Tag: Elspa Mørkøre

Elspa Mørkøre vann silvur í 200 frí við tíðini 2:00.53. Hon hevur harvið kvalifiserað seg til EM í desember, siga tey úr Danmark. Vinnarin, Lotte Friis, kom í mál við tíðini 1:58.19. Elspa lá annars nr 4 aftaná 50 m, men tók seg framm sum nr 3 eftir 100 m og vendi sum nr 2 aftaná 150 m.

Elspa var millum tær bestu í 200 frí í morgun og slapp víðari til hálvfinalurnar í kvøld. Hennara tíð var 2:04.53. Tilmeldingartíðin hjá Elspu er 2:03.15.

Tær báðar Elspa Mørkøre (WestSwim) og Pernille Larsen (AGF) halda á við at dominera í rygg svimjingini. Pernilla svam besta tíð í morgun (1:01.58), meðan Elspa fekk næstbestu tíð (1:03.36) í teimum innleiðandi riðlunum. Mie Refn úr Farum svam triðbesta tíð (1:04.10). Pernille Larsen og Mie Refn minnast vit frá NJM 2007. (mynd: Pernille Larsen)

Hon fylgdi alvorliga væl við Louise Jansen gjøgnum firvald og rygg, men misti so nøkur sekund í bringusvimjingini. Var aftanfyri Katrine Holm Sørensen eina løtu, men fekk tó svomið seg til eitt silvurheiðursmerki allíkavæl.

Tíðin hjá Elspa var 2:15.90. Pernille Larsen úr AGF vann gull sannførandi við tíðini 2:07.44 og setti samstundis dansk junior met.

Elspa (West Swim) svam seg í finaluna í 200 blandað við tíðini 2:22.23. Hennara tilmeldingartíð var 2:16.94. Í finaluni sleppur hon at svimja mótir favorittinum og lokal kappingarneytanum Katrine Holm Sørensen úr Swim Team Esbjerg. Katrine svam besta innleiðandi tíð: 2:16.93. Katrine minnast vit eisini frá NJM í fjørð. Tá vann hon 200 blandað við tíðini 2:21.68.

Elspa vann sín riðil í 200 rygg við tíðini 2:17.52, sum var næstbesta tíð í morgun, og megnaði sostatt at ogna sær eitt finalupláss. Tilmeldingartíðin hjá Elspa er 2:12.58. Favoritturin Pernille Larsen úr AGF svam besta tíð í morgun (2:11.18).