Tag: Danish Open 2012

Magnus Jákupsson megnaði aftur í dag at seta føroyskt met og juniormet í 100 firvald, tá ið hann í finaluni á Danish Open 2012 svam teinin uppá 55.46, har hann í hálvfinaluni í gjár svam 55.47. Altso met við éinum hundraðparti av einum sekundi, men met er met 🙂

(Magnus Jákupsson á Danish Open 2012, René Thomsen eigur myndina)

Magnus megnaði við hesum at seta 3 føroysk met og 3 føroysk juniormet á hesi stevnu, tá ið hann fyrst setti met í 50 metra ryggsvimjing við 26.64, síðani í 100 metra firvaldasvimjing við 55.47, og so aftur í 100 metra firvaldasvimjing við 55.46.

Sí úrslistalista her.

Magnus Jákupsson luttók í morgun í 200 metra ryggsvimjing á Danish Open 2012, og gjørdist har við tíðini 2:09.47 triðskjótastur av teimum 22 luttakandi, eitt lítið vet frá sínum føroyska meti á 2:08.88 frá EJM í Beograd í fjør. Sambært úrslitalistanum hevur hann meldað frá finaluni, men skal so enn sambært ætlanini svimja finalu í 100 metra firvald.

Magnus Jákupsson svam beint nú hálvfinalu í 100 metra firvaldasvimjing fyri menn á Danish Open 2012, og megnaði har at svimja seg víðari til finalu í morgin, við nýggjum føroyski meti og juniormeti 55.47. Hann átti sjálvur metini, á 56.20 frá evropeisku juniormeistarastevnuni í Beograd í fjør.

Lítla løtu seinni luttók hann í finaluni í 100 rygg, kanska í so stutt pausa, við tað at tíðin gjørdist 59.48 nú í mun til 58.63 í hálvfinaluni í gjár. Men imponerandi svomið allíkavæl og ‘fult hús’ tá ið tað kemur til at sleppa í finalur, líka við undantaki av kolldømingini í 200 blandað.

Magnus Jákupsson megnaði í morgun at kvalifisera seg til hálvfinalu í 100 firvald, seinnapartin, við sættbestu tíð 56.31, har føroyska metið hjá Magnusi er 56.20. Hetta var eitt nokk so fitt lop upp eftir styrkismetingarlistanum, í mun til hansara 12. pláss á startlistanum. Og til nú heldur stimin altso, at føroyingarnir konsekvent kvalifisera seg til finalur, í teimum greinum teir kappast í. Sí úrslitalista her.