg at skula taka éin faktor burtur frá verkætlanini runt Pál – Pál, Jón ella pengarnar frá landinum – so hevði tað uttan at blunkað verið pengarnir!
Continue reading Eru tað pengarnir sum skapa Pál Joensen?
Nú skal Pál í fjøllini at ganga
Jón Bjarnason fortaldi mær í gjár, tá ið eg skrivaði tíðindaskriv um teir 800, at Pál í fyrstuni fer at venja éina ferð um dagin í hylinum, tá ið hann kemur heim av feriu, umframt einaferð á landi. Og har er landvenjingin serliga gongutúrar í fjøllunum, til at styrkja beinini.
Video: Pauli 50 frí á EM í Budapest
Pauli Ø. Mohr svimur her 50 frí á evropameistarastevnuni í Budapest. Tíðin 24.68 er klárt besta tíð hjá honum í svimjibuksum, og tangering av bestu tíð hjá honum frá tíðini við superdraktum.
Mark Foster: “[Pál] is my story of the championships”
Bretin Mark Foster væntaði at Rouault fór at vinna, men vónaði, at Pál fór at fáa eina medalju.
Soleiðis søgdu tey á Eurosport undan 800 frí finaluni…
Continue reading Mark Foster: “[Pál] is my story of the championships”
Imponerandi videoir frá Arena
Har koyra nakrar ordiliga stuttligar lýsingar á stórskíggjunum beint áðrenn kappingina í Budapest, har man millum annað sær tveir lívbjargarar bjarga einum strandaðum og tí hálvdeyðum firvaldasvimjara út í aftur havið. Finni tær ikki á netinum enn, men her er so ein onnur:
Lotte vann bæði 800 og 1500 frí
Danska Lotte Friis vann beint nú finaluna í 1500 metra frí, á evropameistarastevnuni í Budapest. Hon vann eisini 800 metrar frí, fyrradagin, og er sostatt tvífaldur evropameistari í langteinasvimjing, hóast hon áðrenn stevnuna kallaði skránna fyri eitt “lorteprogram“. Trupulleikin við skránni á EM í Budapest er nevniliga, at bæði menn og kvinnur skuldu svimja 800 og 1500 metra frí innleiðandi og finalur uppá bara fýra dagar, heldur enn at spjaða tað út yvir teir sjey dagarnar sum hóast alt eru til kappingar her á EM. Tíðin hjá Lotte var besta tíð í heiminum í ár, sum aftur prógvar høga støðið í evropeiskari og norðurlendskari langteinasvimjing.
[Heiðursmerkjavinnararnir í 800 frí, fyrradagin. Image courtesy of Deepbluemedia.eu/G.Scala]
Continue reading Lotte vann bæði 800 og 1500 frí
100 prosent succés í Budapest
Tíðindaskriv frá Svimjisambandi Føroya
Pauli Ø. Mohr megnaði aftur í dag at svimja upp til sína bestu tíð, hesu ferð í 50 metra frí, og hevur sostatt saman við Páli betrað seg í øllum sum føroyingar yvirhøvur svomu í Budapest. Hetta er einastandandi úrslit, tá ið hugsað verður um at superdraktirnar nú eru burtur, og at flestu av hinum londunum tí hava stórar trupulleikar við at liva upp til gomul úrslit.
