17 ára gamli David Nolan setti í vikuskiftinum tvey amerikansk high school og aldursbólkamet (17-18 ár) á PIAA Swimming Championships, tá ið hann betraði sítt egna met í 200 yards blandaðari svimjing frá 1:43.43 í fjør til 1:41.39 nú, og svam 100 yards rygg uppá 45.49, har aldursbólkametið var 46.11, og high school metið 46.75. 200 yards metið er áttanda besta tíðin yvirhøvur, har einans college-svimjarar sum Ryan Lochte (1:40.08), Bradley Alley (1:40.49) og Michael Phelps (1:40.58) hava svomið skjótari. Kelda: simma.nu/no.