Brot úr ítróttarsendingini “3-2” hjá Kringvarpi Føroya hin 3. november 2014, um úttøku til heimsmeistarastevnuni á stuttgeil 2014. Prátað verður við Rók í Jákupsstovu, formann í SSF, við Ceciliu Wigant Eysturdal úr Ægir og Óla Mortensen úr Havnar Svimjifelag. Sí alla sendingina her á kvf.fo
Tag: Cecilia Eysturdal
Cecilia silvur á NM í Open Water
Cecilia Eysturdal úr Ægir vann í dag silvur á Norðurlendsku Meistarastevnuni í Open Water svimjing, sum er í Vesijärvi vatninum nær Kangasala í Finnlandi. Hetta á 10 kilometra teininum sum hon gjøgnumførdi uppá 2 tímar, 21 minuttir og 59 sekund.
(Heiðursmerkjapallurin í Kangasala. Mads Claussen eigur myndina)
Continue reading Cecilia silvur á NM í Open Water
Cecilia til NM 2014 í Open Water
Komandi vikuskifti fer Cecilia Eysturdal úr Ægir at luttaka á Norðurlendsku Meistarastevnuni í svimjing, sum finska svimjisambandið skipar fyri á Vesijärvi vatninum nær Kangasala norðanfyri Helsinki.
Cecilia 17:51.83 og føroyskt met í 1500 frí
Cecilia Eysturdal setti fyri løtu síðani nýtt føroyskt met í 1500 metra frísvimjing á langgeil, tá ið hon á Danish Open 2014 stevnuni í Bellahøj svam teinin uppá 17:51.83. Mona Simonsen átti tað nú fyrrverandi metið á 17:57.61, frá DM í 2009. Samanlagt bleiv Cecilia nr 3 av teimum sum svumu innleiðandi í morgun, og um vit so siga at hini 8 í skjótasta riðli í kvøld svimja skjótari, so endar hon á einum 11. plássi á hesi stevnu. Cecilia svimur fyri Ægir í Klaksvík, besta tíð hjá henni áðrenn hetta var 18:21.37 frá hesi somu stevnu í fjør. Sí úrslitalistan her.
(Cecilia í reyðu Ægir-hettuni á Danish Open 2014. Dan Hjelm eigur myndina)
Cecilia Eysturdal 4:42.88 í 400 frí
Cecilia Eysturdal úr Ægir svam 4:42.88 frí í innleiðandi riðli í morgun. Hennara juniormet er 4:40.09 frá Mare Nostrom í Barcelona í fjør. Føroyskt met hjá Jutta Thomsen er 4:31.38. Splitttíðirnar hjá Cecliu vóru 31.87, 1:07.13 (35.26), 1:43.12 (35.99), 2:19.16 (36.04), 2:55.24 (36.08), 3:31.80 (36.56), 4:08.01 (36.21).
Stóra sjokkið í morgun var, at italska Federica Pellegrini, sum vann 200 frí gjár, svam ov spakuligt til at fáa finalupláss. Hennara tíð var 4:14.27 – ella 1.22 sekund frá finalupláss. Pellegrini var kosin ársins evropeiskur svimjari og evropeisk ítrottarfólk í fjør, og verður mett at vera gull vónin hjá Italia í 200 frí og 400 frí. Italia liggur at vinna 10 gull í øllum ítrottargreinum í London.
Her er video av teimum 400 frí hjá Ceciliu
Cecilia Eysturdal 2:15.41 í 200 frí
Tað gekk ikki heilt sum ætlað hjá Ceciliu Eysturdal úr Ægir í 200 frí í morgun. Cecilia svam 2:15.41, ið er nakað frá hennara juniormet 2:13.14 frá 2010 og føroyska metið hjá Jutta Thomsen frá 2007, ið er 2:10.81. Splitttíðirnar hjá Ceciliu vóru 31.02, 1:05.14 (34.12), 1:41.02 (35.88) og 2:15.41 (34.39). Federica Pellegrini svam skjótasta innleiðandi tíð við 1:59.07.
Her er video av teimum 200 frí hjá Ceciliu
Tvær norðurlenskar bronsur og eina silvur aftrat í dag
Magnus Jákupsson, Heðin L Olsen og Cecilia Eysturdal fingu heiðursmerki í norðurlendsku kappingini fyri juniorar í dag. Magnus vann silvur og setti nýtt føroyskt met og juniormet í 200 rygg við tíðini 1:59.98. Gamla metið hjá honum frá DMK í november var 2:00.71.
Heðin L. Olsen úr Ægir vann bronsu í 50 frí við tíðini 23.47.
Cecilia W. Eysturdal úr Ægir vann bronsu í 400 frí og setti nýtt føroyskt juniormet við tíðini 4:22.01. Gamla metið hjá henni frá FM var 4:22.88.
(Myndir © Jákup Jacobsen 2011)
Cecilia juniormet í 200 frí
Eg yvirsá tíverri eitt juniormet í dag, tá ið Cecilia Eysturdal úr Ægir setti júniormet í 200 metra frísvimjing, við tíðini 2:07.91 har metið hjá henni frá Ægir stevnu í februar mánaða var 2:08.23. Tíðin er eitt sindur frá kravtíðini til Oyggjaleikir, og eisini frá kravtíðini til EJM í Beograd, men tað bilar einki við tað at Cecilia longu hevur klárað kravtíð til bæði, við juniormetinum 9:13.07 í 800 frí frá SuSvim stevnu í mars mánaða. Sí úrslit.
