Elisabeth Erlendsdóttir megnaði í dag at svimja seg í A-finalu á Southern Zone Speedo Sectionals 2024, tá ið hon í 200 metrar ryggsvimjing svam seg til eitt 8. pláss við tíðini 2:21.60. Besta tíð hjá henni nakrantíð, er 2:17.59 frá Pro Swim Series stevnuni í Fort Lauderdale í fjør.
Elisabeth Erlendsdóttir luttekur í hesum døgum á stevnuni Southern Zone Speedo Sectionals 2024, sum Florida Swimming skipar fyri í Orlando, Florida. Startlistin sæst her, úrslit o.t. sæst her, og stroyming (afturfyri gjaldi) er her
Elisabeth Erlendsdóttir (2005) úr Havnar Svimjifelag megnaði nú í kvøld at svimja seg til bronsuheiðursmerki á Bergen Swim Festival 2022, tá ið hon í A-finaluni í 200 metra ryggsvimjing svam teinin uppá 2:21.07. Besta tíð hjá henni nakrantíð, er 2:19.88 frá Edinburgh International Swim Meet í mars mánaða.
Elisabeth Erlendsdóttir svam seg í morgun til nýtt persónligt met og pláss í juniorfinaluni á Edinburgh International Swim Meet 2022, tá ið hon í umsvimjing í innleiðandi 50 metra ryggsvimjing svam teinin uppá 30.09 sekund. Hetta er á langgeil, har besta tíð hjá henni áðrenn í dag, var 30.12 frá Evropeisku JuniorMeistarastevnuni í fjør summar.
Hetta hava tit sikkurt øll fingið við – men Elisabeth Erlendsdóttir úr Havnar Svimjifelag vann nú leygarkvøldið heiðurin sum ársins stjørnuskot 2021, tá ið Ítróttasamband Føroya skipaði fyri Ítróttafagnaðinum 2021. Til lukku Elisabeth!
Ferðaleiðari Hjørdis Mortensen heilsar úr Róm, at hetta hevur verið læruríkt, spennandi og stuttligt hjá teimum … og úrslitini tala jú fyri seg
Elisabeth Erlendsdóttir royndi seg í morgun í 200 metra ryggsvimjing á Evropeisku JuniorMeistarastevnuni í kappsvimjing á langeil, og varð har nr 20 av teimum 24 luttakandi við tíðini 2:24.40. Besta tíð hjá henni nakrantíð er 2:23.33 frá OL-úttøkustevnuni SuSvim Open í apríl mánaða; men tvær bestu tíðir í trimum royndum er jú avgjørt góðkent 🙂 Sí úrslitalistan her
Elisabeth Erlendsdóttir royndi seg í morgun í sínari fyrstu kapping á Evropeisku Juniormeistarstevnuni í Róm, í 100 metra ryggsvimjing. Tað gekk upp á stás – hon setti persónligt met við tíðini 1:04.67, har hennara besta tíð til nú var 1:05.60 frá OL-úttøkustevnuni SuSvim Open í apríl mánaða. Sí úrslitalistan her
Elisabeth reyk upp eftir úrslitalistanum við hesi tíðini, til eitt 22. pláss av 51 luttakandi, har hennara upprunaliga styrkismeting var at verða nr 42 av 51 luttakandi. Sekstan sluppu víðari til hálvfinalurnar, so har manglaði lítið í.
Elisabeth var longu áðrenn hetta hin næstskjótasta føroyska nakrantíð í hesari greinini, men hevur nú neyðturviliga minkað nógv um munin fram til Signhild Joensen á fyrstaplássi.
Evropeiska svimjisambandið LEN skipar nú hin 6. til 11. juli 2021 fyri Evropeisku JuniorMeistarastevnuni í kappsvimjing á langgeil 2021, í samstarvi við italska svimjisambandið FIN, í Róm í Italia. Fyri Føroyar luttaka Elisabeth Erlendsdóttir og Bartal Erlingsson Eidesgaard, bæði úr Havnar Svimjifelag.
