Cecilia Eysturdal úr Ægir setti í morgun nýtt juniormet í 1500 frí, við at svimja 18:30.11 har kravtíðin til at seta juniormet var 18:46.73. Monika Biskopstø svam við 18:33.52 eisini klárt undir kravtíðina til juniormet, men fær tað ikki tí at Cecilia svam skjótari.
Hervið eru til nú eini 6 føroysk met og 16 juniormet sett á FM/JM 2010, umframt at Astrið Foldarskarð tangeraði metið hjá Helenu Strøm Sævarsdóttir í 50 firvald.
Føroysku svimjararnir megnaðu í kvøld at seta 2 føroysk met og 2 juniormet, afturat teimum trimum juniormetunum frá í morgun. Hartil havi eg yvirsæð eitt juniormet hjá Havnar Svimjifelag frá í gjár, í 4×100 blandað hjá monnum, soleiðis at metini til nú eru eini 6 føroysk met og 15 juniormet, á FM/JM 2010.
Continue reading 2 føroysk met og 5 juniormet, annan dag á FM/JM 2010
Stafetturnar, 800 frí menn og 1500 frí kvinnur er ikki tikið við.
Birita Debes úr FLOT setti í morgun nýtt juniormet í 50 frí, við tíðini 27.03 har metið hjá henni frá landsdystinum ímóti Íslandi í fjør var 27.11. Cecilia Eysturdal, Turið S. Christiansen, Óluva Jacobsen og Monika Biskopstø settu nýtt juniormet fyri Ægir í 4×100 blandað, við tíðini 4:41.25 har kravtíðin til at kunna seta juniormet var 4:57.88. Og HS-dreingirnir Magnus Jákupsson, Óli Mortensen, Bartal Hestoy og Høgni Miné settu nýtt juniormet í 4×100 frí, við tíðini 3:46.22 har metið hjá Ægir hjá MU farna vikuskiftið var 3:58.18.
3 føroysk met og 4 juniormet vórðu sett í kvøld á Føroyameistarastevnuni 2010, afturat tí eina føroyska metinum og 5 juniormet frá Juniormeistarastevnuni og innleiðandi riðlunum í morgun. Hartil tangeraði Astrið Foldarskarð úr FLOT juniormetið í 50 firvald, við tíðini 30.05 har Helena Strøm Sævarsdóttir úr Suðuroyar Svimjifelag í morgun setti juniormet við somu 30.05, soleiðis at ein kanska av røttum skuldi talt skurðin í dag at verða 4 føroysk met og 10 juniormet.
Continue reading 4 føroysk met og 9 juniormet, fyrsta dag á FM/JM 2010
Ægir-genturnar Monika Biskopstø, Turið S. Christiansen, Óluva Jacobsen og Cecilia Eysturdal settu fyri løtu síðani nýtt føroyskt met í 4×100 frí, við tíðini 4:10.25 har metið hjá Ægir frá Meistarastevnuni fyri Ung farna vikuskifti var 4:10.96.
Unga Tanja Skaalum úr Suðuroyar Svimjifelag fleyg undir teir 35 í 50 bringu, og hóttir nú av álvara føroyska metið eisini. Tíðin hjá henni var 34.69, har hon á Meistarastevnuni fyri Ung setti annars ógvuliga flott juniormet á 35.16. Men Malan Vitalis Bærendsen svaraði so aftur í síðsta riðli nú, við at svimja 34.54, har føroyska metið hjá Katarinu Lamhauge frá Oyggjaleikum er 34.49.
Fyrst betraði Poula Ø. Mohr úr Fuglafjarðar Svimjifelag um sítt juniormet í 50 firvald, við at svimja teinin uppá 30.11 sekund í næstsíðsta riðli av innleiðandi FM og JM 2010, har juniormetið hjá henni frá stevnu í Klaksvík í mars mánaða var 30.29. Og síðani betraði Helena Sævarsdóttir úr Suðuroyar Svimjifelag um juniormetið til 30.05.
Ungi Magnus Jákupsson úr Havnar Svimjifelag setti í morgun nýtt føroyskt met og juniormet á Føroyameistarstevnuni 2010, við tíðini 25.44 í 50 firvald. Pál Joensen átti føroyska metið á 25.62 frá Oyggjaleikum á Álandi, og eisini føroyska juniormetið á 25.83 frá Klaksvík National í 2008.
