Teir fýra Rólant Toftum, Høgni Simonsen, Eyðbjørn Joensen og Pál Joensen megnaðu í gjárkvøldið at seta nýtt føroyskt met í 4×50 metra frísvimjing, tá ið teir í finaluni á FM/JM 2013 vunnu gull í tíðini 1:35.06, har metið hjá Havnar Svimjifelag frá FM í fjør var 1:35.26. Sí úrslitalistan her.
Tær fýra Guðrun Mortensen, Tanja Skaalum, Shaila millum Garðarnar og Kristina Elin Thomsen megnaðu í gjárkvøldið at seta nýtt føroyskt met í 4×50 metra frísvimjing, tá ið tær í finaluni á FM/JM 2013 vunnu gull við tíðini 1:47.15. Ein tíverri heldur rótut løta í sjónvarpingini hjá okkum, við tað at Ægir dámurnar komu skjótari á mál og tí vórðu feiraðar og interviewaðar í at hava sett met og vunnið gull, áðrenn tað kom fram at har hevði verið eitt ov skjótt skifti millum tveir svimjarar. Sí úrslitalistan her.
Markus Joensen úr Havnar Svimjifelag megnaði í gjárkvøldið at seta nýtt føroyskt juniormet í 50 metra bringusvimjing, tá ið hann í finaluni á FM/JM 2013 svam teinin uppá nágreiniliga 30.00 sekund. Einans Pál Joensen var skjótari við 29.12, so eitt flott silvurmerki til Markus í hesi grein. Sí úrslitalistan her.
Victoria Wigant Eysturdal úr Ægir setti fyri løtu síðani nýtt føroyskt juniormet í 100 metra frísvimjing, tá ið hon í finaluni á FM/JM 1013 gjørdist føroyameistari við tíðini 2:06.13. Tað var stórasystir Cecilia Eysturdal sum átti juniormetið, á 2:06.77 frá Føroyameistarastevnuni í 2011. Sí úrslitalistan her.
Poula Øssursdóttir Mohr úr Havnar Svimjifelag setti fyri løtu síðani stórt nýtt føroyskt met í 100 metra blandaðari svimjing, tá ið hon í finaluni á FM/JM 2013 svam teinin uppá 1:03.78. Elspa Mørkøre átti metið frá donsku meistarastevnuni á stuttgeil í 2007, so talan var um eitt lutfalsliga gamalt met, ið Poula her tók. Sí úrslitalistan her.
Onkur uttanlanda hevur biðið um hetta, so ífall at einki annað riggar …
Teir fýra Róland Toftum, Sigmundur Mørkøre, Høgni Simonsen og Eyðbjørn Joensen úr Suðuroyar Svimjifelag settu í morgun nýtt føroyskt juniormet í 4×50 metra bringusvimjing (kidding! … frísvimjing sjálvsagt :-), tá ið teir á FM/JM 2013 vunnu føroyska juniormeistaraheitið við frálíku tíðini 1:38.48. Sí úrslitalistan her.
Poula Øssursdóttir Mohr setti fyri løtu síðani nýtt føroyskt met í 200 metra firvaldasvimjing,tá ið hon í finaluni á FM/JM 2013 svam teinin uppá 2:23.25, har metið hjá Kristinu Elin Thomsen frá Ægir-stevnu í februar 2012 var 2:25.36. Kristina Elin svam eisini undir sína bestu tíð, og hevur sostatt sett nýtt føroyskt juniormet. Sí úrslitalistan her.
Markus Joensen úr Havnar Svimjifelag setti fyri løtu síðani nýtt føroyskt juniormet í 100 metra bringusvimjing, tá ið hann á FM/JM 2013 svam teinin uppá 1:05.82, har metið hjá honum frá stevnu í Vági í mars 2013 var 1:06.26. Markus fer víðari til finaluna í kvøld við bestu tíð ímóti serliga Bartali Hestoy og Páli Joensen, sum tóku sær eitt sindur meira av løttum í morgun. Sí úrslitalistan her.
Besta liðið hjá Ægir setti í gjárkvøldið stórt nýtt føroyskt met í 4×100 metra frísvimjing, tá ið tær á FM/JM 2013 gjørdust føroyameistarar við tíðini 3:55.91, har metið hjá teimum frá FM/JM í fjør var 3:58.58. Svimjararnir vóru nágreiniliga tær somu sum í fjør (við eini eitt sindur ørvísi raðfylgju) – Victoria Wigant Eysturdal, Cecilia Eysturdal, Astrið Foldarskarð og Birita Debes – og nevnast skal at besta liðið hjá SuSvim hjálpti væl til at fáa metið niður, við at geva Ægir skarpan gang fyrstu 300 metrarnar. Sí úrslitalistan her.
