Pál Joensen svam seg lættliga víðari til finalu í 400 metra frísvimjing á Bergen Swim Festival 2014, tá ið teir í morgun avgreiddu innleiðandi riðlarnar. Hann hevði nevniliga klárt skjótastu tíð 3:52.68, har nummar 2 og 3 av seniorunum vóru donsku Sebastian Ovesen á 3:57.90 og Anton Ørskov Ipsen á 3:58.84. Frans Johannesen hevði fjórskjótastu innleiðandi tíð 3:59.03. Millum hesar lá eisini juniorurin Henrik Christiansen, við 3:56.32.
Tag: Frans Johannessen
Pál og Frans víðari til finalu í 200 frí á BSF 2014
Pál Joensen og Frans Johannesen kvalifiseraðu seg báðir til finalu á Bergen Swim Festival 2014, tá ið innleiðandi riðlarnir í 200 metra frísvimjing vóru nú seinnapartin. Pál hevði triðbestu tíð 1:50.36 og Frans 6. bestu 1:51.86, meðan skjótasti var danski (og í løtuni forkølaði) Daniel Skaaning á 1:49.29. Kappingin í 200 frí var sum heild dominerað av føroyingum og dønum, nú eisini donsku Daniel Steen Andersen og Anton Ørskov Ipsen vóru millum teir 7 sum kvalifiseraðu seg til finaluna í morgin.
Pál, Frans og Magnus til Bergen Swim Festival 2014
Árliga Bergen Swim Festival byrjar í morgin, við luttøku av altjóða stjørnum sum til dømis suðurafrikanska Cameron van der Burgh, ungarsku Daniel Gyurta og Katinka Hosszu, og føroyinginum Pál Joensen. Danir hava ein rættiliga stóran hóp eisini, av landsliðssvimjarum og úr sonevnda ‘Great Danes’ hópinum, har eisini Frans Johannesen og Magnus Jákupsson teljast ímillum.
(Magnus, Frans og Pál á Danish Open 2012. Jákup Jacobsen eigur myndina)
Continue reading Pál, Frans og Magnus til Bergen Swim Festival 2014
Magnus 59.04 og triðskjótastur í innleiðandi 100 rygg á MOM Marseille 2014
Teir báðir Magnus Jákupsson og Frans Johannesen royna seg aftur í morgun á MOM Marseille 2014 stevnuni í Fraklandi, har besta úrslit í morgun vælsagtans var tá ið Magnus í innleiðandi rygg svam seg í A-finaluna við triðbestu tíð 59.04. Hann megnaði eisini við tíðini 25.42 at svimja seg í B-finalu í 50 firvald, men sæst ikki á úrslitalistanum fyri B-finaluna; so hann man hava meldað frá har til frama fyri finaluna í 100 rygg nú seinni í dag.
Frans Johannesen svam seg við tíðin 52.72 til eitt 18. pláss í 100 frí, sum ikki rakk til finalu. Og so svam hann 1500 frí uppá 16:17.48, sum rakk til eitt 5. pláss millum teir sum svumu í spakuligari riðlunum í morgun, og vælsagtans eitt 13. pláss samanlagt tá ið finalan er avgreidd nú um eina løtu.
Magnus víðari til finalu eisini seinna dag á MOM Marseille 2014
Magnus Jákupsson megnaði aftur í morgun at svimja seg víðari til finalu, tá ið hann í innleiðandi riðlunum á MOM Marseille 2014 svam 100 firvald uppá 56.34 sekund, sum var 10. besta tíð í innleiðandi og nokk til eitt pláss í B-finaluni í kvøld. Frans Johannesen royndi seg í 400 metra frísvimjing, har hann megnaði at svimja 4:08.27 og 18. bestu tíð. Og teir báðir donsku føroyingarnir royndu seg eisini í 50 frí, har teir endaðu á júst somu tíð, 24.59 og eitt 21. pláss.
Pál 8:05.62 og gull í 800 frí á Østdanske Langbanemesterskaber
Pál Joensen vann sum væntað kappingina í 800 metra frísvimjing á eysturdonsku meistarastevnuni á langgeil, tá ið hann í kvøld svam teinin uppá 8:05.62, frammanfyri Anton Ørskov Ipsen á 8:12.37 og Mads Holm á 8:44.77. Tilsvarandi úrslit á vesturdonsku meistarastevnuni vóru Viktor B. Bromer gull við 8:25.24, Frans Johannesen silvur við 8:37.06 og Nicolas Blanch bronsu við 8:41.46. Hetta er alt mitt í tungari venjing, fram í móti Danish Open í mars mánaða, sum samstundis er úttøkustevna hjá dønum til EM í Berlin í august.
Pál 1:52.87 og silvur í 200 frí á Østdanske Langbanemesterskaber
Pál Joensen svam seg fyri løtu síðani til eitt silvurheiðursmerki á eysturdonsku meistarastevnuni á langgeil, tá ið hann í 200 metra frísvimjing svam teinin uppá 1:52.87, eitt vet aftanfyri Magnus Westermann á 1:52.68 og knøpp 2 sekund frammanfyri Sebastian Ovesen á 1:54.72. Á vesturdonsku útgávuni av somu stevnu vann Frans Johannesen hesa kapping við tíðini 1:53.44, frammanfyri Anton Bromer á 1:56.78 og Kasper Schultz á 1:58.38. Pál og Frans skulu eftir ætlan báðir royna seg í 800 metra frísvimjing um eina løtu, har Pál hevur bestu tilmeldingartíð í eystri, og Frans á sama hátt í vestri.
Pál 3:54.64 í 400 frí og gull á Østdanske Langbanemesterskaber
Pál Joensen megnaði í kvøld at vinna gull á eysturdonsku meistarastevnuni á langgeil, tá ið hann í 400 metra frísvimjing svam teinin uppá 3:54.64, har silvurvinnarin Anton Ørskov Ipsen svam 3:58.16 og triði Magnus Sloth Poulsen 4:10.91. Tað var Pál fremst allan vegin, og eisini væl skjótari enn tilsvarandi finalan á vesturdonsku meistarastevnuni, har Viktor B. Bromer vann við 4:01.10, Frans Johannesen vann silvur við 4:03.16 og Anton Bromer varð nummar trý við 4:09.70.
Magnus Jákupsson, Frans Johannesen og Pál Joensen á Danish Open 2012 í Bellahøj. René Thomsen eigur myndina.
Frans Johannesen vann sær eisini eitt bronsuheiðursmerki í 50 metra frísvimjing, tá ið hann svam teinin uppá 24.44, har Emil Skovfoged Gregersen vann við 24.05 og Kasper Schultz varð nummar tvey við 24.44. Magnus Jákupsson var á eysturdonsku meistarastevnuni tilmeldaður í 50 frí og 50 rygg, har hann tó av einhvørjari orsøk endaði við ikki at luttaka.
Magnus og Frans úttiknir til at umboða Danmark á EM 2013 í Herning
Danska svimjisambandið kunngjørdi nú meistarastevnan á stuttgeil endaði í kvøld, teir tilsamans 29 svimjararnar sum skulu umboða Danmark nú í desember, tá ið EM á stuttgeil verður á heimavølli í Herning. Tað eru øll tey 28 sum kláraðu kravtíð, umframt Mathias Andersen sum setti danskt met í 50 bringu men akkurát var for stuttur til at náa kravtíðina eisini. Hann er úttikin til at styrkja stafettirnar.
(Danska EM-landsliðið til Herning 2013. Á myndini vænta Mads Glæsner sum er farin til USA aftur at venja, umframt vist nokk Lotte Friis sum legðist sjúk í dag)
Magnus, Pál og Frans víðari til finalu seinnapartin
Aftur nú seinnapartin verða føroyingar at síggja í finalu, á donsku meistarastevnuni á stuttgeil. Magnus Jákupsson fær út at gera, tí hann hevur bestu tíð í 100 rygg, nú aftaná innleiðandi riðlarnar, og síðani næstbestu í 50 firvald bara eina kapping seinni. Frans Johannesen hevði næstbestu tíð 1:49.07 í innleiðandi 200 frí, og Pál Joensen har sjeyndbestu 1:49.66. Hetta er síðsti dagur á donsku meistarastevnuni, finalurnar byrja klokkan 16 føroyska tíð, og fylgjast kann við her á livetiming. DR hevur stroymað frá øllum finalum, men tað var feilheft í fyrstuni, og er eftir øllum at døma avmarkað til bara at kunna síggjast í Danmark.
