Tag: Danish Open 2009

Tá rokni eg ikki heiðursmerki við sum føroyingar hava vunnið sum partur av liðsvimjing saman við dønum, og heldur ikki heiðursmerkini sum føroyski Frans Johannesen vann í donsku juniorkappingini, sum varð avgreidd um morgunin. Føroyingarnir kláraðu tilsamans 12 ferðir at svimja seg víðari til hálvfinalur og finalur, og settu tilsamans 11 føroysk met, harav eitt enntá var norðurlendskt met:

• Pál Joensen – 1 gull, 2 silvur, 1 bronsu, 4 finalupláss, 7 føroysk met, 2 ferðir undir norðurlendskt met, 1 norðurlendskt met
• Elspa Mørkøre – 3 silvur, 1 bronsu, 2 hálvfinalupláss, 4 finalupláss
• Shaila millum Garðarnar – 2 føroysk met, 1 hálvfinalupláss
• Mona Simonsen – 2 føroysk met, 1 finalupláss

Continue reading Samandráttur: Føroyingar vunnu 1 gull, 5 silvur og 2 bronsu á DM 2009

Tíðindaskriv frá SSF

Pál Joensen kláraði sum væntað at gerast danskur meistari í 800 frí í dag, eftir at Mads Glæsner hevði valt at spara seg fyri kapping á hesum teini. Og hartil setti Pál norðurlendskt met við nærum 2 sekundum, við at svimja 7:54.40, har metið hjá Mads Glæsner frá kapping í Ballerup í februar var 7:56.21.

Mona Simonsen royndi í 1500 frí eftir føroysku kravtíðina til heimsmeistarastevnuna í Rom í summar, sum er 17:32.36 í 50 metra hyli, men rakk tíverri ikki hesum máli hesuferð, hóast hon við tíðina 17:57.61 setti flott føroyskt met, og gjørdist fyrsta føroyska kvinna undir 18 minuttir.
Continue reading Tíðindaskriv: Pál danskur meistari og norðurlendskt met

So var endiliga slutt við silvurheiðursmerkjunum, nú Mads Glæsner hevði spart seg fyri 800 frí, og Pál Joensen tí svam seg trygt til danska meistaraheitið, umframt at taka norðurlendska metið frá Glæsner. Mads Glæsner átti metið á 7:56.21 frá kapping í Ballerup í februar, men Pál betraði tað so í dag við næstan tveimum sekundum, til 7:54.40. Jón Bjarnason var ikki tó heilt nøgdur við avrikinum, av tí at Pál var ov spenntur, og tí legði út við ov títtum armtøkum. Ein feilur vegna væntandi langhyljavenjing, sum merktist aftur móti endanum, og sum tí kostaði eini 4 sekund. Men hvat? – hann vann kappingina, og setti metið 🙂
Continue reading Pál danskur meistari og norðurlendskt met

Tíðindaskriv frá SSF

Tey siga úr Danmark at hon er væl fyri aftur, eftir at hava verið ússalig teir seinastu dagarnar; men valdi tó at spara seg í morgun, við tað at hon allíkavæl var í so langt frá HM kravtíðini í 200 rygg. So nú er síðsti kjansur hjá henni at seta kravtíð til heimsmeistarastevnuna í Rom, teir 100 rygg í 4×100 blandað stafett fyri WestSwim, seinnapartin í dag.
Continue reading Elspa valdi 200 rygg frá í morgun

Tíðindaskriv frá SSF

Elspa Mørkøre megnaði í dag at svimja seg til enn eitt silvurheiðursmerki, hesuferð í 50 rygg, har hon fyrr á hesi donsku meistarastevnu hevur vunnið silvurheiðursmerki í 100 rygg og 400 frí, umframt bronsuheiðursmerki í 200 frí. Tíðin hjá henni var 29.56 sekund í hesum 50 rygg, har vinnarin Pernille Larsen hevði tíðina 29.20 sekund. Vit hoyra úr Danmark at Elspa hevur verið so væl fyri, hesar seinastu dagarnar, men hon má so royna alt tað hon kann, aftur í morgin, tá ið hon skal svimja 200 rygg, umframt 100 rygg í stafett fyri WestSwim. Hetta hon skal klára at kvalifisera við danska landsliðnum til heimsmeistarastevnuna í Rom í summar.
Continue reading Elspa vunnið sítt triðja silvurheiðursmerki á Danish Open 2009

Hesuferð var tað heilt tætt ímillum hana og Pernille Larsen, men Pernille vann so teir 50 rygg við tíðina 29.20, og Elspa vann enn eitt silvurheiðursmerki við 29.56. Elspa hevur vunnið 3 silvurheiðursmerki, í 50 rygg, 100 rygg, og 400 frí, umframt eitt bronsuheiðursmerki í 200 frí. Og eftir er so 200 rygg í morgin, har hon aftur er styrkismett sum nummar 2, umframt 4×100 blandað, har hon væntandi fer at royna enn einaferð eftir kravtíðina til heimsmeistarastevnuna í Rom.

Mads Glæsner hevur spart 800 frí burtur, hesuferð, og Pál Joensen er tí klárur favorittur at vinna 800 frí. Jon Rud svam gott nokk bara 2 sekund spakuligari enn Pál, í teimum 800 innleiðandi, og betraði seg frá 8:24.56 til 8:21.96. Men Pál svam róligt, 8:19.79 har besta tíð hjá honum er 7:56.90, og spurningurin er tí mest, um Pál man fara eftir norðurlendska metinum hjá Mads Glæsner, frá Ballerup í februar 2009, sum er 7:56.21.

Her eru tað Jón og Jón og ‘Dallin’ sum eru ‘re-live’

(video strikað) Continue reading Pál Joensen er (sum væntað) favorittur at vinna 800 frí

Tíðindaskriv frá SSF

Tað gjørdist sum væntað ein øgiligur kampur millum teir báðar Pál Joensen og Mads Glæsner, tá ið teir í dag kl 16 svumu 1500 metra frí finalu, á donsku meistarastevnuni í Esbjerg. Pál legði hart út og førdi so gott sum allan vegin, við Mads undir liðini, inntil Mads eftir umleið 1200 metrum setti eyka ferð á og sleyt seg frá Pál, við ófatiligum splitt-tíðum sum til dømis 56.11 sekund teir síðstu 100 metrarnar. Pál gjørdi fyri so vítt ongan feil, og fór við tíðini 15:02.80 eisini undir tað nú fyrrverandi norðurlendska metið hjá Mads Glæsner, sum var 15:03.33 frá OL í Beijing í 2008. Men Glæsner svam enn skjótari, og gjørdist við nýggjum meti á 14:58.55 fyrsti norðurlendingur nakrantíð undir 15 minuttir. Vit frætta tó úr Esbjerg at Jón Bjarnason er heilt væl nøgdur, og væntar at Pál fer at koppa Mads, tá ið hann um nakrar mánaðir hevur havt møguleika at venja í langhyli.

(Pál og Mads Glæsner, eftir teir 1500 í Esbjerg. © Jón Bjarnason 2009)
Í eftirfylgjandi kapping setti Shaila millum Garðarnar føroyskt met í 50 frí, við tíðini 27.32 sekund, har hennara gamla met frá donsku meistarastevnuni í fjør var 27.48. Ein tíð sum tíverri var akkurát ov stutt til at náa at koma í finaluna í morgin.
Continue reading Pál svam skjótt men Mads svam skjótari

Tíverri rakk tað ikki til meira enn eitt 9. pláss í hálvfinaluni, og tí nokk ikki nokk til at koma millum tær 8 í finaluna, uttan so at onkur meldar frá. Men tíðin 27.32 sekund var so forbetring av hennara 27.48 frá DM í Gladsaxe í fjør, sum mær vitandi er føroyska metið.

Tað var ein øgiligur kampur ímillum teir báðar Pál Joensen og Mads Glæsner, tá ið teir kl 16 í dag svumu finalu í 1500 frí, á donsku langhyljameistarastevnuni í Esbjerg. Pál førdi so gott sum allan vegin upp til 1200 metrar, við Mads undir liðini, inntil Mads gjørdi eitt rykk og sleyt seg framum. Fantastiskar tíðir hjá báðum, har Pál setti ótrúligt føroyskt met við 15:02.80, í mun til teir 15:18.37 í Beograd í fjør, og í mun til norðurlendska metið hjá Mads fram til í dag, sum var 15:03.33 frá OL í Beijing. Men Mads slapp at verða fyrsti norðurlendingur nakrantíð undir 15 minuttir, við nýggjum norðurlendskum meti, 14:58.55. Flott Mads!
Continue reading Mads fór undir 15