Tíðindaskriv frá Svimjisambandi Føroya
Pauli Øssursson Mohr svam í morgun 50 metra firvaldasvimjing á evropeisku meistarastevnuni á langgeil, sum er í Budapest í hesum døgum. Tíðin hjá honum varð 27.02 sekund, ið er flott persónligt met í mun til hansara nú fyrrverandi á 28.21 frá Small States stevnuni í Hafnarfirði í juni mánaða. Ein tíð sum boðar frá góðum, nú hann leygardagin skal svimja sína veruliga sergrein, 50 metra frí.
Continue reading So er EM í Budapest byrjað
Tíðindaskriv frá Svimjisambandi Føroya
Nú mánamorgun 9. august byrjar evropameistarastevnan í svimjing á langgeil, sum í ár er í Budapest í Ungarn. Fyri Føroyar luttaka Pauli Ø. Mohr og Pál Joensen, á hesi fyrstu veruliga stóru altjóða svimjistevnu eftir at superdraktirnar eru burtur.
Continue reading Føroyingar á evropameistarastevnu í Budapest
Rókur tekur myndir í Budapest við einum fototóli, ið goymir GPS-koordinatar. Tað merkir, at vit kunna síggja, hvar myndirnar eru tiknar.
Bara ein stutt heilsan her úr Budapest, nú vit øll eru komin upp á pláss. Teir báðir Pál og Pauli hava verið og vant bæði í gjár og í dag, og tað sær út til at alt koyrir so nøkulunda. Ungarar eru ikki so raskir at kunna um alt tað ymiska, men tykjast hinvegin at koyra rættiliga rutinerað upp á ‘autopilot’.
Pál og Pauli eru sum kunnugt í Canet á venjingarlegu upp undir EM í Budapest, har hendan myndin varð tikin. Jon Hestoy er longu í Balaton nær Budapest, har hann í gjár sum altjóða dómari í “open water” svimjing sá Thomas Lurz vinna gull á 10 km teininum. Í morgin fara Pál, Pauli, Thurid og Jón til Budapest via Prag, og í ovurmorgin fari eg so sjálvur eisini til Budapest via Keypmannahavn.
[Íslendska og føroyska liðið í Canet. Frá vinstru Jacky Pellerin, Jakob Jóhann Sveinsson, Pauli Ø. Mohr, Pál Joensen, Jón Bjarnason og Thurid Kjærbo]
Pauli Øssurson Mohr og Thurid Kjærbo fóru í morgun avstað til Canet en Roussillon í Suðurfraklandi, at venja upp undir evropameistarastevnuni í Budapest. Pál Joensen og Jón Bjarnason eru longu har suðuri, og tað gongur bara væl, frætta vit. Av løgnum upplivilsum fingu teir eina flogmús at búgva hjá sær í nakrar dagar, sum tó gott nokk skjótt valdi at heldur doyggja.
Danir endaðu sum kunnugt í teirri støðu í gjár, at væl færri svimjarar enn ætlað høvdu klárað kravtíðirnar til EM í Budapest. Trupulleikin var at meta um hvussu nógv verri tíðirnar fóru at vera, nú ‘superdraktirnar’ eru burtur, og tað endaði eisini við at einans 5 kvinnur og 2 menn høvdu kvalifiserað seg, í mun til tey 15 sum ætlaðu á liðið. Nú hava tey so tikið eyka svimjarar út, so at liðið tilsamans telur 20 svimjarar, og harav 9 hava fingið serligar treytir at klára eyka kravtíðir í framtíðini, og/ella at geva upp venjingardagbøkur og annað. Lesið her á svoem.dk
Continue reading Danir úttikið 20 svimjarar til EM í Budapest
Budapest vann kappingina við Rom og Moskva, um at sleppa at fyriskipa evropeisku meistarastevnuna á langbana í 2010. EM var eisini í Budapest í 2010, og eftir øllum at døma gekk tað tá so mikið væl, at tey nú longu fáa stevnuna aftur í 2010. Les mti.hu
