Tag: Championnats de France de Natation 2011

Danska Rikke Møller Pedersen vann aftur í dag gull, tá ið hon svam 50 bringu uppá 31.85, á fronsku meistarastevnuni á langgeil. Í 50 frí gjørdust Frédérick Bousquet og Alain Bernard fyrstu menn í 2011 undir 22 sekund, Bousquet við 21.82 og Bernard við 21.98. Og Camille Muffat svam næstbestu tíð í heiminum í ár, tá ið hon í 100 frí svam 53.97, har niðurlendska Heemskerk fyrr í mánaðinum svam 53.70. Sí SwimmingWorld Magazine og SwimNews.com.

Continue reading Møller Pedersen aftur gull í Strasbourg í dag

18 ára gamli Yannick Agnel setti í dag franskt met í 400 frí á langgeil, tá ið hann á fronsku meistarastevnuni svam teinin uppá 3:43.85, har metið hjá honum frá tá ið hann vann gull á Biedermann og restini á evropameistarastevnuni í Budapest farna summar var 3:46.17. Hann og Rouault høvdu annars fylgst til og við 300 metrar, til Agnel setti spurt á og dróg meira enn 3 sekund frá Rouault, seinastu 100. Rouault varð nummar 2 við 3:47.42, og danski Mads Glæsner varð so nummar 3 við 3:51.88.

Continue reading Agnel smurdi hinar av í 400 frí