Tag: dubai 2010

Bjarnason og undirritaði tosa her um jólastemningin á hotellinum, og um nýggja startlistan til 1500 frí. Orsaka at ljóðið er so veikt … eg royni nakað nýtt sum ljóðaði fínt á upptakaranum, at taka eina MP3-fílu uppá og so senda hana til Ipadio, heldur enn at brúka pengar uppá telefon-uppkallið. Ljóðið er fínt um tit skrúva ordiliga nógv upp.

Her eru tær myndir sum eg til nú havi fingið lagt upp á Flickr, frá túrin her til Dubai umvegis NJM í Kastrup. Eg havi onkrar videoir eisini, men sjálvt her úr ‘media center’ tekur tað yvir 2 tímar at senda 135 MB upp á YouTube.

Bara heilt skjótt her av tekjuni á Hotel Holiday Inn Al Barsha. Ein hyggeligur krókur í arabiskum stíli, í selskapi við svimjarum úr Brasil.

Tilmeldingarnar til HM í Dubai síggjast nú her á www.omegatiming.com, har vit lukkutíð síggja Pál sum nummar sjey í 400 og 1500 frí. Við fyrivarni fyri at onkur feilur er í skrásetingini, so merkir tað at Pál í øllum førum er í finaluni í 1500 frí, har 8 sleppa við, og at góður kjansur er fyri at hann kann koma í finaluna eisini í 400 frí.

Continue reading Startlistarnir til HM í Dubai eru nú á netinum

Ein stutt heilsan higani úr Dubai, nú klokkan fer av 22 í Dubai og tíð tí er at fara í song. Í morgin er tað upp klokkan 8, at venja og at fara á tekniskan fund har evnið garanterað verður eisini buss-sambandið til og frá høllina.

Nú er tað longu leygardagin at lítla HM liðið fer avstað, fyrst niður at yvirnátta eina nátt, og so víðari sunnukvøldið so at vit lenda í Dubai einaferð kl 6-7 á morgni, mánamorgunin.